మాస్టర్ బూట్ రికార్డ్

ఏ ఏంటీవైరస్ సాఫ్ట్ వేర్ గుర్తించనంతగా మీ సిస్టమ్ లో వైరస్ లు, ట్రోజాన్ లు ప్రవేశించడానికి వీలు కల్పించేవే rootkit లు. రూట్ కిట్ మన సిస్టమ్ లోకి ప్రవేశించిన తర్వాత అడ్మినిస్ర్టేటర్ కి ఎంత విస్తృత స్థాయిలో అధికారాలు ఉంటాయో వాటన్నింటినీ చేజిక్కించుకుంటుంది. బ్యాక్ గ్రౌండ్ లో నిరంతరం పరిశీలిస్తుండే ఏ,టివైరస్ సాఫ్ట వేర్ ప్రాసెస్ ల దృష్టిలో పడకుండా కూడా ఇవి తమని తాము రక్షించుకుంటాయి. అలాగే రూట్ కిట్ లు ప్రస్తుతం మన సిస్టమ్ లో ఇన్ ఫెక్ట్ అయిన వైరస్ లనే కాకుండా మనం నెట్ కి కనెక్ట్ అయినప్పుడు మరిన్ని ప్రమాదకరమైన స్క్రిప్ట్ లను, కోడ్ లను మన సిస్టమ్ లోకి తీసుకు వచ్చి పడేస్తుంటాయి.  Rootkit Revealer వంటి కొన్ని ప్రోగ్రాములు మన కంప్యూటర్లో రూట్ కిట్ లు ఏమైనా ఉన్నాయేమో గుర్తించగలుగుతాయి.

కేవలం విండోస్ ఆపరేటింగ్ సిస్టమ్ లోడ్ అయిన తర్వాత మాత్రమే పనిచేసే రూట్  కిట్ లు ఇంతకాలం పిసి యూజర్లని బెంబేలెత్తిస్తే తాజాగా ఏకంగా హార్డ్ డిస్క్ యొక్క Master Boot Record (MBR)  లోకి చొరబడే రూట్ కిట్ లు వెలుగు చూశాయి. వాస్తవానికి హార్డ్ డిస్క్ యొక్క MBR లోకి చొరబడే బూట్ సెక్టార్ లైరస్ లు DOS వాడుకలో ఉన్న రోజులనుండే ఉన్నాయి. అయితే ఇలాంటి వైరస్ లను దాదాపు అన్ని ఏంటీలైరస్ సాఫ్ట్ వేర్లు స్కాన్ చేసి తొలగించగలుగుతాయి. ఒకవేళ ఏవునా బూట్ సెక్టార్ వైరస్ లు ఇంకా మొండిగా ఉంటే, బూటబుల్ సిడి/ఫ్లాపీ ఆధారంగా పనిచేసే ఏంటి వైరస్ సాఫ్ట్ వేర్లు,, ఇతర సెక్యూరిటీ అప్లికేషన్ల నుండి దాచిపెట్టుకోవడం! ఈ నేపధ్యంలో MBRని ఆశ్రయించే రూట్ కిట్ లను ఎదుర్కోవడం చాలా కష్టమైన వ్యవహారమే! కంప్యూటర్ ని ఆన్ చేసిన తర్వాత BIOS అన్ని హార్డ్ వేర్ పరికరాలను ఇనీషియలైజ్ చేయగానే తదుపరి దశలో మెమరీలోకి లోడ్ అయ్యేదే Master Boot Record. ఈ నేపధ్యంలో ఏకంగా MBRలోకి ప్రవేశించడం ద్యారా రూట్ కిట్ లు మన ఆపరేటింగ్ సిస్టమ్ పై పూర్తి స్థాయి నియంత్రణ పొందగలుగుతాయి. ఇక మనం ఎన్ని ఏంటి వైరస్, ఏంటి స్పైవేర్ సాఫ్ట్ వేర్లు వేసుకున్నా కాండానికే చెదలు పడితే అవేం చేయగలుగుతాయి. MBR లో స్ధిరనివాసం ఏర్పరుచుకున్న రూట్ కిట్ లు తమతోపాటు ఎప్పటికప్పుడు మరికొన్ని ట్రోజాన్ లూ బూట్ సెక్టార్ లోకి లాక్కు రావడం జరుగుతుంటుంది. దాంతో మనం ఆపరేటింగ్ సిస్టమ్ ని బూట్ చేయడమే అనేక రకాల ఇన్ ఫెక్షన్లతో మొదలుపెట్టడమవుతుంది. పస్తుతం Windows XP అంతకన్నా పాత వెర్షన్లకు చెందిన ఆపరేటింగ్ సిస్టమ్ లకు చెందిన MBR లకు ఇన్ ఫెక్ట్ అయ్యే విధంగా రూట్ కిట్ లు చాలామంది కంప్యూటర్లకి సోకుతున్నాయి. Windows Vista ని ఉపయోగిస్తూ, తమ కంప్యూటర్లని ఎప్పటికప్పుడు Windows Update ద్వారా అప్ డేట్ చేసుకుంటున్న యూజర్లకు ఈ బూట్ సెక్టార్ రూట్ కిట్ ల బాధ ప్రస్తుతం లేదు. ఇలాంటి వాటిని తొలగించాలంటే Rootkir Revealer వంటి సాఫ్ట్ వేర్లు బూటబుల్ సిడి ఆధారంగా రన్ అయ్యేలా  రెడీ అవ్వాల్సిందే!

డౌన్ లోడ్ లింక్ : http://www.filehippo.com/download_rootkit_revealer/

ఫాంట్లని ప్రివ్యూ చూసికోవడానికి

మన సిస్టమ్ భారీ మొత్తంలో ఫాంట్లు ఇన్ స్టాల్ చేయబడి ఉన్నట్లయితే వివిధ సందర్భాల్లో ఏ ఫాంట్ ఉపయోగిస్తే బాగుంటుందో నిర్ణయించుకోవడం కష్టంగా ఉంటుంది. అదే Fontmate అనే సాఫ్ట్ వేర్ ని ఉపయోగించినట్లయితే  మన సిస్టమ్ లో ఇన్ స్టాల్ చేయబడి ఉన్న ఫాంట్లని చాలా సులభంగా ప్రివ్యూ చూసుకుని నచ్చిన ఫాంట్ ని అవసరమైన సందర్భంలో ఉపయోగించడానికి అవకాశముంటుంది. సింబల్ ఫాంట్ల విషయంలో ప్రివ్యూ చూసేటప్పుడు మనకు కావలసిన క్యారెక్టర్ ని క్లిప్ బోర్డ్ లోకి కాపీ చేసుకుని  మన అప్లికేషన్లలో కావలసిన చోట పేస్ట్ చేసుకోవచ్చు. http://www.fontmate.com/ అనే వెబ్ సైట్ నుండి ఈ సాఫ్ట్ వేర్ ని డౌన్ లోడ్ చేసుకోవచ్చు.

అప్లికేషన్ల వినియోగాన్ని మోనిటర్ చేయడానికి

మన కంప్యూటర్లో మనం ఇన్ స్టాల్ చేసుకుని రెగ్యులర్ గా ఉపయోగించే అప్లికేషన్ ప్రోగ్రాముల వినియోగ వివరాలను ఓ లాగ్ ఫైల్ రూపంలో రికార్డ్ చెయ్యడానికి Application Usage Monitor  అనే ప్రోగ్రామ్ ఉపయోగపడుతుంది. ఈ ప్రోగ్రామ్ సహాయంతో వివిధ అప్లికేషన్ ప్రోగ్రాములు ఎంత సమయం రన్ అయ్యాయి, సిస్టమ్ మెమరీ ఎలా వినియోగించబడిందీ, మనం ఎంచుకున్న ఫోల్డర్లలో ఫైళ్లు, డైరెక్టరీల స్థితి ఏమైనా మారిందా వంటి వివరాలను వాడబడకుండా ఈ ప్రోగ్రామ్ లో కాన్పిగర్ చేసి పెట్టవచ్చు. ఈ ప్రోగ్రామ్ ని  http://www.geocities.com/kalvinau2003/downloads/aum4.zip అనే లింక్ నుండి ఉచితంగా డౌన్ లోడ్ చేసుకొని వాడుకోవచ్చు.

డౌన్ లోడ్ లింక్ : http://www.geocities.com/kalvinau2003/aum.html

లాగిన్ లను సులభతరం చేసే ప్రోగ్రామ్

Gmail, Yahoo, Computerera.co.in/forum వంటి దాదాపు అన్ని రకాల సైట్లలోకి లాగిన్ అవవలసి ఉంటే  ప్రతీసారీ యూజర్ నేమ్, పాస వర్డ్ లను టైప్ చేయడం చిరాకు అన్పిస్తుంది.  దీనికి ప్రత్యామ్నాయంగా Cute Password Manager అనే ప్రోగ్రామ్ ని మీ కంప్యూటర్లో ఇన్ స్టాల్ చేసుకోండి. మనం వివిధ వెబ్ సైట్లని సందర్శించేటప్పుడు నింనపవలనసి వచ్చే అన్ని ఫారంలు, లాగిన్ వివరాలను ఈ సాఫ్ట్ వేర్ మన కంఫ్యూటర్లలోనే చాలా సురక్షితంగా భద్రపరచి, మరోమాను ఆయా సైట్లని విజిట్ చేసినప్పుడు మన తరఫున ఆ లాగిన్ పేజీలను నింపుతుంది. ఈ ఉచిత సాఫ్ట్ వేర్ ని http://www.cutepasswordmanager.com/ అనే వెబ్ సైట్లో పొందవచ్చు.

డౌన్ లోడ్ లింక్ :   http://www.cutepasswordmanager.com/

సులువైన FTP క్లయింట్ ప్రోగ్రామ్

FTP సైట్ల నుండి పైళ్లని డౌన్ లోడ్ చేసుకోవాలన్నా, FTP సర్వర్లకి  పైళ్లని అప్ లోడ్ చేయాలన్నా ప్రస్తుతం అనేక FTP క్లయింట్ సాప్ట వేర్లు అందుబాటులో ఉన్నాయి. అయితే Global scape n bvbn  Cute FTP అనే ప్రోగ్రామ్ విస్తృతస్ధాయిలో ఆప్షన్లని కల్పించడంతో పాటు చాలా సులువైన ఇంటర్ ఫేస్ ని కలిగి ఉంటుంది. Folder Synchronization Wjizard, Folder Monitor Wizard, Local Backup Wizard, Site Backup Wizard వంటి అనేక ఆప్షన్లను ఈ ప్రోగ్రామ్ లో లభిస్తున్నాయి. వీటి సాయంతో ఎలాంటి పనినైనా చాలా సులువుకా చేసుకోవచ్చు. ఈ ప్రోగ్రామ్ ని http://www.globalscape.com/ అ వెబ్ సైట్ నుండి ట్రయల్ వెర్షన్ ని డౌన్ లోడ్ చేసుకోవచ్చు.

డౌన్ లోడ్ లింక్ : http://www.globalscape.com/

పుస్తక ప్రదర్శనలో బ్లాగుల ప్రాచుర్యానికి వాలంటీర్లుగా పాల్గొనగలరు

హైదరాబాద్ పుస్తక ప్రదర్శనలో తెలుగు బ్లాగులకై ఓ స్టాలుని తీసుకుంటున్నాం.  వేలలో ఉన్న తెలుగు బ్లాగుల సందర్శకులని లక్షల్లోనికి పెంచే దిశగా ఈ పుస్తక  ప్రదర్శలలో మన కార్యక్రమాలు చాలా ప్రభావవంతంగా ఉంటాయని ఆశిస్తున్నాం. ఎందుకంటే,  పుస్తక ప్రదర్శనకి వచ్చేవారిలో చదివే ఆసక్తి ఉన్నవాళ్ళు ఎక్కవ శాతం ఉంటారు కాబట్టి. అయితే, ఈ స్టాలు నిర్వహణకి సంబంధించి ఔత్సాహికులు కావాలి. స్టాలుని ప్రదర్శన నడిచిన రోజులు ( 28) మధ్యాహ్నం 2 గంటల నుండి రాత్రి 9 గంటల వరకూ నడపాలి. కనీసం నలుగురు ఉంటే బాగుంటుందనుకుంటున్నాం.  శని మరియు ఆదివారాలకి బానే దొరుకుతారు. కాబట్టి వారంలోని మిగతా రోజులలో అక్కడ  ఉండి సందర్శకులని సంభాళిస్తే చాలు. అన్ని రోజులూ ఒక్కరే ఉండలేరు కాబట్టి ఒక్కో రోజూ ఒక్కొక్కరూ వంతుల వారీగా చెయాల్సిరావచ్చు. మీకూ ఏయే రోజులలో వీలవుందో చెప్తూ ఇక్కడ స్పందించండి.  (దీనికోసం ఓ పూట మీ కార్యాలయం నుండి సెలవు తీసుకునే దిశగా కూడా ఆలోచించండి.) మీ సహాయం మరియు తోడ్పాటు మాకు ఇప్పుడు అత్యంత ఆవశ్యకం. మీ నుండి సానుకూల  స్పందనని ఆశిస్తూ…

IE టైటిల్ బదులు SoWar Browser అని వస్తోందా?

మీ Internet Explorer బ్రౌజర్ టైటిల్ వద్ద SoWar Browser అనే పేరు వస్తోందా.. అయితే మీ కంప్యూటర్ కి sowar.vbs అనే వైరస్ ఇన్ ఫెక్ట్ అయినట్లు భావించాలి. USB పెన్ డ్రైవ్ ల ద్వారా వ్యాపించే ఈ వైరస్ ఏదైనా పెన్ డ్రైవ్ ద్వారా మన కంప్యూటర్ కి ఇన్ ఫెక్ట్ అయిన వెంటనే మన కంప్యూటర్లో C:\Windows డైరెక్టరీలోకి ఈ క్రింది ఫైళ్లని కాపీ చేస్తుంది.

దీని లక్షణాలు:

• Cool USEP Scandal.vbs
• Sowar.vbs
• SysRes.vbs

అలాగే ఇకపై మీ కంప్యూటర్ కి కనెక్ట్ చేసే ప్రతీ పెన్ డ్రైవ్ లోనూ autorun.inf పేరిట ఓ ఫైల్ ని క్రియేట్ చేసి ఆ పెన్ డ్రైవ్ కి ఇన్ ఫెక్షన్ ప్రారంభిస్తుంది. ఈ వైరస్ యొక్క మరో లక్షణం మీ Internet Explorer యొక్క టైటిల్ బార్ ని “SoWar Browser” అనే పేరుతో రీనేమ్ చెయ్యడం.

ఎలా తొలగించాలంటే:

1. Start మెనూలో Run కమాండ్ బాక్స్ లో cmd అని టైప్ చేసి Enter కీ ప్రెస్ చేయండి.
2. కమాండ్ ప్రామ్ట్ వద్ద CD\ అని టైప్ చేసి Enter కీ ప్రెస్ చేయండి.
3. ఇప్పుడు attrib -s -h -r -a autorun.inf అనే కమాండ్ ని టైప్ చేయండి.
4. del autorun.inf అనే కమాండ్ ని ఉపయోగించి ఆ autorun.inf అనే ఫైల్ ని డిలీట్ చేయండి.
5. ఈ autorun.inf అనే ఫైల్ కేవలం C డ్రైవ్ లో కాకుండా D, E, F వంటి అన్ని డ్రైవ్ లలో తిష్ట వేసుకుని ఉంటుంది కాబట్టి ఆయా డ్రైవ్ లలోకి కమాండ్ ప్రామ్ట్ వద్దనే మారి 3, 4 స్టెప్ లలో చెప్పినట్లు ఆ ఫైల్ ని అన్ని డ్రైవ్ లలోనూ తొలగించండి.
6. ఇప్పుడు కమాండ్ ప్రామ్ట్ ని అలాగే ఓ పక్క ఓపెన్ చేసి ఉంచి Start>Search ద్వారా Sowar.vbs, USEP Scandal.vbs, SysRes.vbs అనే మూడు ఫైళ్లూ ఏయే ఫోల్డర్లలో సేవ్ చెయ్యబడి ఉన్నాయో వెదికి పట్టుకుని వాటి పాత్ లు గుర్తు పెట్టుకోండి.
7. కమాండ్ ప్రామ్ట్ ద్వారా ఆయా పాత్ లకు వెళ్లి attrib sowar.vbs. * -s -h -r -a కమాండ్ కొట్టి తర్వాత Enter కొడుతూ.. ఆ వెంటనే అదే పాత్ లో ఉండగా del sowar.vbs అనే కమాండ్ కొడుతూ వేర్వేరు ఫోల్డర్లలో ఉన్న ఆ మూడు వైరస్ ఫైళ్లనీ ఒక్కటొక్కటిగా వాటి attributesని తొలగిస్తూ డిలీట్ చెయ్యాలి.

ఇప్పుడు చివరిగా కంప్యూటర్ ని రీస్టార్ట్ చేయాలి. రీస్టార్ట్ చేసిన తర్వాత..

Internet Explorer పేరుని మామూలుకి తీసుకురావడం:

• Start>Run కమాండ్ బాక్స్ లో regedit అని టైప్ చేసి Registry Editor అనే ప్రోగ్రామ్ లోకి వెళ్లండి.
• HKEY_CURRENT_USER\Software\Microsoft\Internet Explorer\Main అనే విభాగంలోకి వెళ్లండి.
• కుడిచేతి వైపు Window Title పేరిట ఓ string value కన్పిస్తూ దానికి SoWar Browser అనే పేరు సెట్ చెయ్యబడి ఉంటుంది చూడండి. ఆ string వేల్యూని డబుల్ క్లిక్ చేసి Microsoft Internet Explorer అనే పేరుని Value Data గా పేర్కొంటే మీ Internet Explorer పేరు తిరిగి పూర్వస్థితికి వస్తుంది.

ఇతర బ్రౌజర్లకు నెటిజన్లని మార్చే బాధ్యత తీసుకుందాం

చర్వితచరణంగా Internet Explorerలో మళ్లీ మరో కీలకమైన సెక్యూరిటీ లోపం బయటపడింది.  మొత్తానికి ఈనాడు వంటి దినపత్రికలు ఈసారి ఈ సమస్య ప్రాధాన్యతను గుర్తించి నెట్ వాడకందారులను చైతన్యపరిచేలా వార్తలు రాయడం శుభపరిణామం. IEకి ప్రత్యామ్నాయంగా కొన్నేళ్లపాటు Opera చలామణి అయిన విషయం విదితమే. ఇప్పటికీ Opera స్థాయి ఏమాత్రం తగ్గలేదు. అయితే IE స్థానాన్ని బలంగా కదిలించగలగడంలో Mozilla Firefox కీలకపాత్ర పోషించింది.  బ్రౌజర్ సెక్యూరిటీపై కొద్దిపాటి అవగాహన ఉన్నవారు ఎవరైనా ఇప్పుడు IE జోలికే వెళ్లడం లేదు. కారణం ActiveX controls, BHO’s (browser hijackers) వంటి అంశాలతో పాటు ఇతర అనేక సెక్యూరిటీ లోపాలు ఇంటర్నెట్ కి కనెక్ట్ అవాలంటేనే భయపడేలా పిసి వాడకందారులను భయపెట్టేశాయి. ఇప్పటికీ అధికశాతం మంది IEని వాడుతూనే ఉన్నారు.

దీనికి కొన్ని కారణాలు:

• Windowsతో పాటు డీఫాల్ట్ గా IE రావడం. అస్సలు web browser యొక్క ప్రాధాన్యత చాలామందికి తెలియకపోవడం. మరీ ముఖ్యంగా windowsతో పాటు వచ్చినదే ప్రామాణికం అన్న భ్రమలో చాలామంది ఉండడం. Firefox, Opera, Chrome, Safari వంటి అనేక ప్రత్యామ్నాయ బ్రౌజర్లు ఉన్నాయని తెలియకపోవడం.

• ఇప్పుడు స్వంతంగా నెట్ కనెక్షన్ కలిగి ఉన్న ప్రతీ ఒక్కరూ మొదట్లో బయట నెట్ సెంటర్లలో నెట్ బ్రౌజ్ చేసినవారే. నెట్ సెంటర్లలో నేను 1996 నుండి గమనిస్తున్నాను. అప్పట్లోనే IEకి ప్రత్యామ్నాయాలు ఉన్నప్పటికీ అప్పటి నుండి ఇప్పటివరకూ అధికశాతం నెట్ సెంటర్లు IEనే వాడుతున్నాయి. కారణం ఒక్కటే.. “వేరే దానికి మారితే మా సెంటర్ కి వచ్చే కస్టమర్ కి కొత్తగా ఉంటుంది” అని “కంప్యూటర్ ఎరా” పాఠకులైన అనేక నెట్ సెంటర్ల నిర్వాహకులు చెబుతుంటారు నేరుగా కలిసినప్పుడు గానీ,  ఫోన్లలో వారి సందేహాలు తీర్చుకునేటప్పుడు గానీ! అంటే మార్పుని కస్టమర్ల ఆహ్వానించలేరనే ఉద్దేశంతో IEతోనే నెట్టుకువస్తున్నారన్నమాట.

• మన నోళ్లలో ఎక్కువ నానేది ఏదైనా బాగా ప్రాచుర్యం సంతరించుకుంటుదన్నది విదితమే. సహజంగా మనం వెబ్ బ్రౌజర్ ప్రస్తావన వచ్చినప్పుడు “IEలోకెళ్లి ఆ సెట్టింగ్ చేయండి”, “IE అడ్రస్ బార్ లో google.com అని కొట్టండి” ఇలా గైడ్ లైన్స్ ఇస్తూ ఇంటర్నెట్ బ్రౌజర్ అంటే Internet Explorer పేరే స్ఫురించేలా ప్రవర్తిస్తుంటాం. ఇది కొత్తగా కంప్యూటర్ నేర్చుకునేవారికీ, నెట్ వాడేవారి మీదా ఎంతో ప్రభావాన్ని చూపిస్తుంది. ఇలా చెప్పుకుంటూ పోతే IEతోనే జనాలు సతమతం అవడానికి ప్రత్యక్షంగానూ, పరోక్షంగానూ అనేక అంశాలు కారణం అవుతూ ఉంటాయి.

మనమేం చెయ్యగలం:

అవగాహన కలిగిన వ్యక్తి తనకు వీలైనంత మేర మరొకరిని ఎడ్యుకేట్ చేసే బాధ్యతని స్వీకరించడం బాధ్యతగా ఫీల్ కావాలి. మనలో చాలామంది IEని వదిలేసి Firefox, Opera, Chrome వంటి ప్రత్యామ్నాయ బ్రౌజర్లని వాడుతున్నాం. అదీ గాక బ్లాగర్లుగా మనకొక platform ఉంది. బ్రౌజర్ అంటే IEనే అని భావించే బేసిక్ కంప్యూటర్ నాలెడ్జ్ ఉన్న పిసి యూజర్లు ఎందరో మన బ్లాగుల్ని సందర్శిస్తుంటారు. అలాంటి వారిలో ఆలోచన రేకెత్తేలా “IEకి బదులుగా Firefox, Opera, Chrome వంటి బ్రౌజర్లు సురక్షితమైనవి అవి వాడండి” అని సైడ్ బార్ లోనో, మరో చోటో చిన్న మెసేజ్ మనం పెట్టవచ్చు.

నేనేం చేశానంటే:

గత ఆరు నెలలుగా http://computerera.co.in/forum “కంప్యూటర్ ఎరా” ఫోరంలో ఓ చిన్న ఏర్పాటు చేశాను. ఆ ఫోరంలో ఇప్పటివరకూ 6,552 మంది రిజిస్టర్డ్ సభ్యులు, 9,567 వరకూ పోస్టులూ ఉన్నాయి. ఫోరంని సందర్శించే వారి OS, browser, IPలు వగైరా సమాచారం track చెయ్యడానికి Woopra అనే ఓ శక్తివంతమైన సర్వీస్ ని మా VBulletin ఫోరం scriptతో integrate చేయడం జరిగింది. దాని నివేదికల ప్రకారం మొదట్లో IE6 వాడేవారు 42% వరకూ, IE7 వాడేవారు 25% వరకూ, Firefox వాడేవారు 20% వరకూ, Opera వంటి ఇతర బ్రౌజర్లు వాడేవారు 13% వరకూ ఉండేవారు.  దీన్ని దృష్టిలో ఉంచుకుని ఎవరైనా కంప్యూటర్ ఎరా ఫోరంని IE ద్వారా యాక్సెస్ చెయ్యడానికి ప్రయత్నిస్తే పై భాగంలో సీరియస్ వార్నింగ్ చూపించబడేలా ఓ రెండు లైన్ల html కోడ్ ని header scriptలో జతచేయడం జరిగింది. అప్పటి నుండి నిశితంగా గమనిస్తూ వస్తున్నాను. IE వాడేవారు ఫోరంలోకి ప్రవేశించిన వెంటనే పైన కన్పించే వార్నింగ్ వద్ద firefox లింకుని క్లిక్ చేసి ఆ సైట్ కి వెళ్తున్నట్లు outclicks నమోదు అవుతున్నాయి. ఇప్పుడు 6,552 సభ్యులన్న కంప్యూటర్ ఎరా ఫోరంలో 72% మంది Firefoxని వాడుతున్నారు. IE6ని వాడేవారు 10%, IE7 వాడేవారు 13%, ఇతర బ్రౌజర్లు వాడేవారు 5%.

ఇక్కడ చివరిగా ఒక్క విషయం నేను Internet Explorer ద్వేషిని కాదు. ఒక తెలుగు కంప్యూటర్ మేగజైన్ ఎడిటర్ గా ప్రతీ పిసి యూజర్ సెక్యూరిటీ పరంగా సురక్షితంగా ఉండాలని కోరుకుంటాను. సెక్యూరిటీ పరంగా Firefox, Opera వంటి ప్రత్యామ్నాయాల కన్నా IE మెరుగ్గా ఉంటే ఇప్పటికిప్పుడు IEకి వత్తాసు పలకడానికి నేను వెనుకాడను. మన బ్లాగు మిత్రులను కోరేది మనకంటూ బ్లాగులు ఉన్నాయి, సందర్శకులు వస్తుంటారు, వారు కనీసం ఆలోచించేలా firefox వంటి ఇతర బ్రౌజర్లు వాడమని చెప్పగలిగే బాధ్యతని చిన్న మెసేజ్ మన బ్లాగు సైడ్ బార్ లో పెట్టడం ద్వారా చేద్దాం. ఇప్పుడు ఈ బ్లాగుకి వాడుతున్నది కస్టమ్ wordpress టెంప్లేట్. ఇప్పటికిప్పుడు నేను దీనిలో ఆ మెసేజ్ పెట్టలేకున్నాను, ఫోరంలో ఎటూ గత కొన్ని నెలలుగా ఏర్పాటు చేశాను. మీరు బ్లాగర్ లో add element ద్వారా text మెసేజ్ ని సైడ్ బార్ లో జతచెయ్యవచ్చు.

ఈనాడు, ఆంధ్రజ్యోతి హైదరాబాద్ ఎడిషన్ల లో తెలుగు బ్లాగుల దినోత్సవ కవరేజ్

నిన్న హైదరాబాద్ కృష్ణకాంత్ పార్క్ లో జరిగిన తెలగు బ్లాగర్ల దినోత్సవ సమావేశాన్ని ఈనాడు, ఆంధ్రజ్యోతి  హైదరాబాద్ ఎడిషన్ల లో ఈవెంట్ విభాగం క్రింద కవర్ చెయ్యడం జరిగింది. ఆ ఇమేజ్ ఇక్కడ ఇస్తున్నాను. వరూధిని గారు సాక్షిలో కూడా కవర్ చెయ్యబడిందని తెలియజేసిన మీదట సాక్షి క్లిప్పింగ్ ని కూడా జతచేయడం జరిగింది.

Firefoxకీ క్రిస్టమస్ సంబరం తెప్పించవచ్చు..

క్రిస్టమస్ పర్వదినం సమీపిస్తోంది. క్రిస్టియన్ సోదరులు తమ Firefox బ్రౌజర్ కీ పండగ డెకరేషన్ చేసుకోవడానికి వీలుగా ప్రత్యేకంగా క్రిస్టమస్ ని దృష్టిలో పెట్టుకుని పలు Firefox థీమ్ లు ఇంటర్నెట్ లో ఉచితంగా లభిస్తున్నాయి. వాటి వివరాలు చూద్దాం.

• https://addons.mozilla.org/en-US/firefox/addons/policy/0/9690/42148 అనే లింకులో Winter Holiday Christmas Toolbar and Theme అనే 3.9 MB సైజ్ కలిగిన థీమ్ ఒకటి లభిస్తోంది. ఇది యాహూ సెర్చ్ తో కూడిన ఓ టూల్ బార్ ని సైతం థీమ్ తో పాటే మన బ్రౌజర్లో ఇన్ స్టాల్ చేస్తుంది. నాకైతే వ్యక్తిగతంగా ఈ థీమ్ పెద్దగా నచ్చలేదు. ఈ థీమ్ తో పాటు ఓ టూల్ బార్ వస్తుందని చెప్పుకున్నాం కదా! ఆ టూల్ బార్ చిరాకు తెప్పిస్తుంటే Firfox Toolbars ప్రదేశంలో రైట్ క్లిక్ చేసి Christmas Toolbar అనే ఆప్షన్ డిసేబుల్ చేయండి. టూల్ బార్ మాయమవుతుంది.

• Xmas 1.1 అనేది 615KB పరిమాణం కలిగిన మరో క్రిస్టమస్ థీమ్. దీన్ని https://addons.mozilla.org/en-US/firefox/addon/9762 అనే లింకు నుండి డౌన్ లోడ్ చేసుకోవచ్చు. ఇది పరిశోధనాదశలో ఉన్న థీమ్ అవడం చేత Firefox addons సైట్ లో రిజిస్టర్ చేసుకుని లాగిన్ అయిన వారు మాత్రమే డౌన్ లోడ్ చేసుకోగలుగుతారు దీనిని!

• Tinseltown 2.111108 అనేది  861KB సైజ్ కలిగిన మరో క్రిస్టమస్ firefox థీమ్. దీనినీ ఓసారి ప్రయత్నించి చూడండి. ఈ మూడు థీమ్ లలో నచ్చిన దానిని అమర్చుకుని క్రిస్టమస్ పర్వదినపు ఆనందాన్ని మీ బ్రౌజర్ లోనూ పొందవచ్చు. దీన్ని https://addons.mozilla.org/en-US/firefox/addon/3918 అనే లింకు నుండి డౌన్ లోడ్ చేసుకోవచ్చు.