ప్రభుత్వాన్ని తిట్టుకోవడమే కాదు… ఇలా ప్రభుత్వ విభాగాలను నిలదీయొచ్చు!! Must Watch & Share
వీడియో లింక్ ఇది: http://bit.ly/srirti
మనం ప్రభుత్వాలనూ, ప్రభుత్వ విభాగాలనూ తిట్టుకోవడంతో సరిపెట్టుకోవాల్సిన పనిలేదు…
మనకు ఏ డిపార్ట్మెంట్పై అయినా అనుమానం ఉంటే, లేదా ఏ ప్రభుత్వ పధకంపై నైనా, లేదా మీ వ్యక్తిగత అవసరాలకు చేసిన అప్లికేషన్ల తాజా స్థితిపై అయినా సమాచారం కావాలంటే.. “సమాచార హక్కు” చట్టం క్రింద (RTI Act) ఉచితంగా సమాచారం కోరొచ్చు.
దీని వల్ల మనకు ఎలాంటి నష్టమూ లేదు… ఆయా విభాగాల నుండి ఖచ్చితంగా మనకు సమాచారం అందించబడాలి…
చాలామందికి ఇది తెలీక ఇప్పటికీ ఏదైనా కోపం వస్తే తిట్టుకుంటూ కూర్చుంటున్నారు తప్ప మన తరఫున ఓ మంచి చట్టం ఉందని గుర్తించడం లేదు.
సో మీరు ఏ విషయంపై అయినా ఏ కేంద్ర, రాష్ట్ర విభాగం నుండైనా, ఎటువంటి సమాచారాన్నయినా కోరుకుంటున్నట్లయితే ఈ వీడియో తప్పకుండా ఉపయోగపడుతుంది.
ఆన్లైన్లో ఉచితంగా మీరు RTI చట్టం క్రింద సమాచారాన్ని ఎలా కోరవచ్చో చూపించడం జరిగింది.
సో టెక్నాలజీని సమాజ శ్రేయస్సు కోసం, మెరుగైన ప్రభుత్వాలూ, పాలన పొందడం కోసం వినియోగించుకుందాం…
గమనిక: ప్రతీ భారతీయ పౌరుడికీ పనికొచ్చే ఈ వీడియోని మీ ఫ్రెండ్స్తోనూ షేర్ చెయ్యగలరు.
వీడియో లింక్ ఇది: http://bit.ly/srirti
ధన్యవాదాలు
- నల్లమోతు శ్రీధర్
ఎడిటర్
కంప్యూటర్ ఎరా తెలుగు మేగజైన్
http://computerera.co.in
http://youtube.com/nallamothu
http://nallamothusridhar.com
తెలియని వారు చాలామందే ఉంటారు.
1996వ సంవత్సరంలో తెలుగులో మొట్టమొదట కంప్యూటర్ సాహిత్యాన్ని ప్రారంభించే అవకాశం నాకు కలిగింది. అదే సమయంలో చెన్నైలో సూపర్ హిట్ తెలుగు ఫిల్మ్ మేగజైన్ కి సబ్ ఎడిటర్ గా కూడా ఏకకాలంలో పనిచేస్తూ 1998 వరకూ చిరంజీవి, బాలకృష్ణ, వెంకటేష్, నాగార్జున, మనీషా కొయిరాలా, శంకర్, రజనీకాంత్, కమల్ హాసన్ వంటి ప్రముఖులెందరినో ఇంటర్వ్యూలు చేయడం మర్చిపోలేని అనుభవం. అయితే సినిమా రంగంలో ఉన్న అనారోగ్యకరమైన వాతావరణం వల్ల నాకంటూ ఓ ప్రత్యేకమైన ఉనికిని సృష్టించుకోవడం కోసం సినిమా రంగం నుండి బయటకు వచ్చి పూర్తిగా టెక్నాలజీ రంగంలో స్థిరపడడం జరిగింది. 96 నుండి 2001 వరకూ పలు కంప్యూటర్ పత్రికలకు ఎడిటర్ గా పనిచేసి.. 2001 నుండి "కంప్యూటర్ ఎరా" తెలుగు మంత్లీ మేగజైన్ ఎడిటర్ గా పత్రిక మొత్తాన్నీ రూపొందిస్తూ ఉన్నాను. అలాగే తెలుగు టెలివిజన్ ఛానెళ్లలో మొట్టమొదటి టెక్నికల్ phone-in ప్రోగ్రామ్ కి గెస్ట్ గా అటెండ్ అయ్యే అవకాశమూ 2010 జనవరి 20న కలిగింది. అప్పటి నుండి ఇప్పటివరకూ I News, ETV2, ABN ఆంధ్రజ్యోతి, NTV, Zee 24 గంటలు, సాక్షి టివి, మహా టివి, జాగృతి న్యూస్ వంటి ఛానెళ్లలో 90కి పైగా లైవ్, రికార్డెడ్ ప్రోగ్రాముల్ని చేయడం జరిగింది. 2007లో అత్యుత్తమైన నాణ్యతతో కూడిన పోస్టులతో, వీడియోలతో తెలుగులో మొదటి ప్రొఫెషనల్ టెక్నికల్ బ్లాగ్ గానూ, మొదటి వీడియో బ్లాగ్ గానూ ఇప్పుడు మీరు చూస్తున్న బ్లాగ్ ప్రత్యేకతను సంతరించుకుంది. అలాగే 2007 జనవరి 1న ప్రారంభించిన తెలుగులోనే మొట్టమొదటి టెక్నికల్ ఫోరమ్ అయిన "కంప్యూటర్ ఎరా సాంకేతిక ఫోరమ్" 14 వేల మంది సభ్యులతో 10 వేలకు పైగా పోస్టులతో 2009 జూలై వరకూ నిర్వహించబడింది. దాంతోపాటే మొట్టమొదటి తెలుగు టెక్నికల్ ఛాట్ రూమ్ అయిన "కంప్యూటర్ ఎరా సాంకేతిక సహాయం" అనే ఛాట్ రూమ్ రెండేళ్లలో వేలాది మందికి తెలుగు టైప్ చేయడం మొదలుకుని అనేక కంప్యూటర్ సంబంధిత సాంకేతిక సమస్యలకు తక్షణ సహాయం అందించింది. ఇకపోతే http://youtube.com/nallamothu అనే ఛానెల్ లో 361కి పైగా ప్రొఫెషనల్ క్వాలిటీ తెలుగు టెక్నికల్ వీడియోలు అందించాను. ఈ ఛానెల్ కి 1192 మంది సబ్ స్కైబర్లు ఉన్నారు. అందుబాటులో ఉన్న వివిధ మార్గాల ద్వారా తెలుగు వారందరకీ సాంకేతిక పరిజ్ఞానాన్ని అందించే పలు కార్యక్రమాలు నిర్వహిస్తూ ఉన్నాను.
