ఏ అప్లికేషన్ లో నుండైనా PDF క్రియేట్ చేసుకోవడం ఎంత సులభమో

8-10 ఏళ్ల క్రితం సంగతి.. అప్పట్లో PDF ఫైళ్లని క్రియేట్ చేసుకోవాలంటే Adobe Acrobat సాఫ్ట్ వేర్ తప్పనిసరిగా ఉండవలసి వచ్చేది. ఆ తర్వాతి కాలంలో అనేక థర్డ్ పార్టీ అప్లికేషన్లూ PDF ఫైళ్లని తయారు చేసి పెట్టడానికి అందుబాటులోకి వచ్చాయి. అయితే కొన్ని PDF తయారీ సాఫ్ట్ వేర్లు యూనీకోడ్ (ఇప్పుడు మనం ఇంటర్నెట్ లో ఎక్కువగా చూస్తున్న తెలుగు, ఇతర భాషల) ఫాంట్లని సరిగా హ్యాండిల్ చెయ్యకపోవడం వల్ల ???? గుర్తులు వస్తుంటాయి. ఇలాంటి సమస్యలు ఏమీ లేకుండా పూర్తి ఉచితంగా చాలా సులభంగా PDF ఫైళ్లని క్రియేట్ చేసుకోవడం ఎలాగో ఇప్పుడు చూద్దాం.

కావలసిన సాఫ్ట్ వేర్: doPDF. (ఇది పూర్తిగా ఉచితం)

స్టెప్ 1: http://www.dopdf.com/ అనే సైట్ ని ఓపెన్ చేసి సైట్ ఓపెన్ అయ్యాక క్రింది చిత్రంలో విధంగా Get It! అనే బటన్ ని క్లిక్ చెయ్యండి. కొద్ది క్షణాలకు 1.64MB సైజ్ కలిగిన చిన్న సాఫ్ట్ వేర్ డౌన్ లోడ్ అవడం మొదలవుతుంది.

స్టెప్ 2: డౌన్ లోడ్ అయ్యాక ఆ dopdf.exe అనే ఫైల్ ని డబుల్ క్లిక్ చేసి సెటప్ రన్ అయ్యాక క్రింది చిత్రంలో విధంగా ఎక్కడ ఇన్ స్టాల్ చెయ్యబడాలో ఎంచుకుని ఆ ప్రోగ్రామ్ ఇన్ స్టలేషన్ ని ముగించండి. ఇప్పుడు ప్రతీ అప్లికేషన్ లోనూ Print డైలాగ్ బాక్స్ లో doPDF పేరిట ఓ అదనపు ప్రింటర్ డ్రైవర్ జతచేర్చబడుతుంది.

స్టెప్ 3: ఇప్పుడు మీరు MS Word, Internet Explorer, Firefox, Photoshop, Pagemaker, వంటి అన్ని రకాల విండోస్ అప్లికేషన్ల నుండి మీ డాక్యుమెంట్లని PDF ఫైళ్లుగా కన్వర్ట్ చేసుకోవచ్చు. ఉదా.కు.. క్రింది చిత్రంలో Firefoxలో ఒక వెబ్ పేజీని PDFగా మారుస్తున్నాను. మీరు ఏ అప్లికేషన్ లో ఉన్నా File మెనూలో Print అనే కమాండ్ ని క్రింది చిత్రంలో విధంగా ఎంపిక చేసుకోండి.

స్టెప్ 4: వెంటనే వచ్చే Print డైలాగ్ బాక్స్ లో Printer అనే లిస్ట్ లో క్రింది చిత్రంలోని విధంగా doPDF v6 అనే ప్రింటర్ మోడల్ ని ఎంపిక చేసుకోండి.

స్టెప్ 5: ఆ తర్వాత ఆ డైలాగ్ బాక్స్ చివర ఉండే OK కొట్టినట్లయితే క్రింది చిత్రంలోని విధంగా PDF ఫైల్ పేరునీ, అది ఎక్కడ సేవ్ చెయ్యాలో ఎంచుకోమని వస్తుంది. డీఫాల్ట్ గా Desktopపై సేవ్ అయ్యేలా సెట్ చెయ్యబడి ఉంటుంది. Browse బటన్ క్లిక్ చెయ్యడం ద్వారా మీకు కావలసిన ఫోల్డర్ లో, మీకు కావలసిన పేరుతో సేవ్ అయ్యేలా సెట్ చేసుకుని, ఆ క్రిందనే Embed fonts అనే బటన్ ని టిక్ చేయండి. చివరిగా OK బటన్ ని ప్రెస్ చెయ్యండి.

అంతే క్షణాల్లో మీరు ఎంచుకున్న డాక్యుమెంట్ PDF ఫార్మేట్ లోకి కన్వర్ట్ చేయబడుతుంది. కమర్షియల్ సాఫ్ట్ వేర్ల ట్రయల్ వెర్షన్లలో మాదిరిగా ఎలాంటి వాటర్ మార్క్ లూ ఉండవు, పైరేటెడ్ సాఫ్ట్ వేర్లు డౌన్ లోడ్ చేసుకుని పిసిలోకి వైరస్ లు తెచ్చుకోవలసిన పనీ లేదు. పూర్తి ఉచితంగా చాలా సింపుల్ గా PDFలు తయారు చేసుకోవచ్చు కదా!

గమనిక: 15,700లకు పైగా ఉన్న ఇలాంటి చక్కని టెక్నికల్ చిట్కాలను ఒకే చోట చదవదలుచుకున్నారా.. ఇంకెందుకాలశ్యం వెంటనే.. http://computerera.co.in/forum/register.php అనే లింకు ద్వారా “కంప్యూటర్ ఎరా సాంకేతిక సహాయం ఫోరమ్”లో రిజిస్టర్ చేసుకుని వేలాది పోస్టులు ఆస్వాదించండి.

ఏ రైలు ఎక్కడ ఉంది? ఎంత ఛార్జ్ అవుతుంది వంటి వివరాలకు

పండగలొస్తే రైలు ప్రయాణాలతో సందడే సందడి కదా! అస్సలు ఏయే ఊళ్లకు ఏయే రైళ్లు వెళతాయో, స్లీపర్, 3A, 2A, AC ఛెయిర్ కార్ వంటి వివిధ క్లాసులకు మీరు వెళ్లబోయే ఊరుకి ఎంత టికెట్ ఛార్జ్ అవుతుందో, ఏ స్టేషన్ ఏ ఊళ్లో ఎంత సేపు ఆగుతుందో, ఎన్ని గంటలకు చేరుతుందో వంటి రైల్వేలకు సంబంధించిన సమస్త సమాచారం లభించే సైట్ ఒకటుంది.. IRCTC గురించి చెప్పబోతున్నాననుకుంటున్నారు కదూ! లేదు.  ఆన్ లైన్ లో రైల్వే టిక్కెట్లని బుక్ చేసుకోవడానికి IRCTC బాగా హెల్ప్ చేసేదైతే IRCTCలో కూడా లభించనంత విస్తృత సమాచారం లభించే సైటే.. http://indiarailinfo.com/ ఈ సైట్ లో అనేక సదుపాయాలు ఉన్నాయి.

టెక్నాలజీని ఎంత బాగా సద్వినియోగం చేసుకోవచ్చు అన్న దానికి ఈ సైట్ చక్కని ఉదాహరణ. ఎలాగంటే వివిధ ట్రెయిన్ల షెడ్యూల్ ఆధారంగా ఏ ట్రెయిన్ ఇప్పుడు ఏ ఊళ్లో ఉందో ఏకంగా google maps ద్వారా కళ్లకు కట్టినట్లు చూపిస్తుంది ఈ సైట్. అదెలాగో చూద్దామా..

స్టెప్ 1: http://indiarailinfo.com/ సైట్  ఓపెన్ చెయ్యండి. క్రింది చిత్రంలో విధంగా అందులో Train Name/Number అనే బాక్స్ లో మీరు ఏ ట్రెయిన్ గురించి వివరాలు చూడాలనుకుంటున్నారో ఆ ట్రెయిన్ పేరు గానీ, నెంబర్ గానీ టైప్ చేసి Get Train అనే బటన్ ని క్లిక్ చెయ్యండి.

స్టెప్ 2: వెంటనే క్రింది చిత్రంలోని విధంగా ఆ రైలు ప్రయాణించే వివిధ స్టేషన్ల పేర్లు, వాటి కోడ్ పేర్లు, ఆయా స్టేషన్లకు ఎన్ని గంటలకు వెళ్తుంది, ఎన్ని గంటలకు ఆ స్టేషన్ల నుండి departure అవుతుందీ, ఒక్కో స్టేషన్ లో ఎంత సేపు ఆగుతుంది, ఆ రైలు ప్రయాణం మొదలెట్టిన రోజు నుండి ఎన్ని రోజులకు ఏ స్టేషన్ కి చేరుకుంటుంది (రాత్రి 12 గంటలు దాటితే రెండవ రోజు క్రింద లెక్కేస్తుంది), మొట్టమొదటి స్టేషన్ నుండి వివిధ స్టేషన్లు ఎంతెంత దూరం ఉంటాయి, వివిధ స్టేషన్ల వద్ద రైలు స్పీడ్ ఎంత ఉంటుంది వంటి సమస్త సమాచారం చూపించబడుతుంది.

స్టెప్ 3: ఏదైనా ట్రెయిన్ ని అందుకోవాలంటే ప్రస్తుతం అది ఏ స్టేషన్ లో ఉందో, మనం ఉంటున్న స్టేషన్ కి ఎంత లేట్ గా వస్తుందో తెలియక చీటికీ మాటికీ రైల్వే నెంబర్ కి కాల్ చేయవలసి వస్తుంటుంది. ఒక రఫ్ ఐడియా కోసం సగటున ఆ ట్రెయిన్ ఎంత లేట్ అవుతూ ఉంటుందో, ఈరోజు ఎంత లేట్ గా ప్రయాణం చేస్తోందో, అలాగే ఇప్పుడు ఆ ట్రెయిన్ ఏ ప్రాంతంలో ఉందో Google Maps ద్వారా Mapని చూడాలంటే క్రింది చిత్రంలో విధంగా Route Mape/Live Status అనే బటన్ ని క్లిక్ చెయ్యండి.

స్టెప్ 4: అంతే వెంటనే క్రింది చిత్రాల్లో మాదిరిగా ఆ ట్రెయిన్ సగటున ఎంత లేట్ గా నడుస్తుంది, ప్రస్తుత స్థితి వంటి వివరాలు, అలాగే రూట్ మాప్ ద్వారా ప్రస్తుతం ఆ రైలు ఎక్కడ ఉన్నదీ కళ్లకు కట్టినట్లు చూపిస్తుంది. ఇదంతా టెక్నాలజీ ఆధారంగా యాంత్రికంగా జరిగే తతంగం కాబట్టి అన్ని సందర్భాల్లో ఈ వివరాలను కరెక్ట్ అని నమ్మడానికి లేదు. కానీ రైలు ప్రస్తుత స్థితిపై కొంతవరకూ సమాచారం తెలుసుకోవడానికి ఇది ఉపయోగపడుతుంది.

గమనిక: 15,700లకు పైగా ఉన్న ఇలాంటి చక్కని టెక్నికల్ చిట్కాలను ఒకే చోట చదవదలుచుకున్నారా.. ఇంకెందుకాలశ్యం వెంటనే.. http://computerera.co.in/forum/register.php అనే లింకు ద్వారా “కంప్యూటర్ ఎరా సాంకేతిక సహాయం ఫోరమ్”లో రిజిస్టర్ చేసుకుని వేలాది పోస్టులు ఆస్వాదించండి.

హ్యాకర్ చేతిలో మన మెయిల్ ఐడి పడితే..

“మీరు లాటరీ గెలుచుకున్నారు..” తరహా  మెయిల్స్ ని పెరిగిన అవేర్ నెస్ కారణంగా ఇప్పుడు పిసి యూజర్లు పెద్దగా నమ్మట్లేదు. అయినా ఇప్పటికీ అలాంటి మెయిల్స్ వల్ల కొంతమంది మోసపోతూనే ఉన్నారు. రకరకాలుగా జరుగుతున్న ఇ-మెయిల్ మోసాల్లో ఒక్కోసారి మన మెయిల్ ఐడి కూడా హ్యాకర్ల బారిన పడవచ్చు. అలాంటప్పుడు పరిణామాలెలా ఉంటాయో ఇటీవల నాకు ఎదురైన ఓ సంఘటనలో ఉదహరిస్తాను.

జూలై 7 2009వ తేదీన ఓ ఫ్రెండ్ నుండి వారి ఫ్రెండ్ నుండి వచ్చినదిగా భావించబడుతున్న ఒక మెయిల్ ఈ క్రింది సారాంశంతో నాకు ఫార్వార్డ్ చెయ్యబడింది. “శ్రీధర్ గారూ.. ఇదీ పరిస్థితి, ఏం చెయ్యాలో తోచడం లేదు” అంటూ! అదృష్టవశాత్తూ ఆ ఫ్రెండ్ వాళ్ల ఫ్రెండ్ ఎప్పటినుండో “కంప్యూటర్ ఎరా” మేగజైన్ రీడర్.  పలు సందర్భాల్లో మెయిల్ ద్వారా సంభాషణలు కూడా జరుపుకుని ఉండడం జరిగింది. నాకూ బాగా తెలిసిన వ్యక్తీ కావడం, ఆ మెయిల్ లోని సారాంశానికీ ఆ వ్యక్తి ప్రొఫెషన్ కి కొద్దిపాటి పోలికలు ఉండడంతో ఒకింత కంగారు పడి ఆ మెయిల్ క్రింద ఆ మిత్రులు సిగ్నేచర్ గా పెట్టుకున్న కాంటాక్ట్ ఇన్ఫర్మేషన్ లోని ఫోన్ నెంబర్లకు ఫోన్ చేస్తే రెండు ఫోన్లూ పనిచెయ్యడం లేదు. ఓ పక్క ఇ-మెయిల్ మోసాలపై, ఒక మెయిల్ ఐడి యొక్క అడ్రస్ బుక్ లోని అన్ని కాంటాక్ట్ లకూ ఒరిజినల్ వ్యక్తి పంపించినట్లు spoof చేసి మెసేజ్ లు పంపించే scripts గురించి కొద్దిపాటి అవగాహన ఉండడం వల్ల మనసులో ఓ వైపు “అది నిజమైన మెయిల్ అయి ఉండకపోవచ్చు” అన్న సంశయం ఉండనే ఉంది. ఆ సంశయంతోనే కన్ఫర్మేషన్ కోసం ఆ మెయిల్ ఐడికి రిప్లై ఇవ్వడం కన్నా ఆ మిత్రుడిదే “కంప్యూటర్ ఎరా ఫోరమ్” లో అతను రిజిస్టర్ చేసుకునే సమయంలో వాడిన వేరొక మెయిల్ ఐడి దొరికితే ఆ  hotmail ఐడికి “విషయమేమిటి సర్.. మీ యాహూ అడ్రస్ నుండి ఇలా మెయిల్ వచ్చింది..” అంటూ మెయిల్ చేశాను.

రెండు రోజులకు ఆయన నుండి రిప్లై వచ్చింది.. “యాహూ నుండి వచ్చింది బోగస్ మెయిల్ అనీ, తన మెయిల్ ఐడి హ్యాక్ చెయ్యబడిందనీ.. ఆ హ్యాకర్ ఇలా misuse చేస్తున్నాడన్న” సారాంశంతో! దాంతో మా ఫ్రెండ్, నేనూ ఊపిరి పీల్చుకోవడం జరిగింది. సహజంగా అందరం ఫేక్ మెయిల్స్ ని చాలా ఈజీగా గుర్తించగలం! కానీ ఒక వ్యక్తి రెగ్యులర్ గా తన మెయిల్ ఐడిలో వాడే సిగ్నేచర్ తో, అతని ప్రొఫెషన్ కి సరిపడే పరిస్థితులను మెయిల్ లో ప్రస్తావిస్తూ వచ్చిన ఈ క్రింది మెయిల్ ని అంత సులభంగా ఫేక్ మెయిల్ గా వర్గీకరించి ignore చెయ్యలేకపోయాను. ఈ సంఘటనను ఒక పోస్ట్ గా రాయడం వెనుక ఉద్దేశ్యం ఎటూ అడ్వాన్స్ డ్ పిసి యూజర్లకు కొత్తగా చెప్పే పనిలేదు, వారి జాగ్రత్తలు వారు తీసుకోగలరు. కానీ ఇప్పుడిప్పుడే కంప్యూటర్లని వాడుతున్న బిగినర్స్ ఇలాంటి ప్రమాదాల పట్ల అప్రమతంగా ఉంటారని!

screenshot కోసం మెయిల్ ని ఉన్నది ఉన్నట్లు కేప్చర్ చెయ్యడానికి వీలుపడలేదు. సారాంశం సగం వరకూ మిస్ అవుతోంది. అందుకే ఆ మేటర్ ని notepadలో కాపీ చేసి దాన్ని screenshotగా చూపిస్తున్నాను.

గమనిక: 15,600లకు పైగా ఉన్న ఇలాంటి చక్కని టెక్నికల్ చిట్కాలను ఒకే చోట చదవదలుచుకున్నారా.. ఇంకెందుకాలశ్యం వెంటనే.. http://computerera.co.in/forum/register.php అనే లింకు ద్వారా “కంప్యూటర్ ఎరా సాంకేతిక సహాయం ఫోరమ్”లో రిజిస్టర్ చేసుకుని వేలాది పోస్టులు ఆస్వాదించండి.

మీ డిస్ ప్లే కార్డ్ మోడల్ ఏమిటి?

సహజంగా చాలామంది పిసి యూజర్లకు ఏ హార్డ్ వేర్ టెక్నీషియనో పిసి కొనిపెట్టి రెడీ చేసి వెళ్లిపోతాడు. ఏదైనా సమస్య వస్తే ఏం చెయ్యాలో అతను వివరాలు చెప్పడు, వీళ్లకూ చాలావరకూ వివరాలు తెలియవు. గతంలో ఫోన్ సర్వీస్ ఉన్నప్పుడు “కంప్యూటర్ ఎరా”కి కాల్ చేసే ఎక్కువమంది పాఠకులు అడిగే ప్రశ్న “అనుకోకుండా మా సిస్టమ్ ని ఫార్మేట్ చేసి విండోస్ మళ్లీ వేయవలసి వచ్చింది. ఇప్పుడు డిస్ ప్లే నాణ్యంగా రావట్లేదు, సౌండ్ అస్సలే రావట్లేదు..” వంటి ప్రశ్నలు. “మీవద్ద మదర్ బోర్డ్ సిడి ఉందా” అని ఎదురు అడిగితే సరైన సమాధానం రాదు. ఇలాంటి బిగినర్స్ ని ఉద్దేశించే డిస్ ప్లే కార్డ్ మోడల్ తెలుసుకుని దాని డ్రైవర్లు ప్రయత్నించడం ఎలాగో ఈ పోస్టులో వివరిస్తున్నాను.

ఏ కంప్యూటర్ అయినా ఫార్మేట్ చేసిన తర్వాత ప్రధానంగా Sound, Display, LAN డ్రైవర్లని తప్పనిసరిగా ఇన్ స్టాల్ చెయ్యాలి. అప్పుడే ఆయా పరికరాలు పనిచేస్తాయి. ఎక్కువమంది వాడే Sound card, Display card, LAN card మూడు వేర్వేరు చిప్ ల రూపంలో మదర్ బోర్డ్ మీదే అమర్చబడి ఉంటాయి కాబట్టి ఆ మూడింటింకి చెందిన డ్రైవర్లు మదర్ బోర్డ్ కొన్నప్పుడు దానితో పాటు అందించబడే సిడితోనే లభిస్తాయి. ఒకవేళ మీరు ఆ సిడి పోగొట్టుకుంటే ఇప్పటికి మీ కంప్యూటర్ బాగానే పనిచేస్తూ ఉన్నట్లయితే ఫార్మేట్ చేసే ముందు ఆయా డివైజ్ డ్రైవర్ల మోడళ్లని గుర్తించి వాటిని నెట్ నుండి వెదికి డౌన్ లోడ్ చేసుకోవాల్సి ఉంటుంది. (Driver Detective వంటి సాఫ్ట్ వేర్లు కొన్ని ఈ విషయంలో సహాయం చేస్తాయనుకోండి.) ఈ క్రమంలో Display Card మోడల్ ని తెలుసుకోవడం ఎలాగో చూద్దాం.

Windows XPలో అయితే:

స్టెప్ 1: డెస్క్ టాప్ పై మౌస్ తో రైట్ క్లిక్ చేసి Properties ఆప్షన్ కొట్టండి.

స్టెప్ 2: వెంటనే స్క్రీన్ పై Display Properties అనే డైలాగ్ బాక్స్ వస్తుంది. అందులో క్రింది చిత్రంలోని విధంగా Settings అనే విభాగాన్ని క్లిక్ చెయ్యండి.

స్టెప్ 3: వెంటనే వచ్చే స్క్రీన్ లో క్రింది చిత్రంలో విధంగా Advanced అనే బటన్ ని క్లిక్ చెయ్యండి.

స్టెప్ 4: ఇప్పుడు స్క్రీన్ పై ప్రత్యక్షమయ్యే విండోలో Adapter అనే టాబ్ పై క్లిక్ చేస్తే క్రింది చిత్రంలో విధంగా మీ Display card మోడల్ పేరు చూపించబడుతుంది.

Windows Vistaలో అయితే:

స్టెప్ 1: డెస్క్ టాప్ పై రైట్ క్లిక్ చేసి క్రింద చూపిన విధంగా Personalize అనే ఆప్షన్ ని క్లిక్ చెయ్యండి.

స్టెప్ 2: వెంటనే Personalization పేరిట ఒక విండో వస్తుంది. అందులో Display Settings అనే బటన్ ని క్లిక్ చెయ్యండి.

స్టెప్ 3: ఇప్పుడు స్క్రీన్ పై వచ్చే Display Settings అనే డైలాగ్ బాక్స్ లో Advanced Settings అనే బటన్ ని క్లిక్ చెయ్యండి.

స్టెప్ 4: ఇప్పుడు వచ్చే మరో విండోలో Adapter అనే విభాగంలో Adapter Type పేరిట కన్పించేదే మీ డిస్ ప్లే కార్డ్ మోడల్ అన్నమాట. ఆ క్రింద Adapter Information అనే ప్రదేశంలో ఆ మోడల్ కి సంబంధించిన ప్రాధమికమైన వివరాలు చూపించబడతాయి.

స్టెప్ 5: ఇప్పుడు మీ డిస్ ప్లే కార్డ్ మోడల్ తెలిసిపోయింది కాబట్టి మీకు కావలసిన మోడల్ డ్రైవర్ల కోసం క్రింది చిత్రంలో విధంగా గూగుల్ లో వెదికి వివిధ వెబ్ సైట్లలో ఎక్కడైనా మీకు అవసరం అయిన డిస్ ప్లే కార్డ్ డ్రైవర్ Setup ఫైల్ లభిస్తుందేమో వెదికి డౌన్ లోడ్ చేసుకుని అవసరం అయినప్పుడు వాడుకోవడమే తరువాయి. డిస్ ప్లే కార్డ్ మోడల్ ని తెలుసుకోవడానికి ఇప్పుడు చెప్పుకున్న పద్ధతులే కాకుండా నేరుగా Device Manager ద్వారా తెలుసుకోవడం, Belarc Advisor వంటి టూల్స్ సాయం తీసుకోవడం వంటి అనేక ఇతర పద్ధతులూ ఉన్నాయి.

గమనిక: 15,500లకు పైగా ఉన్న ఇలాంటి చక్కని టెక్నికల్ చిట్కాలను ఒకే చోట చదవదలుచుకున్నారా.. ఇంకెందుకాలశ్యం వెంటనే.. http://computerera.co.in/forum/register.php అనే లింకు ద్వారా “కంప్యూటర్ ఎరా సాంకేతిక సహాయం ఫోరమ్”లో రిజిస్టర్ చేసుకుని వేలాది పోస్టులు ఆస్వాదించండి.

ఎవరైనా మెయిల్ లో విసిగిస్తున్నారా?

ఇ-మెయిల్ ద్వారా కొంతమంది అభ్యంతరకరంగా ప్రవర్తిస్తూ ఉంటారు. ముఖ్యంగా మహిళలు ఇలాంటి ఇబ్బందులను ఎక్కువగా ఎదుర్కొంటూ ఉంటారు. అలాంటప్పుడు సైబర్ సెల్ వంటి వాటిని ఆశ్రయించడం ఒక మార్గమైతే ఆయా మెయిల్ ఐడిల నుండి మీకు వచ్చే మెసేజ్ లు మీ కంట పడకుండా ఆటోమేటిక్ గా డిలీట్ చెయ్యబడేలా ఏర్పాటు చేసుకుంటే కొంతలో కొంత నయం. ఇలా మిమ్మలను చికాకు పరుస్తున్న మెయిల్ ఐడిల నుండి వస్తున్న మెసేజ్ లు Gmailలోని Filters అనే సదుపాయాన్ని ఉపయోగించి వాటంతట అవే డిలీట్ అయ్యేలా ఎలా ఏర్పాటు చేసుకోవచ్చో ఇప్పుడు చూద్దాం.

స్టెప్ 1: మీ జీమెయిల్ లోకి లాగిన్ అవండి. క్రింది చిత్రంలో విధంగా Settings అనే బటన్ ని క్లిక్ చెయ్యండి.

స్టెప్ 2: వెంటనే వచ్చే విండోలోFilters అనే బటన్ ని క్లిక్ చెయ్యండి.

స్టెప్ 3: ఇప్పుడు వచ్చే  స్క్రీన్ లో క్రింది చిత్రంలోని విధంగా Create a new filter అనే బటన్ ని  క్లిక్ చెయ్యండి.

స్టెప్ 4: ఇప్పుడు Create a Filter అని ఒక స్క్రీన్ వస్తుంది. అందులో From అనే బాక్సులో మీరు ఏ మెయిల్ ఐడి నుండి వచ్చే మెసేజ్ లనైతే వాటంతట అవే డిలీట్ అయ్యేలా సెట్ చెయ్యాలనుకుంటున్నారో ఆ మెయిల్ అడ్రస్ ని టైప్ చెయ్యండి. ఇక్కడ ఈ Create a Filter అనే స్క్రీన్ లో Subject అనే ఫీల్డ్ లో ఏదైనా నిర్థిష్టమైన పదం/వాక్యం Subject lineలో ఉన్న మెయిల్స్ కి మాత్రమే ఆ ఫిల్టర్ అప్లై చెయ్యబడేలా లేదా అటాచ్ మెంట్లు ఉన్న మెయిల్స్ కు మాత్రమే ఫిల్టర్ అప్లై చెయ్యబడేలా.. ఇలా మీ అవసరాన్ని బట్టి పలు సెట్టింగులు ఎంచుకోవచ్చు. ప్రస్తుతం మన ఉద్దేశ్యం ఒక మెయిల్ ఐడి యొక్క మెయిల్స్ ని అడ్డుకోవడం కాబట్టి From బాక్స్ లో మెయిల్ ఐడిని టైప్ చేసి Next Step అనే బటన్ కొట్టేద్దాం.

స్టెప్ 5: ఇప్పుడు “ఆ మెయిల్ ఐడి నుండి వచ్చిన మెయిల్ మెసేజ్ లను ఏం చెయ్యమంటారో తెలపండి” అంటూ ఓ స్క్రీన్ వస్తుంది. ఇక్కడ మనం ఆ మెయిల్స్ ని ఏకంగా డిలీట్ చెయ్యదలుచుకున్నాం కాబట్టి Delete it అనే బటన్ ని టిక్ పెట్టి Create Filter అనే బటన్ ని క్లిక్ చేస్తే సరిపోతుంది. ఒకవేళ ఇప్పటికే ఆ మెయిల్ ఐడి నుండి గతంలో వచ్చిన మెసేజ్ లు ఏమైనా మన inboxలో ఉంటే పనిలోపని వాటిని కూడా డిలీట్ చెయ్యదలుచుకుంటే Create Filter బటన్ ని ప్రెస్ చేసే ముందు ఆ పక్కనే ఉండే Also apply filter to conversations  అనే బటన్ ని టిక్ చెయ్యండి. (అక్కడ ఇప్పటికే మీరు వద్దనుకున్న మెయిల్ ఐడి నుండి మీకు వచ్చి inboxలో ఉన్న మెసేజ్ ల సంఖ్య చూపిస్తుంది). అది టిక్ చేశాక Create Filter అనే బటన్ కొట్టండి సరిపోతుంది.

ఇలా ఫిల్టర్ క్రియేట్ చేసుకున్న తర్వాత ఇకపై ఆ మెయిల్ ఐడి నుండి వచ్చే ప్రతీ మెసేజ్ దానంతట అదే డిలీట్ చెయ్యబడుతుంది. కాబట్టి చెత్త ప్రవర్తనతో మిమ్మలను ఇబ్బందికి లోను చెయ్యదలుచుకున్న వ్యక్తుల నుండి కొంత ఉపశమనం పొందవచ్చు.

గమనిక: 15వేలకు పైగా ఉన్న ఇలాంటి చక్కని టెక్నికల్ చిట్కాలను ఒకే చోట చదవదలుచుకున్నారా.. ఇంకెందుకాలశ్యం వెంటనే.. http://computerera.co.in/forum/register.php అనే లింకు ద్వారా “కంప్యూటర్ ఎరా సాంకేతిక సహాయం ఫోరమ్”లో రిజిస్టర్ చేసుకుని వేలాది పోస్టులు ఆస్వాదించండి.

101.9FMలో 6-7 లైవ్ ప్రోగ్రామ్ మరియు VLC ప్లేయర్ మేజర్ రిలీజ్ వెర్షన్ 1.0 విడుదలైంది

ఆల్ ఇండియా రేడియో హైదరాబాద్ Rainbow 101.9 FM ఛానెల్ లో ఈరోజు (జూలై 9, 2009) సాయంత్రం 6 గంటల నుండి 7 గంటల వరకూ కంప్యూటర్ సంబంధింత సందేహాలు, సమాధానాలకు సంబంధించి నాది ప్రోగ్రామ్ లైవ్ ప్రసారం చెయ్యబడుతుంది. సగటు పిసి యూజర్ కి తలెత్తే సాధారణ హార్డ్ వేర్, సాఫ్ట్ వేర్ సమస్యల గురించి లైవ్ ఉంటుంది. అవకాశం ఉన్న మిత్రులు వినగలరు. మాటల మధ్య పాటలు ఉంటాయి.. సో మీరు ట్యూన్ చేసినప్పుడు పాటలు వస్తే వేరే ప్రోగ్రామ్ అనుకోకండి. ఎవరైనా నేరుగా కాల్ చెయ్యదలిస్తే 040- 23234821 లేదా 040-23234822 అనే నెంబర్లలో ఆ గంట వ్యవధిలో కాల్ చెయ్యవచ్చు.

ఇకపోతే

AVI (DivX, xViD), MPEG, WMV, 3GP, MP4.. వంటి పలు వీడియో, WAV, MP3, AMR, Ogg, WMA వంటి దాదాపు అన్ని రకాల ఆడియో ఫార్మేట్లకు చెందిన ఫైళ్లని ప్లే చెయ్యగలిగేలా VLC Player ఉండడంతో చాలామంది పిసి యూజర్లు దాన్ని వాడుతూ ఉంటారు. VLC Player Version 1.0 రెండు రోజుల క్రితం విడుదలైంది. దీన్ని మేజర్ రిలీజ్ గా పరిగణించవచ్చు.

ప్లే బాక్ పరంగా కొత్తగా వచ్చిన సదుపాయాలు:

• Frame-by-Frame ప్లే బాక్ కి ఈ కొత్త వెర్షన్ లో వీలు కలుగుతుంది.
• అన్ని రకాల మీడియా ఫైళ్లని కోరుకున్న వెంటనే రికార్డ్ చేసుకోవచ్చు.
• RTSP streamల ద్వారా టెలివిజన్ ఛానెళ్ల ని, స్ట్రీమింగ్ రేడియో స్టేషన్లని వినేటప్పుడు Play, Pause, Fast Forward, Rewind వంటి సదుపాయలు జతచేర్చబడ్డాయి.
• AES3, Dolby Digital Plus, TrueHD, Blu-Ray Linear PCM, Real Video 3.0, 4.0 వంటి హైడెఫినిషన్ కొడెక్ లకు చెందిన వీడియోలు ఇక VLCలో ప్లే అవుతాయి.
• అలాగే Raw Dirac, M2TS వంటి కొత్త ఫార్మేట్లకు సపోర్ట్ లభిస్తోంది ఈ కొత్త వెర్షన్ లో!
• Full Screenలో వీడియోని ప్లే చేస్తున్నప్పుడు మన మోనిటర్ Aspect Ratioకి అనుగుణంగా వీడియో దానంతట అదే స్కేల్ చేయబడుతోంది.
• Playlistలను HTML ఫార్మేట్ లోకి export చేసుకునే సదుపాయం ప్రవేశపెట్టబడింది.

ఇలా అనేక చిన్నా, పెద్దా మార్పులతో ఈ సరికొత్త VLC Player విడుదల అయింది. మీరు ఇప్పటికీ పాత వెర్షన్ వాడుతుంటే వెంటనే ఈ ఉచిత ప్లేయర్ ని అప్ గ్రేడ్ చేసుకోండి.

సాఫ్ట్ వేర్ పేరు : VLC Player 1.0

సాఫ్ట్ వేర్ టైప్: ఉచితం

ఫైల్ సైజ్: 18 MB

డౌన్ లోడ్ లింకు: ఇక్కడ క్లిక్ చెయ్యండి.

గమనిక: 15వేలకు పైగా ఉన్న ఇలాంటి చక్కని టెక్నికల్ చిట్కాలను ఒకే చోట చదవదలుచుకున్నారా.. ఇంకెందుకాలశ్యం వెంటనే.. http://computerera.co.in/forum/register.php అనే లింకు ద్వారా “కంప్యూటర్ ఎరా సాంకేతిక సహాయం ఫోరమ్”లో రిజిస్టర్ చేసుకుని వేలాది పోస్టులు ఆస్వాదించండి.

Youtube వీడియోలు, మీ పిసిలోని పాటలు ఫోన్ రింగ్ టోన్లుగా..

ఇప్పుడు ఎక్కువమంది వాడుతున్న PDA ఫోన్లలో డీఫాల్ట్ గా MP3 పాటలను రింగ్ టోన్లుగా సెట్ చేసుకునే అవకాశం ఉంటోంది. ఒకవేళ మీవద్ద ఉన్న ఫోన్ MP3 రింగ్ టోన్లని సపోర్ట్ చెయ్యనిదైతే లేదా మీ సిస్టమ్ లో ఉన్న WMA, ఫార్మేట్ లోని ఆడియో ఫైళ్లని MP3, amr, ogg, m4r వంటి కామన్  రింగ్ టోన్ ఫార్మేట్లలోకి మార్చదలుచుకుంటే ప్రత్యేకంగా ఎలాంటి సాఫ్ట్ వేర్ మీ కంప్యూటర్లో ఇన్ స్టాల్ చేసుకోవలసిన పని లేకుండా ఇంటర్నెట్ లో ఓ ఉచిత వెబ్ సైట్ సాయం తీసుకోవచ్చు. ఈ క్రింది విధంగా చెయ్యండి.

స్టెప్ 1: http://www.madringtones.org/ అనే సైట్ కి వెళ్లి Click Hear అనే బటన్ ప్రెస్ చెయ్యండి. ఇప్పుడు మీరు మీ కంప్యూటర్ లో ఉన్న MP3 ఫైళ్లని ఆ సైట్ లోకి అప్ లోడ్ చేసి రింగ్ టోన్లని పొందవచ్చు లేదా ఏదైనా youtube వీడియో అడ్రస్ టైప్ చేస్తే ఆ వీడియోలోని ఆడియోని ఈ సైట్ తనంతట తాను స్వీకరించి ఆ ఆడియో ఆధారంగా రింగ్ టోన్ ని తయారు చేసి పెడుతుంది. మీ పిసిలో ఉన్న MP3 ఫైల్ ని అప్ లోడ్ చెయ్యాలంటే.. క్రింది చిత్రంలోని విధంగా Edit from local అనే బటన్ ని క్లిక్ చేసి ఆ వెంటనే వచ్చే Browse అనే బాక్స్ ద్వారా మీ పిసిలో ఉన్న మీరు రింగ్ టోన్ గా మార్చుకోవాలనుకుంటున్న ఏదైనా MP3 ఫైల్ ని ఎంచుకోవాలి. వెంటనే అది అప్ లోడ్ అవడం మొదలవుతుంది.

స్టెప్ 2: ఒకవేళ Youtube వంటి ఏదైనా Flash వీడియోలు ఉండే సైట్ లో ఉండే మీకు నచ్చిన వీడియోలోని ఆడియోని రింగ్ టోన్ గా మార్చుకోదలుచుకుంటే క్రింది చిత్రంలోని విధంగా Edit from URL అనే బటన్ క్లిక్ చేసి ఆ వెంటనే వచ్చే URL అనే బాక్స్ లో ఆ వీడియో యొక్క అడ్రస్ ని కాపీ పేస్ట్ చేసి Load అనే బటన్ ని ప్రెస్ చెయ్యండి.

స్టెప్ 3: వెంటనే క్రింది చిత్రంలోని విధంగా ఆ వీడియో నుండి ఆడియో సంగ్రహించబడుతుంది.

స్టెప్ 4: ఇలా మన పిసిలోని MP3 ఫైల్ ని గానీ లేదా ఆన్ లైన్ వీడియోలోని ఆడియోని గానీ అప్ లోడ్ చేసిన తర్వాత ఆ ఆడియో కావలసిన భాగాన్ని మాత్రమే ఎంచుకుని మనం రింగ్ టోన్ గా మార్చుకునేలా క్రింది చిత్రంలోని విధంగా timeline చూపించబడుతుంది. ఆ టైమ్ లైన్ లో మౌస్ తో డ్రాగ్ చేసి డ్రాప్ చెయ్యడం ద్వారా కావలసిన భాగాన్ని ఎంచుకోవచ్చు.

ఆ రింగ్ టోన్ ఎలా వచ్చిందో  డౌన్ లోడ్ చేసుకునే ముందు అక్కడికక్కడే వినాలంటే Play అనే బటన్ కొట్టండి.

స్టెప్ 5: విన్న తర్వాత Save అనే బటన్ కొడితే కొన్ని క్షణాలకు ఈ క్రింది బొమ్మలో మాదిరిగా పలు MP3, amr, ogg వంటి పలు ఫార్మేట్లలో మనకు నచ్చిన దానిలో డౌన్ లోడ్ చేసుకునేలా డౌన్ లోడ్ లింకులతో ఆ రింగ్ టోన్ సిద్ధం చెయ్యబడుతుంది.

స్టెప్ 6: పై నాలుగు ఫార్మేట్ల నుండి మనకు కావలసిన ఫార్మేట్ కలిగిన లింకుని క్లిక్ చేస్తే వెంటనే క్రింది చిత్రంలో విధంగా Firefox ఆ రింగ్ టోన్ ని డౌన్ లోడ్ చెయ్యడం మొదలెడుతుంది.

ఇక ఆ ఫైల్ నీ Bluetooth ద్వారా కానీ, Datacable ద్వారా కానీ PC Suite/ Bluetooth File Transfer సాయంతో మీ ఫోన్ లోకి ట్రాన్స్ ఫర్ చేసుకుని రింగ్ టోన్ గా సెట్ చేసుకోవడమే తరువాయి! మీరూ ప్రయత్నించి చూడండి.

గమనిక: టెక్నికల్ గా ఒకరికొకరు నాలెడ్జ్ షేర్ చేసుకోవాలన్న లక్ష్యంతో 2007 జనవరి నుండి “కంప్యూటర్ ఎరా సాంకేతిక సహాయం” పేరిట మీలాంటి పలువురు మిత్రుల సహకారంతో http://computerera.co.in/forum అనే లింకులో ఫోరమ్ నిర్వహించబడుతోంది.  ఇప్పటికే 15,300లకు పైగా పోస్టులు, 8,800 మంది సభ్యులు ఉన్న ఈ ఫోరమ్ ద్వారా మీరూ ప్రయోజనం పొందాలంటే ఈ లింకులో రిజిస్టర్ చేసుకుని ఫోరమ్ లో సభ్యులు అవండి. అలాగే ఉన్నతాశయంతో నిర్వహించబడుతున్న ఈ సాంకేతిక సహాయం కార్యక్రమాల గురించి మీ మిత్రులకూ తెలియపరిచి మీ వంతు సహకారం అందించండి. ఇప్పుడు మీరు చదవబోయే మాదిరి పిసి చిట్కాలు, ట్రబుల్ షూటింగ్, మీ సమస్యలకు సమాధానాలు, ఆసక్తికరమైన వెబ్ సైట్లు, ట్యుటోరియళ్లు వంటి వేలాది టెక్నికల్ పోస్టులు కంప్యూటర్ ఎరా ఫోరమ్ లో చదవవచ్చు.

రిపీటెడ్ గా ఏవైనా ఫోల్డర్లు క్లీన్ చేస్తూ ఉండాలా?

కంప్యూటర్లపై కొద్దిపాటి అవగాహన ఉన్నవారికి ప్రతీ ఒక్కరికీ తెలిసిన విషయం తరచూ Disk Cleanup అనే విండోస్ సదుపాయాన్ని ఉపయోగించి Temp ఫోల్డర్ లోని ఫైళ్లు, టెంపరరీ ఇంటర్నెట్ ఫైళ్లు డిలీట్ చేసుకుంటూ ఉండాలన్నది. దీనివల్ల కొద్దోగొప్పో సిస్టమ్ పనితీరు మెరుగుపడుతుంది. అయితే ఇలా మీరు కోరుకున్న ఫోల్డర్లలోని ఫైళ్లని డిలీట్ చెయ్యాలనుకున్న ప్రతీసారీ My Computer ద్వారా ఆ ఫోల్డర్లని వెదికి పట్టుకుని లేదా Drive Properties బాక్స్ ద్వారా Cleanup ఆప్షన్ ని ఆశ్రయించే బదులు మరో మార్గముంది. కేవలం Temp, Temporary Internet Files వంటి ఫోల్డర్లు మాత్రమే కాదు. మీ కంప్యూటర్లో ఏ ఇతర ఫోల్డర్ లో ఉన్న ఫైళ్లనయినా మీరు కోరుకున్నప్పుడు చిటికెలో తొలగించాలంటే ఈ క్రింద చెప్పిన ప్రకారం చెయ్యండి.

డౌన్ లోడ్ చేసుకోవలసిన ఉచిత టూల్: ఇక్కడ క్లిక్ చేసి డౌన్ లోడ్ చేసుకోండి. డౌన్ లోడ్ చేశాక ఆ జిప్ ఫైల్ లో ఉండే FolderDESTROYER.exe అనే ఫైల్ ని డెస్క్ టాప్ మీదకు unzip చేసి ఆ ప్రోగ్రామ్ ని రన్ చెయ్యండి. ఇన్ స్టలేషన్ అవసరం లేదు. నేరుగా రన్ అవుతుంది.

స్టెప్ 1: ఇప్పుడు క్రింద చిత్రంలోని విధంగా Add అనే బటన్ ని క్లిక్ చేసి మీరు ఏ ఫోల్డర్ నైతే మళ్లీ మళ్లీ క్లీన్ చెయ్యవలసిన అవసరం (ఆ ఫోల్డర్ లోని ఫైళ్లని డిలీట్ చెయ్యడం ద్వారా) ఉందనుకుంటున్నారో ఆ ఫోల్డర్ ని ఎంపిక చేసుకోండి. ఇలా మీరు Add బటన్ పలుసార్లు వాడడం ద్వారా ఎన్ని ఫోల్డర్లనైనా జాబితాలో చేర్చుకోవచ్చు.

స్టెప్ 2: మనం క్లీన్ చేసే ఫోల్డర్లలోని ఫైళ్లు Recycle Binకి పంపించబడేలా సెట్ చేసుకోవాలంటే Use Recycle Bin అనే ఆప్షన్ టిక్ పెట్టండి. ఒకవేళ అవి పర్మినెంట్ గా డిలీట్ చెయ్యబడేలా కావాలంటే టిక్ పెట్టకండి. డిలీట్ చెయ్యబడబోయే ముందు.. “మీరు ఫలానా ఫోల్డర్లు డిలీట్ చెయ్యబోతున్నారు.. డిలీట్ చెయ్యాలా వద్దా?” అని కన్ఫర్మేషన్ అడగబడాలంటే Confirm అనే బటన్ టిక్ చెయ్యండి. ఒకవేళ ఇలా మధ్యలో ఏ మెసేజ్ చూపించబడకుండా నేరుగా డిలీట్ అవాలంటే ఆ Confirm బాక్స్ లో టిక్ తీసేయండి. చివరిగా Destroy NOW అనే బటన్ ని క్లిక్ చేయండి.

స్టెప్ 3: పైన మీరు Confirm అనే బటన్ టిక్ చేసి పెట్టినట్లయితే ఆయా ఫోల్డర్లలోని ఫైళ్లు డిలీట్ చెయ్యబడే ముందు.. క్రింది చిత్రంలో విధంగా కన్ఫర్మేషన్ మెసేజ్ చూపించబడుతుంది. Yes అనేది ప్రెస్ చెయ్యండి. అవి డిలీట్ అవుతాయి.

గమనిక: టెక్నికల్ గా ఒకరికొకరు నాలెడ్జ్ షేర్ చేసుకోవాలన్న లక్ష్యంతో 2007 జనవరి నుండి “కంప్యూటర్ ఎరా సాంకేతిక సహాయం” పేరిట మీలాంటి పలువురు మిత్రుల సహకారంతో http://computerera.co.in/forum అనే లింకులో ఫోరమ్ నిర్వహించబడుతోంది.  ఇప్పటికే 15,300లకు పైగా పోస్టులు, 8,800 మంది సభ్యులు ఉన్న ఈ ఫోరమ్ ద్వారా మీరూ ప్రయోజనం పొందాలంటే ఈ లింకులో రిజిస్టర్ చేసుకుని ఫోరమ్ లో సభ్యులు అవండి. అలాగే ఉన్నతాశయంతో నిర్వహించబడుతున్న ఈ సాంకేతిక సహాయం కార్యక్రమాల గురించి మీ మిత్రులకూ తెలియపరిచి మీ వంతు సహకారం అందించండి. ఇప్పుడు మీరు చదవబోయే మాదిరి పిసి చిట్కాలు, ట్రబుల్ షూటింగ్, మీ సమస్యలకు సమాధానాలు, ఆసక్తికరమైన వెబ్ సైట్లు, ట్యుటోరియళ్లు వంటి వేలాది టెక్నికల్ పోస్టులు కంప్యూటర్ ఎరా ఫోరమ్ లో చదవవచ్చు.

MP3 పాటలు మరింత క్వాలిటీ కావాలా?

మనం వినే MP3 పాటలు ఎంత Bitrateలో ఎన్ కోడ్ చెయ్యబడ్డాయన్న అంశంపై వాటిని వినేటప్పుడు వాటి నాణ్యత ఆధారపడి ఉంటుంది. సహజంగా 2:1/సాధారణ డెస్క్ టాప్ స్పీకర్లు, మామూలు onboard సౌండ్ కార్డ్ లలో 128 kbpsలో ఎన్ కోడ్ చెయ్యబడిన పాటకూ, 196, 312kbps లలో ఎన్ కోడ్ చెయ్యబడిన పాటలకూ వినేటప్పుడు పెద్దగా తేడా తెలియదు. కారణం ఆయా పాటలు క్వాలిటీగా ఉన్నా వాటిని విన్పించగలిగిన సామర్థ్యం మన స్పీకర్లకు, సౌండ్ కార్డ్ కీ ఉండవు.

MP3 పాట యొక్క bitrate పెరిగేకొద్దీ ఆ పాట యొక్క ఫైల్ సైజ్ పెరిగిపోతుంది. ఒకవేళ మీరు సంగీతప్రియులై ఉండీ, మీ హార్డ్ డిస్క్/MP3 ప్లేయర్, iPodలలో కావలసినంత ఫ్రీ స్పేస్ ఉండీ, పాటల ఫైళ్ల సైజ్ విషయంలో ఎలాంటి ఇబ్బందీ లేకుండా మీకు నాణ్యతే ముఖ్యమనుకుంటే ఒరిజినల్ ఆడియో సిడిల నుండి (ఇవి CD-DA ఫార్మేట్ లో ఉంటాయి. అంటే Compact Disc Digital Audio అని అర్థం) Easy CD-DA Extractor వంటి సాఫ్ట్ వేర్ల సాయంతో సిడిలోని ట్రాక్ లను MP3 పాటలుగా కన్వర్ట్ చేసుకునే సమయంలో వీలైనంత ఎక్కువ Bitrateని ఎంపిక చేసుకోండి. దీని వల్ల  పాటలోని చిన్ని చిన్న శబ్ధాలు కూడా మనకు విన్పించబడుతూ ఓ మధురానుభూతి కలుగుతుంది.

కొత్తగా MP3గా మార్చుకునే పాటల విషయంలో బాగానే ఉంది. మరి  ఇప్పటికే మీవద్ద MP3లో ఉన్న వందలాది పాటల యొక్క క్వాలిటీ పెంచుకోవడానికి ఓ మార్గముంటే బాగుంటుంది కదూ! అయితే క్రింద చెప్పినట్లు ట్రై చెయ్యండి.

కావలసిన సాఫ్ట్ వేర్: ఇక్కడ క్లిక్ చేసి MP3 Quality Modifier అనే ప్రోగ్రామ్ ని డౌన్ లోడ్ చేసుకోండి.

స్టెప్ 1: WinZip/WinRAR వంటి సాఫ్ట్ వేర్లతో డౌన్ లోడ్ చేసుకున్న జిప్ ఫైల్ లోని MP3QualityModifier.exe అనే ఫైల్ ని డెస్క్ టాప్ పైకి Extract చేసుకుని ఆ ప్రోగ్రామ్ ని రన్ చేయండి.

స్టెప్ 2: క్రింది చిత్రంలోని విధంగా ఆ ప్రోగ్రామ్ లోని File మెనూలో Add Files అనే బటన్ ని క్లిక్ చేసి వెంటనే వచ్చే Browse డైలాగ్ బాక్స్ నుండి మీరు ఏ పాట యొక్క bitrate, ఇతర ప్రాపర్టీలనైతే పెంచాలనుకుంటున్నారో ఆ సాంగ్ ని ఎంచుకుని Open బటన్ కొట్టండి.

స్టెప్ 3: ఇప్పుడు ఈ క్రింది చిత్రంలోని విధంగా ఆ పాట ఎదురుగా ఉన్న radio బటన్ లో టిక్ చేసి ఆ క్రింద Rate (kbps) అనే డ్రాప్ డౌన్ లిస్ట్ లో మీకు కావలసినంత bitrate ఎంచుకోండి. ఎంత ఎక్కువ bitrate ఉంటే నాణ్యత అంత బాగుండే అవకాశం ఉంటుంది. (మరీ వాయిద్యాల ధ్వనుల్లో పెద్దగా భిన్నత్వం లేని పాటల విషయంలో ఇలా నాణ్యతని సాధించడం కష్టం).

స్టెప్ 4: చివరిగా క్రింది చిత్రంలోని విధంగా Start Process అనే బటన్ క్లిక్ చేస్తే ఆ పాట కొన్ని క్షణాల్లోనే bitrate పెంచబడి డీఫాల్ట్ గా డెస్క్ టాప్ పై output అనే ఫోల్డర్ లో సేవ్ అవుతుంది.

గమనిక: టెక్నికల్ గా ఒకరికొకరు నాలెడ్జ్ షేర్ చేసుకోవాలన్న లక్ష్యంతో 2007 జనవరి నుండి “కంప్యూటర్ ఎరా సాంకేతిక సహాయం” పేరిట మీలాంటి పలువురు మిత్రుల సహకారంతో http://computerera.co.in/forum అనే లింకులో ఫోరమ్ నిర్వహించబడుతోంది.  ఇప్పటికే 15,000లకు పైగా పోస్టులు, 8,700 మంది సభ్యులు ఉన్న ఈ ఫోరమ్ ద్వారా మీరూ ప్రయోజనం పొందాలంటే ఈ లింకులో రిజిస్టర్ చేసుకుని ఫోరమ్ లో సభ్యులు అవండి. అలాగే ఉన్నతాశయంతో నిర్వహించబడుతున్న ఈ సాంకేతిక సహాయం కార్యక్రమాల గురించి మీ మిత్రులకూ తెలియపరిచి మీ వంతు సహకారం అందించండి. ఇప్పుడు మీరు చదవబోయే మాదిరి పిసి చిట్కాలు, ట్రబుల్ షూటింగ్, మీ సమస్యలకు సమాధానాలు, ఆసక్తికరమైన వెబ్ సైట్లు, ట్యుటోరియళ్లు వంటి వేలాది టెక్నికల్ పోస్టులు కంప్యూటర్ ఎరా ఫోరమ్ లో చదవవచ్చు.

GTalkలో మీ స్నేహితుల పేర్లు కన్ ఫ్యూజ్డ్ గా ఉన్నట్లయితే..

గమనిక: టెక్నికల్ గా ఒకరికొకరు నాలెడ్జ్ షేర్ చేసుకోవాలన్న లక్ష్యంతో 2007 జనవరి నుండి “కంప్యూటర్ ఎరా సాంకేతిక సహాయం” పేరిట మీలాంటి పలువురు మిత్రుల సహకారంతో http://computerera.co.in/forum అనే లింకులో ఫోరమ్ నిర్వహించబడుతోంది.  ఇప్పటికే 15,000లకు పైగా పోస్టులు, 8,700 మంది సభ్యులు ఉన్న ఈ ఫోరమ్ ద్వారా మీరూ ప్రయోజనం పొందాలంటే ఈ లింకులో రిజిస్టర్ చేసుకుని ఫోరమ్ లో సభ్యులు అవండి. అలాగే ఉన్నతాశయంతో నిర్వహించబడుతున్న ఈ సాంకేతిక సహాయం కార్యక్రమాల గురించి మీ మిత్రులకూ తెలియపరిచి మీ వంతు సహకారం అందించండి. ఇప్పుడు మీరు చదవబోయే మాదిరి పిసి చిట్కాలు, ట్రబుల్ షూటింగ్, మీ సమస్యలకు సమాధానాలు, ఆసక్తికరమైన వెబ్ సైట్లు, ట్యుటోరియళ్లు వంటి వేలాది టెక్నికల్ పోస్టులు కంప్యూటర్ ఎరా ఫోరమ్ లో చదవవచ్చు.

Orkut స్నేహితులను మీ GTalk ఫ్రెండ్స్ లిస్ట్ లోకి  add చేసుకున్నట్లయితే ఒక్కోసారి చిన్న సమస్య వచ్చి పడుతుంది. Orkutలో కొంతమంది మిత్రులు తమ ఐడిలు stylishగా ఉండాలని క్రింది చిత్రంలోని విధంగా డెకరేటివ్ ఫాంట్లతో చదవడానికి కష్టంగా ఉండేలా పేర్లు డిజైన్ చేసుకుంటూ ఉంటారు.

అలాంటి డెకరేటివ్ ఫాంట్లతో IDని కలిగిన మిత్రులను మన Gtalk ఫ్రెండ్స్ లిస్ట్ లో add చేసుకున్నప్పుడు.. ఇకపై వారితో ఛాట్ చెయ్యాలనుకున్న ప్రతీసారీ వారి ఐడిని చూసి కూడబలుక్కుని మరీ ఫలానా వ్యక్తి అని గుర్తించడం కొద్దిగా ఇబ్బందిగా ఉంటుంది. అందుకే ఈ శ్రమ లేకుండా GTalk సాఫ్ట్ వేర్ వాడేవారు తమ Friends Listలో ఉన్న స్నేహితుల పేర్లు తమకు నచ్చినట్లు మార్చుకునేలా ఇప్పుడు చెప్పుకోబోయే చిన్న చిట్కా ఉపయోగపడుతుంది.

స్టెప్ 1: Gtalk ఓపెన్ చేసి లాగిన్ అవండి.

స్టెప్ 2: ఏ వ్యక్తి ఐడి అయితే చదవడానికి కన్ ఫ్యూజన్ గా ఉందో ఆ IDపై రైట్ క్లిక్ చేసి Rename అనే ఆప్షన్ ని ఎంచుకోండి.

స్టెప్ 3: ఇప్పుడు క్రింది చిత్రంలోని విధంగా పేరుని మార్చడానికి వీలుగా బాక్స్ వస్తుంది. అందులో ఆ ఐడిని సులభంగా గుర్తించడానికి మీరు ఏ పేరు పెట్టదలుచుకున్నారో ఆ పేరుని టైప్ చెయ్యండి. అంతే ఇకపై ఆ ఐడి మీ buddy listలో మీరు సెట్ చేసుకున్న పేరుతో కన్పిస్తుంది.