Home » టెక్నికల్ అవేర్ నెస్ ఏక్టివిటీస్ » Currently Reading:

ఇలాంటి కేస్‌లు అందరికీ చుట్టుకునే ప్రమాదం చాలా ఉంది.. Must Share

ఓ ఆర్నెల్ల క్రితం అనుకుంటాను…

ఏ ఛానెల్ వాళ్లు వచ్చారో గుర్తులేదు… IT Actలోని Section 66A క్లాజ్ గురించి బైట్ కోసం వచ్చినప్పుడు… ఆఫ్ ది రికార్డ్ కొన్ని విషయాలు చెప్పాను…

“ఇప్పుడేముంది… మున్ముందు మనం ఎన్ని కేసులూ, ఘోరాలూ చూడాల్సి వస్తుందో నా కళ్లెదుట చాలా స్పష్టంగా కన్పిస్తోంది” అని!!

16 ఏళ్ల నుండి రకరకాల platforms మీద జనాలు మాట్లాడుకుంటున్న విశృంఖలమైన మాటలు గమనిస్తూ వస్తున్నాను… పెదవి దాటిన పెడార్థాల మాటలు మెడలకు చుట్టుకునే రోజులు ఎప్పుడో ఊహించాను…

ఈరోజు మహిళల్ని కించపరుస్తూ జరిగిన వ్యాఖ్యానాలు ఆదీ కాదు, అంతమూ కాదు….

ఇప్పటికీ పార్టీలూ, రాజకీయ నాయకుల్నీ, నేరుగా తాము ద్వేషించే మనుషుల్నీ ఇష్టమొచ్చినట్లు బూతులతో.. అభ్యంతరకరమైన భాషతో సంభాషణలు సాగిస్తున్న వారెందరో ఉన్నారు.. “వారంతా ప్రస్తుతానికి సమస్య తమది కాదు” అని ధైర్యంగా ఉంటున్నారు….

ఈ క్షణం మనం ఎవర్నైయినా సోషల్ నెట్ వర్కింగ్ సైట్లలో తిడితే, అభ్యంతరకరమైన భాష వాడితే ఊచలు లెక్కపెట్టాల్సి వస్తుందన్న విషయం చాలామందికి తెలీట్లేదు… IT Actని క్షుణ్ణంగా చదివాను…. వాటిలోని క్లాజులతో సహా ఎన్నో ఉరితాళ్లు మన మెడలపై వేలాడుతున్న విషయం గ్రహించండి….

నేను చాలాసార్లు ఒకటే చెప్తూ వస్తున్నాను.. Facebookలాంటి పబ్లిక్ platformని మంచి విషయాలు చర్చించుకోవడానికి వాడుకోవడం శ్రేయస్కరం అని! ఇలా చెప్పడానికి కారణం… మనం మాట్లాడే ప్రతీ చెడూ విషయమూ మనకు ఉరితాడే అన్నది నాకు తెలుసు కాబట్టి!! కొంతమందికి పాపం ఇది అర్థం కాక ఛాదస్తంగా భావిస్తూ వచ్చారు, వస్తున్నారు.

ఈరోజు మనం దేశాన్ని తిట్టడానికి లేదు.. నాయకుల్ని తిట్టడానికి లేదు… తోటి మనిషిని తిట్టడానికి లేదు… కులాలూ, మతాలూ, ప్రాంతాల్నీ తిట్టడానికి లేదు…. ఎవరైనా ఎవరిపైనైనా కేస్ ఫైల్ చేయొచ్చు.. ఈ విషయం అర్థమైన రోజున ఎగిరెగిరిపడుతున్న నోళ్లన్నీ ఖచ్చితంగా మూతబడక తప్పదు.

ఇంటర్నెట్ అంటే అపరిమితమైన స్వేచ్ఛ అని అర్థం చేసుకుంటే ఖచ్చితంగా ఆపద పాలవుతాం… 99% మందికి తెలీని ఎన్నో చిక్కుముళ్లు IT Actలో ఉన్నాయి… అలాగే అవసరాన్ని బట్టి ఇతర చట్టాలతో కలిపి ఎవరైనా మన అభ్యంతరకరమైన చిన్న కామెంట్లకు కూడా కేస్ ఫైల్ చేసి బోన్ ఎక్కించవచ్చు.

ప్రతీ ఒక్కరూ ఇది తెలుసుకోవలసిన అవసరం ఉంది… ముఖ్యంగా ఈరోజు ఒకర్నొకరు బండ బూతులు తిట్టుకుంటున్న వ్యక్తిగత ధూషణలు కూడా శిక్షార్షాలే…. కేస్ ఫైల్ చేసే వాళ్లు ఉంటే గనుక! సో తస్మాత్ జాగ్రత్త..!!

సోషల్ నెట్ వర్కింగ్ సైట్ల యూజర్ల శ్రేయస్సు, అవగాహనని దృష్టిలో ఉంచుకుని రాయబడిన దీన్ని మీ మిత్రులతోనూ షేర్ చేసి వారినీ కాపాడగలరు.

ధన్యవాదాలు

– నల్లమోతు శ్రీధర్
ఎడిటర్
కంప్యూటర్ ఎరా తెలుగు మేగజైన్

http://computerera.co.in
http://youtube.com/nallamothu
http://nallamothusridhar.com

Search This Site:

Press75.com Press75.com Press75.com Press75.com

Subscribe

Follow Here

About Me

1996వ సంవత్సరంలో తెలుగులో మొట్టమొదట కంప్యూటర్ సాహిత్యాన్ని ప్రారంభించే అవకాశం నాకు కలిగింది. అదే సమయంలో చెన్నైలో సూపర్ హిట్ తెలుగు ఫిల్మ్ మేగజైన్ కి సబ్ ఎడిటర్ గా కూడా ఏకకాలంలో పనిచేస్తూ 1998 వరకూ చిరంజీవి, బాలకృష్ణ, వెంకటేష్, నాగార్జున, మనీషా కొయిరాలా, శంకర్, రజనీకాంత్, కమల్ హాసన్ వంటి ప్రముఖులెందరినో ఇంటర్వ్యూలు చేయడం మర్చిపోలేని అనుభవం. అయితే సినిమా రంగంలో ఉన్న అనారోగ్యకరమైన వాతావరణం వల్ల నాకంటూ ఓ ప్రత్యేకమైన ఉనికిని సృష్టించుకోవడం కోసం సినిమా రంగం నుండి బయటకు వచ్చి పూర్తిగా టెక్నాలజీ రంగంలో స్థిరపడడం జరిగింది. 96 నుండి 2001 వరకూ పలు కంప్యూటర్ పత్రికలకు ఎడిటర్ గా పనిచేసి.. 2001 నుండి "కంప్యూటర్ ఎరా" తెలుగు మంత్లీ మేగజైన్ ఎడిటర్ గా పత్రిక మొత్తాన్నీ రూపొందిస్తూ ఉన్నాను. అలాగే తెలుగు టెలివిజన్ ఛానెళ్లలో మొట్టమొదటి టెక్నికల్ phone-in ప్రోగ్రామ్ కి గెస్ట్ గా అటెండ్ అయ్యే అవకాశమూ 2010 జనవరి 20న కలిగింది. అప్పటి నుండి ఇప్పటివరకూ I News, ETV2, ABN ఆంధ్రజ్యోతి, NTV, Zee 24 గంటలు, సాక్షి టివి, మహా టివి, జాగృతి న్యూస్ వంటి ఛానెళ్లలో 90కి పైగా లైవ్, రికార్డెడ్ ప్రోగ్రాముల్ని చేయడం జరిగింది. 2007లో అత్యుత్తమైన నాణ్యతతో కూడిన పోస్టులతో, వీడియోలతో తెలుగులో మొదటి ప్రొఫెషనల్ టెక్నికల్ బ్లాగ్ గానూ, మొదటి వీడియో బ్లాగ్ గానూ ఇప్పుడు మీరు చూస్తున్న బ్లాగ్ ప్రత్యేకతను సంతరించుకుంది. అలాగే 2007 జనవరి 1న ప్రారంభించిన తెలుగులోనే మొట్టమొదటి టెక్నికల్ ఫోరమ్ అయిన "కంప్యూటర్ ఎరా సాంకేతిక ఫోరమ్" 14 వేల మంది సభ్యులతో 10 వేలకు పైగా పోస్టులతో 2009 జూలై వరకూ నిర్వహించబడింది. దాంతోపాటే మొట్టమొదటి తెలుగు టెక్నికల్ ఛాట్ రూమ్ అయిన "కంప్యూటర్ ఎరా సాంకేతిక సహాయం" అనే ఛాట్ రూమ్ రెండేళ్లలో వేలాది మందికి తెలుగు టైప్ చేయడం మొదలుకుని అనేక కంప్యూటర్ సంబంధిత సాంకేతిక సమస్యలకు తక్షణ సహాయం అందించింది. ఇకపోతే http://youtube.com/nallamothu అనే ఛానెల్ లో 361కి పైగా ప్రొఫెషనల్ క్వాలిటీ తెలుగు టెక్నికల్ వీడియోలు అందించాను. ఈ ఛానెల్ కి 1192 మంది సబ్ స్కైబర్లు ఉన్నారు. అందుబాటులో ఉన్న వివిధ మార్గాల ద్వారా తెలుగు వారందరకీ సాంకేతిక పరిజ్ఞానాన్ని అందించే పలు కార్యక్రమాలు నిర్వహిస్తూ ఉన్నాను.

Comment on this Article:







Subscribe Here

Be touch in Google+

Google Playలో పొందండి

ఇక్కడ RSS Feedకి Subscribe చేసి నేరుగా పోస్ట్ లు పొందండి