Xiaomi సంస్థకు చెందిన Redmi Note 8 Pro, Redmi Note 7, Pocophone F1 మోడల్స్ ఉపయోగించేవారికి శుభవార్త. అనేక కొత్త సదుపాయాలతో కూడిన MIUI 12 Beta వెర్షన్ అందరికంటే ముందు మీరు ప్రయత్నించడం కోసం తాజాగా అవకాశం కలిగింది.
ఇండియా తో పాటు అనేక దేశాల్లో Mi Pilot Programలో భాగంగా MIUI 12ని మీ ఫోన్ లో ఇన్స్టాల్ చేసుకోవచ్చు. దీనికోసం మీరు ఈ లింక్ లో రిజిస్టర్ చేసుకోవాల్సి ఉంటుంది. కేవలం మొట్టమొదట రిజిస్టర్ చేసుకున్న వారికి మాత్రమే అవకాశం ఉంటుంది. దీంట్లో రిజిస్టర్ చేసుకోవడానికి కొన్ని అర్హతలు ఉండాలి. Xiaomi, Redmi, Poco సంస్థలకు చెందిన ఫోన్లు కలిగి ఉండాలి. కొత్త వెర్షన్ లో అందించబడిన సదుపాయాల గురించి, వాటి లోపాల గురించి ఫీడ్బ్యాక్ అందించడానికి సిద్ధంగా ఉండాలి. కొత్త వెర్షన్ ఇన్స్టాల్ చేసుకునే టప్పుడు తలెత్తే సాంకేతిక సమస్యల మీద అవగాహన కలిగి ఉండాలి. వాటికి పూర్తి బాధ్యత యూజరే వహించాలి. అలాగే Mi Account కలిగి ఉండాలి.
ఇంతకు ముందు చెప్పినట్లు ప్రస్తుతం కేవలం Redmi Note 8 Pro, Redmi Note 7, Redmi Note 7 Pro, Redmi Note 7S, and Pocophone F1 ఫోన్ లకు మాత్రమే ఈ MIUI 12 Beta program లభిస్తుంది. ఆసక్తి ఉన్న వారు వెంటనే అప్లై చేసుకోవచ్చు. ఈ కొత్త వెర్షన్ లో ప్రధానంగా యూజర్ల ప్రైవసీని కోసం మరింత పటిష్టమైన చర్యలు తీసుకోబడ్డాయి. మరింత ఆకర్షణీయంగా ఉండే డిజైన్ మరియు యానిమేషన్స్ కల్పించబడ్డాయి.
మల్టీటాస్కింగ్ కి అనుకూలంగా ఉండే విధంగా కొత్త ఆప్షన్స్ ప్రవేశపెట్టబడ్డాయి. అలాగే బ్యాటరీని మరింత అదా చేయడం కోసం కొన్ని చర్యలు తీసుకోబడ్డాయి. ఇప్పటికంటే మరింత మెరుగుపరచబడిన డార్క్ మోడ్ కూడా దీంట్లో మీరు చూడొచ్చు.