కొంతకాలం క్రితం ఆంధ్రజ్యోతి పేపర్ కోసం నా “టెక్ గురు” కాలమ్‌లో అమెజాన్ షాపింగ్ సైట్లలో ఫేక్ రివ్యూల గురించి వివరంగా ప్రస్తావించటం జరిగింది, గుర్తు ఉండే ఉంటుంది.
సరిగ్గా అదే మాదిరి నకిలీ రివ్యూలను ఫేస్బుక్ ఉద్యోగులు అమెజాన్‌లో చేయడం తాజాగా వెలుగులోకి వచ్చింది. కొంతకాలం కింద ఫేస్బుక్ సంస్థ Portal, Portal+ అనే స్మార్ట్ డిస్ప్లే లను విడుదల చేసింది. అయితే ఫేస్బుక్ ఆశించిన స్థాయిలో వీటి అమ్మకాలు జరగలేదు. అయినప్పటికీ అమెజాన్ వెబ్ సైట్ లో దీన్ని కొనుగోలు చేయాలని వెళ్లిన వారికి పెద్ద మొత్తంలో 5-స్టార్ రివ్యూలు దర్శనమిస్తున్నాయి.
ఈ నేపథ్యంలో ఆయా రివ్యూలను రాసిన వారి పేర్లను పరిశీలించినప్పుడు, అందులో అధికశాతం మంది ఫేస్బుక్ సొంత ఉద్యోగులు మాత్రమే ఉన్నట్లు వెలుగులోకి వచ్చింది. తమ సంస్థ తయారు చేసిన ఉత్పత్తిని ఉద్యోగులు ప్రమోట్ చేస్తున్నారు అన్న మాట. వాస్తవానికి అమెజాన్ నియమాల ప్రకారం, వివిధ ఉత్పత్తులను తయారు చేసే సంస్థలకు చెందిన ఉద్యోగులు ఎట్టి పరిస్థితుల్లోనూ ఆయా ఉత్పత్తులపై రివ్యూలను రాయకూడదు. అంటే అమెజాన్ నియమాలను వారు ఉల్లంఘించారు అన్నమాట.
ఇక్కడ మరో ఆసక్తికరమైన విషయం ఏమిటంటే, అయ్యా ఫేస్బుక్ ఉద్యోగుల రాసిన రివ్యూలన్నీ వెరిఫైడ్ రివ్యూలు కావడం! అంటే ఆయా ఉద్యోగులు అమెజాన్ వెబ్ సైట్ నుండి Facebook Portal, Portal+ ప్రోడక్ట్‌ని కొనుగోలు చేసి ఆ తర్వాత రివ్యూ రాశారు. ఇలా ఒక ఉత్పత్తికి 5-స్టార్ రేటింగ్ ఉండడంవల్ల చాలా మంది వినియోగదారులు దాని పట్ల ఆసక్తి చూపించే అవకాశం ఉంది. దీనికోసమే ఫేస్బుక్ ఉద్యోగులు ఈ చర్యకు పాల్పడినట్లు తెలుస్తోంది.
దీన్ని బట్టి మనకి అను షాపింగ్ సైట్ లలో వివిధ ఉత్పత్తులకు కనిపించే రేటింగ్స్, రివ్యూలు ఎంత జెన్యూన్ అన్నది అర్థం చేసుకోవచ్చు. కొన్నిసార్లు జెన్యూన్ రివ్యూలు ఉన్నప్పటికీ ఫేక్ రివ్యూల సంఖ్యే ఎక్కువగా ఉండే అవకాశముంది.
