అక్టోబర్ 2019లో అనేక కొత్త ఫోన్స్ భారతీయ మార్కెట్లో విడుదల కాబోతున్నాయి. వాటికి సంబంధించిన ఇప్పటివరకు మన దగ్గర ఉన్న సమాచారం మొత్తం ఇప్పుడు చూద్దాం.
OnePlus 7T Pro
అక్టోబర్ 10న లండన్ లో జరిగే ఒక ఈవెంట్ లో oneplus 7T Pro మార్కెట్లో విడుదల కాబోతోంది. అయితే తాజాగా అమెజాన్ ఇండియా వెబ్సైట్లో కనిపించిన టీజర్ ప్రకారం అదే రోజు ఇండియాలో కూడా ఫోన్ విడుదల అవుతుందని తెలుస్తోంది. అక్కడ పేర్కొనబడిన వివరాల ప్రకారం అక్టోబర్ 15వ తేదీ నుండి ఈ ఫోన్ కొనుగోలు చేయడానికి లభిస్తుంది. HDFC బ్యాంకు డెబిట్ మరియు క్రెడిట్ కార్డులు వాడేవారు 3000 రూపాయల వరకు క్యాష్బ్యాక్ పొందొచ్చు.
ఈ ఫోన్ స్పెసిఫికేషన్స్ విషయానికొస్తే 6.65 అంగుళాల Quad HD+ డిస్ప్లేని ఈ ఫోన్ కలిగి ఉంటుంది. 90 హెడ్స్ రిఫ్రెష్ రేట్‌తో ఇది వస్తుంది. క్వాల్కమ్ స్నాప్డ్రాగన్ 855+ ప్రాసెసర్ ఆధారంగా పనిచేసే ఈ ఫోన్లో 8 జీబీ ర్యామ్, 256 జీబీ ఇంటర్నల్ స్టోరేజ్ లభిస్తాయి. 4085 ఎమ్ఏహెచ్ కెపాసిటీ కలిగిన బ్యాటరీతో 30 watts ఫాస్ట్ ఛార్జింగ్ సపోర్ట్ ఈ ఫోన్ కలిగి ఉంటుంది.
Google Pixel 4, Pixel 4 XL
చాలాకాలంగా శక్తివంతమైన ఆండ్రాయిడ్ ఫోన్లు విడుదల చేస్తున్న Google సంస్థ అక్టోబరు 15న న్యూయార్క్‌లో Google Pixel 4, Pixel 4 XL ఫోన్లను విడుదల చేయడానికి సన్నాహాలు చేస్తోంది. వాటిలో ఉండే శక్తివంతమైన కెమెరాలతో పాటు మరింత మెరుగుపరచబడిన ఫేస్ అన్లాక్ మరియు మోషన్ సెన్స్ టెక్నాలజీ ల కోసం అందరూ ఆసక్తిగా ఎదురు చూస్తున్నారు. లీకైన సమాచారం ప్రకారం 90 హెడ్స్ OLED డిస్ప్లేతో ఈ ఫోన్ లభిస్తుంది. 5.7 అంగుళాల ఫుల్ హెచ్డి ప్లస్ స్క్రీన్ ఇది కలిగి ఉంటుంది. అలాగే Pixel 4 XL మోడల్ విషయానికొస్తే 6.3 అంగుళాల Quad HD స్క్రీన్ తో ఇది లభిస్తుంది. క్వాల్కమ్ స్నాప్డ్రాగన్ 855 processor ఆధారంగా పనిచేసే ఈ ఫోన్లో న్యూరల్ నెట్వర్క్ టెక్నిక్స్ ద్వారా ఫోటోలను ప్రాసెస్ చేసే టెక్నాలజీ ప్రవేశపెట్టబడింది.
రెండు ఫోన్స్ లో 6 జి బి రామ్ 64 జీబీ ఇంటర్నల్ స్టోరేజ్ మరియు 6 జి బి రామ్ 128 జీబీ ఇంటర్నల్ స్టోరేజ్ కలిగిన మోడల్స్ లభిస్తాయి. ఫోన్ వెనుక భాగంలో 12 మరియు 16 megapixel రిజల్యూషన్ కలిగిన రెండు కెమెరాలు ఉంటాయి.
Redmi 8
అక్టోబర్ 9వ తేదీన Redmi 8 ఫోన్ ఇండియా లో విడుదల కాబోతుంది. ఇందులో 6.26 అంగుళాల హెచ్డి ప్లస్ డిస్ప్లే లభిస్తుంది. ఫోన్ వెనుక భాగంలో 12 మరియు 2 మెగాపిక్సల్ రిసల్యూషన్ గలిగిన రెండు కెమెరాలు ఉంటాయి. ఫోన్ ముందు భాగంలో 8 మెగాపిక్సల్ కెమెరా లభిస్తుంది. క్వాల్కమ్ స్నాప్డ్రాగన్ 439 ప్రాసెసర్ ఆధారంగా పనిచేసే ఈ ఫోన్లో 4జిబి ర్యామ్ 64 జీబీ ఇంటర్నల్ స్టోరేజ్ లభిస్తాయి. 5000 ఎమ్ఏహెచ్ కెపాసిటీ కలిగిన బ్యాటరీ దీంట్లో ఉంటుంది.
Redmi Note 8, Redmi Note 8 Pro
ఇటీవల చైనాలో ఈ రెండు మోడల్స్ విడుదల చేసిన Xiaomi సంస్థ వీటిని అతి త్వరలో ఇండియాలో కూడా తీసుకురావడానికి ప్రయత్నాలు చేస్తోంది. క్వాల్కమ్ స్నాప్డ్రాగన్ 665 ప్రాసెసర్ ఆధారంగా పనిచేసే ఈ ఫోన్లో 6 జి బి రామ్, 128 జీబీ ఇంటర్నల్ స్టోరేజ్ ఉంటాయి. Redmi Note 8 Proలో మాత్రం మీడియా టెక్ హీలియో G90T ప్రాసెసర్ వినియోగించబడే అవకాశం ఉంది.
పైన చెప్పిన వాటితో పాటు Realme X2 Pro కూడా డాల్బీ atmos surround sound ఎఫెక్ట్ తో డ్యూయల్ స్టీరియో స్పీకర్స్ కలిగి ఉండి, క్వాల్కమ్ స్నాప్డ్రాగన్ 855 ప్లస్ ప్రాసెసర్ ఆధారంగా పనిచేసే విధంగా విడుదల అయ్యే అవకాశాలు కనిపిస్తున్నాయి. ఇవి కాకుండా అప్పటికప్పుడు మరికొన్ని ఫోన్స్ కూడా అక్టోబర్ నెలలో విడుదల అయ్యే అవకాశం లేకపోలేదు.