మీ phoneలో Mobile Data సేవ్ చేసుకోవడానికి ఈ ఆప్షన్స్ ఉపయోగించండి!

How to save mobile data on Android phone

ఊరికూరికే మీ mobile data ఖాళీ అయిపోతోందా? వాస్తవానికి మన ఫోన్లో ఇన్స్టాల్ చేయబడి ఉన్న కొన్ని అప్లికేషన్స్ మాత్రమే భారీ మొత్తంలో మొబైల్ డేటా వినియోగించుకుంటాయి. ఈ నేపథ్యంలో Android phoneలలో కొన్ని సెట్టింగ్స్ చేయటం ద్వారా మొబైల్ డేటా వినియోగం తగ్గించుకునే అవకాశం ఉంది.

దీనికోసం మీరు చేయాల్సిందల్లా Android Settingsలోకి వెళ్లి Network & Internet అనే విభాగంలోకి వెళ్లండి. ఒక్కో ఫోన్లో ఈ పేరు ఒక్కోలా ఉంటుంది. సరైన ఆప్షన్ సెలెక్ట్ చేసుకున్న తర్వాత, అక్కడ కనిపించే Data Saver అనే ఆప్షన్ సెలెక్ట్ చేసుకోండి. ఈ ఆప్షన్ సెలెక్ట్ చేసుకోవడం ద్వారా కొన్ని అప్లికేషన్స్ సర్వర్ నుండి మీ ఫోన్లోకి డేటా వచ్చే దశలోనే డేటా కంప్రెస్ చెయ్యబడి తక్కువ డేటా వినియోగించుకునే విధంగా జాగ్రత్త పడతాయి.

అలాగే App data usage అనే ఆప్షన్ సెలెక్ట్ చేసుకుంటే.. వెంటనే స్క్రీన్ మీద మీ ఫోన్లో ఇన్స్టాల్ చేయబడి ఉన్న వివిధ రకాల అప్లికేషన్స్ ఎంత మొత్తంలో డేటా వినియోగించుకుంటున్నాయి అన్నది చూపించబడుతుంది. దాంట్లో బ్యాక్ గ్రౌండ్ మరియు ఫోర్ గ్రౌండ్ అనే రెండు విభాగాలు ఉంటాయి. Background Data అనే దాన్ని డిజేబుల్ చేయటం ద్వారా అనవసరమైనప్పుడు సంబంధిత అప్లికేషన్స్ మొబైల్ డేటా వినియోగించుకోకుండా పరిమితి విధించవచ్చు.

ఒకవేళ మీ ఫోన్లో Unrestricted Data అనే ఆప్షన్ లభిస్తున్నట్లు అయితే దానిని కూడా డిజేబుల్ చేస్తే మరింత డేటా ఆదా అవుతుంది. దీంతోపాటు Google Play Storeలో లభించే No root firewall అనే అప్లికేషన్ ఉపయోగించడం ద్వారా, మీ ఫోన్లో ఇన్స్టాల్ చేయబడిన కొన్ని అప్లికేషన్లకు పూర్తిస్థాయిలో మొబైల్ డేటా డిజేబుల్ చేసే విధంగా ఏర్పాటు చేసుకోవచ్చు. ఇలా పలు పద్ధతులు అనుసరించడం ద్వారా భారీ మొత్తంలో మొబైల్ డేటా ఆదా చేసుకోవడానికి సాధ్యపడుతుంది.

గమనిక: Amazon, Flipkartలో లేటెస్ట్ డీల్స్, డిస్కౌంట్ పొందాలా? https://telegram.me/bestdealscera అనే ఛానెల్‌లో జాయిన్ అవండి. దీనికోసం మీ phoneలో Telegram యాప్ ఇన్‌స్టాల్ చేసుకుని ఆ లింక్ క్లిక్ చేయండి.

Computer Era
Logo