మీకన్నీ తెలిసి ఉండొచ్చు…. చాలామందికి చాలా తెలియాల్సి ఉంది….
జనరల్ టెక్నికల్ టాపిక్స్ మీదే ఎందుకు వీడియోలు చేస్తుంటారు… మేగజైన్లోనూ జనరల్ టాపిక్సే రాస్తుంటారు… అని చాలామంది అడుగుతూ ఉంటారు….
వాస్తవానికి నాకు C, C++లు వచ్చు, జావా వచ్చు… ఫ్లాష్ స్క్కిప్టింగ్, html, phpల్లో ప్రవేశం, హార్డ్వేర్, పిసి అసెంబ్లింగ్, నెట్వర్కింగ్, లైనక్స్, Mac, SEO, సోషల్ మార్కెటింగ్ం పేజ్మేకర్, ఫొటోషాప్, కోరల్ డ్రా, ప్రీమియర్, ఇల్లస్ట్రేటర్, ఆఫీస్ వంటి వాటి మొదలుకుని Tally, Focus వంటి ఆఫ్బీట్ టాపిక్స్ వరకూ నాలెడ్జ్ ఉంది….
బట్ నా లక్ష్యం ఏదో ఒక టాపిక్ మాత్రమే ఇష్టపడే ఏ కొద్దిమందికో నా విలువైన సమయం కేటాయించడం కాదు….
మీరు గమనించండి… నేను చేసే వీడియోలు కావచ్చు… మేగజైన్లో రాసే ఆర్టికల్స్ కావచ్చు…. ప్రతీ ఒక్కరికీ ఉపయోగపడేలా ఉంటాయి తప్ప…. ఏ కొద్దిమందికో ఉపయోగపడేలా ఉండవు…
ఉదా.కు.. రైల్వే రిజర్వేషన్ల గురించి నిన్న, మొన్న చేసిన ఓ వీడియోనే తీసుకుంటే…..
- మీరు ఓ ప్రోగ్రామర్ అయినా ఆ వీడియో మీకు పనికొస్తుంది…. ఖచ్చితంగా మీకు గొప్ప టెక్నికల్ నాలెడ్జ్ ఉన్నా ఈ విషయం మీకు తెలిసి ఉండదు….
- ఒక వెబ్ డిజైనర్ అయినా మీకు పనికొస్తుంది…
- ఒక డిటిపి ఆపరేటర్ అయినా పనికొస్తుంది
- VFx గ్రాఫిక్స్ డిజైనర్ అయినా మీకు ఆ వీడియో పనికొస్తుంది
- ఓ రిటైర్డ్ ఎంప్లాయీ అయినా పనికొస్తుంది
- ఓ హౌస్ వైఫ్ అయినా పనికొస్తుంది….
- ఓ స్కూల్ కిడ్ కైనా పనికొస్తుంది…..
అలాగే ఈరోజు చేసిన సినిమా టిక్కెట్లు ఆన్లైన్లో చేసుకోవడం అనే వీడియోనే తీసుకుంటే…. పిల్లాపాపలతో థియేటర్లకు వెళ్లి బ్లాక్లో వందలు పెట్టి టిక్కెట్లు కొంటున్న వారెందరో నాకు థియేటర్ల వద్ద కన్పిస్తుంటారు…. అలాంటి ఎంతోమందికి ఈ వీడియో పనికొస్తుంది కదా…..
ఇలా అందరికీ పనికొచ్చే విషయాలు నేను ఆలోచిస్తాను తప్ప….. “అందులో నాకు నాలెడ్జ్ ఉంది…. ఇందులో నాకు నాలెడ్జ్ ఉంది” అని మేధస్సుని ప్రదర్శించుకునే పిచ్చి ప్రయత్నాలు కావి నావి….. ఒక్కసారి నా Profileలో నా లక్ష్యాన్ని మరోసారి చదవండి….
టెక్నాలజీని సామాన్య ప్రజలకు ఉపయోగపడేలా చేయడం నా లక్ష్యం తప్ప టెక్నాలజీని అంతో ఇంతో తెలిసిన టెకీస్ కోసం స్పెండ్ చేయడం కాదు నా లక్ష్యం…
అందుకే నేను చేసే వీడియోలూ, మేగజైన్లో రాసే విషయాలూ 10% మంది గొప్ప గొప్ప వాళ్లకు ఆల్రెడీ తెలిసి ఉండొచ్చు…. కానీ 90% మంది అతి సామాన్యులు వాటి ద్వారా ఎంత ప్రయోజనం పొందుతున్నారో నేను అందుకునే ఫోన్ల ద్వారా, మెయిల్స్ ద్వారా, ఇతర రెస్పాన్సుల ద్వారా నాకు మాత్రమే తెలుసు….
సో ఈ మధ్య కొంతమంది నా ముందు బలప్రదర్శన చేస్తున్నట్లు…. మీకెంతో తెలుసనీ, ఇవన్నీ ఇప్పటికే తెలుసనీ… ఇలా దయచేసి ప్రదర్శనలు చేయకండి…. సైలెంట్గా నా టార్గెటెడ్ పీపుల్ని నా నాలెడ్జ్ నేను ఇచ్చుకుంటూ పోతున్నాను…. మీకు ఆల్రెడీ తెలిసినవి అయితే సంతోషం… వదిలేయండి…. తెలియనివైతే మనస్ఫూర్తిగా తెలుసుకోండి….. మనస్సుకి తాళాలు వేసుకోకుండా!!
టెక్నాలజీ అందరికీ చేరాలి… అన్నీ తెలిసిన కొద్దిమందికి చేరితే ఏం లాభం?
- నల్లమోతు శ్రీధర్
ఎడిటర్
కంప్యూటర్ ఎరా తెలుగు మేగజైన్
http://computerera.co.in
http://youtube.com/nallamothu
http://nallamothusridhar.com
1996వ సంవత్సరంలో తెలుగులో మొట్టమొదట కంప్యూటర్ సాహిత్యాన్ని ప్రారంభించే అవకాశం నాకు కలిగింది. అదే సమయంలో చెన్నైలో సూపర్ హిట్ తెలుగు ఫిల్మ్ మేగజైన్ కి సబ్ ఎడిటర్ గా కూడా ఏకకాలంలో పనిచేస్తూ 1998 వరకూ చిరంజీవి, బాలకృష్ణ, వెంకటేష్, నాగార్జున, మనీషా కొయిరాలా, శంకర్, రజనీకాంత్, కమల్ హాసన్ వంటి ప్రముఖులెందరినో ఇంటర్వ్యూలు చేయడం మర్చిపోలేని అనుభవం. అయితే సినిమా రంగంలో ఉన్న అనారోగ్యకరమైన వాతావరణం వల్ల నాకంటూ ఓ ప్రత్యేకమైన ఉనికిని సృష్టించుకోవడం కోసం సినిమా రంగం నుండి బయటకు వచ్చి పూర్తిగా టెక్నాలజీ రంగంలో స్థిరపడడం జరిగింది. 96 నుండి 2001 వరకూ పలు కంప్యూటర్ పత్రికలకు ఎడిటర్ గా పనిచేసి.. 2001 నుండి "కంప్యూటర్ ఎరా" తెలుగు మంత్లీ మేగజైన్ ఎడిటర్ గా పత్రిక మొత్తాన్నీ రూపొందిస్తూ ఉన్నాను. అలాగే తెలుగు టెలివిజన్ ఛానెళ్లలో మొట్టమొదటి టెక్నికల్ phone-in ప్రోగ్రామ్ కి గెస్ట్ గా అటెండ్ అయ్యే అవకాశమూ 2010 జనవరి 20న కలిగింది. అప్పటి నుండి ఇప్పటివరకూ I News, ETV2, ABN ఆంధ్రజ్యోతి, NTV, Zee 24 గంటలు, సాక్షి టివి, మహా టివి, జాగృతి న్యూస్ వంటి ఛానెళ్లలో 90కి పైగా లైవ్, రికార్డెడ్ ప్రోగ్రాముల్ని చేయడం జరిగింది. 2007లో అత్యుత్తమైన నాణ్యతతో కూడిన పోస్టులతో, వీడియోలతో తెలుగులో మొదటి ప్రొఫెషనల్ టెక్నికల్ బ్లాగ్ గానూ, మొదటి వీడియో బ్లాగ్ గానూ ఇప్పుడు మీరు చూస్తున్న బ్లాగ్ ప్రత్యేకతను సంతరించుకుంది. అలాగే 2007 జనవరి 1న ప్రారంభించిన తెలుగులోనే మొట్టమొదటి టెక్నికల్ ఫోరమ్ అయిన "కంప్యూటర్ ఎరా సాంకేతిక ఫోరమ్" 14 వేల మంది సభ్యులతో 10 వేలకు పైగా పోస్టులతో 2009 జూలై వరకూ నిర్వహించబడింది. దాంతోపాటే మొట్టమొదటి తెలుగు టెక్నికల్ ఛాట్ రూమ్ అయిన "కంప్యూటర్ ఎరా సాంకేతిక సహాయం" అనే ఛాట్ రూమ్ రెండేళ్లలో వేలాది మందికి తెలుగు టైప్ చేయడం మొదలుకుని అనేక కంప్యూటర్ సంబంధిత సాంకేతిక సమస్యలకు తక్షణ సహాయం అందించింది. ఇకపోతే http://youtube.com/nallamothu అనే ఛానెల్ లో 361కి పైగా ప్రొఫెషనల్ క్వాలిటీ తెలుగు టెక్నికల్ వీడియోలు అందించాను. ఈ ఛానెల్ కి 1192 మంది సబ్ స్కైబర్లు ఉన్నారు. అందుబాటులో ఉన్న వివిధ మార్గాల ద్వారా తెలుగు వారందరకీ సాంకేతిక పరిజ్ఞానాన్ని అందించే పలు కార్యక్రమాలు నిర్వహిస్తూ ఉన్నాను.
శ్రీధర్ గారికి నమస్కారం , మీ తదుపరి పత్రికలో ఇన్వెర్తెర్స్ మరియు సొలర్ ఇన్వెర్తెర్స్ గురించి ఒక అర్తికల్ రాయండి ప్రస్తుత కరెంట్ కోతల సమయంలో అందరికీ పనికివస్తుంది..
//మీకన్నీ తెలిసి ఉండొచ్చు…. చాలామందికి చాలా తెలియాల్సి ఉంది….//
శ్రీధర్ గారు మీరు చెప్పింది నిజం.అడ్వాన్స్గా ఉండే కొందరికి మీరిచ్చే టిప్స్ సిల్లిగా అనిపించవచ్చు కాని బేసిక్ నాలెడ్జ్ లేని వారి గురించి వారు ఆలోచించరు అంతేకాకుండ తమకు తెలిసిన దాన్ని ఇతరులకు పంచరు, పంచే వారిని చూస్తే సహించరు ఇది లోక నీతి ఏం చేస్తాం ఖర్మ.
చాలా మంది సాఫ్ట్వేర్ వాళ్ళకు కూడా హార్డ్వేర్, పిసి అసెంబ్లింగ్, నెట్వర్కింగ్, లైనక్స్,సోషల్ మార్కెటింగ్ం పేజ్మేకర్, ఫొటోషాప్, కోరల్ డ్రా, ప్రీమియర్, ఇల్లస్ట్రేటర్, ఆఫీస్ వంటి వాటిలో కనీస పరిజ్ఞానం లేకపోవడం తప్పనిసరిగా ఒప్పుకోవలసిన విషయమే.
“మీకన్నీ తెలిసి ఉండొచ్చు…. చాలామందికి చాలా తెలియాల్సి ఉంది….” అన్నదానికి అందరు ఏఖీభవించాల్సిందే.ఎందుకంటే అది నిజం కాబట్టి.