ఇటీవలి కాలంలో మార్కెట్లో వస్తున్న అన్ని రకాల స్మార్ట్ ఫోన్స్ చాలా తక్కువ సమయంలో వేగంగా చార్జింగ్ పూర్తయ్యే విధంగా ఫాస్ట్ ఛార్జింగ్ సపోర్ట్ కలిగి ఉంటున్నాయి.
ఈ నేపథ్యంలో తాజాగా Oppo సంస్థ మార్కెట్లో ప్రవేశపెట్టిన Oppo Ace Reno ఫోన్ ఇప్పటివరకు ఉన్న ఇతర ఫోన్స్ తో పోలిస్తే కేవలం 30 నిమిషాల్లో 100% ఛార్జింగ్ అవుతుంది. కచ్చితంగా ఇది స్మార్ట్ ఫోన్ వినియోగంలో ఒక విప్లవాత్మకమైన మార్పు అని చెప్పుకోవాలి. ఈ ఫోన్ ఇతర స్పెసిఫికేషన్స్ విషయానికొస్తే 6.5 అంగుళాల 1080p డిస్ప్లే కలిగి ఉండిక్వాల్కమ్ స్నాప్డ్రాగన్ 855 processor ఆధారంగా ఈ ఫోన్ పని చేస్తుంది. అలాగే విజువల్ ఎక్స్పీరియన్స్ స్మూత్ గా ఉండడం కోసం 90 Hz రిఫ్రెష్ రేట్ ఇది కలిగి ఉంటుంది.
4000 mAh కెపాసిటీ కలిగిన బ్యాటరీతో ఈ ఫోన్ మనకు లభిస్తుంది. ఇందులో 65W SuperVOOC చార్జింగ్ టెక్నాలజీ వాడటం వల్ల ఇంతకు ముందు చెప్పుకున్నట్లు కేవలం 30 నిమిషాల్లో 0 నుండి 100% చార్జింగ్ పూర్తవుతుంది. ఫోన్ వెనుక భాగంలో 48 megapixel ప్రైమరీ కెమెరా తో పాటు 8 మరియు 13 మరియు 2 మెగా పిక్సెల్ రెజల్యూషన్ కలిగిన మరో మూడు కెమెరాలు ఉంటాయి. ఫోన్ ముందు భాగంలో 16 megapixel సెల్ఫీ కెమెరా పొందుపరచబడి ఉంటుంది.
Usb type c port ఇందులో ఉపయోగించబడుతుంది. యు ఎస్ పి ఓ టి జి సపోర్ట్ కూడా ఈ ఫోన్ లో ఉంటుంది. ఫింగర్ ప్రింట్ సెన్సార్ మరియు పేస్ అన్ లాక్ సదుపాయాలు కలిగిన ఈ ఫోన్లో 8 జిబి రామ్, 128 జీబీ ఇంటర్నల్ స్టోరేజ్ లభిస్తాయి. ప్రస్తుతం చైనా మార్కెట్లో లభిస్తున్న Oppo Ace Reno అతి త్వరలో ఇండియా లో విడుదల కాబోతుంది. ప్రాథమికంగా అందుతున్న సమాచారం ప్రకారం భారతీయ మార్కెట్లో 31 వేల 990 రూపాయలకు ఈ ఫోన్ అమ్మబడుతుంది.