Amazon Great Indian Festival Sale ఈనెల 17వ తేదీ నుండి రాబోతున్న విషయం తెలిసిందే. దాదాపు నెల రోజుల పాటు ఈ సేల్ కొనసాగించబడుతుంది. దీనికి సంబంధించి అమెజాన్ పెద్ద స్థాయిలో ఏర్పాట్లు చేసింది.
6.5 లక్షల మంది అమ్మకందారులు ఈ సేల్‌లో తమ వస్తువులను విక్రయిస్తున్నారు. అన్ని విభాగాల్లో కలిపి నాలుగు కోట్ల ఉత్పత్తుల వరకు ఇందులో లభిస్తాయి. అలాగే దేశవ్యాప్తంగా వంద నగరాల్లో 20 వేలకు పైగా స్థానిక షాపులు ఈ ప్రత్యేకమైన సేల్‌లో పాలు పంచుకుంటున్నాయి. కేవలం పెద్దపెద్ద వస్తువులు మాత్రమే కాకుండా పండుగ సమయంలో నిత్యావసర వస్తువులు కూడా వేగంగా ఇంటికి అందజేసే విధంగా దేశవ్యాప్తంగా ఆ సంస్థ ఏర్పాట్లు చేస్తోంది.
ఇదిలా ఉంటే మరోవైపు smartphones, televisions, ఎలక్ట్రానిక్స్, హోమ్ అప్లయెన్సెస్, kitchen appliances, యాక్సెసరీస్ వంటి అన్ని విభాగాల్లో కలిపి 900 పైగా కొత్త ఉత్పత్తులను Amazon Great Indian Festival Saleలో రిలీజ్ చేస్తున్నారు. దేశంలోని అన్ని ప్రాంతాల వారు Amazon India సైట్లో ఉన్న వస్తువుల గురించి వారి సొంత భాషలో తెలుసుకునే విధంగా స్థానిక భాషా సపోర్ట్ కూడా ఇటీవల తీసుకురాబడింది. ఈ పండుగ సీజన్లో నవరాత్రి, దుర్గా పూజ, దంతేరస్, రాబోతున్న పెళ్లిళ్ల సీజన్ దృష్టిలో పెట్టుకొని వివిధ రకాల ఉత్పత్తులతో Amazon అలరించబోతోంది. వాటికి సంబంధించి ప్రత్యేకమైన సేల్ పేజీలు ఆయా సమయాల్లో దర్శనమిస్తాయి.
వినియోగదారులు ఆర్డర్ చేసిన ఉత్పత్తులను ఎప్పటికప్పుడు వేగంగా డెలివరీ చేయడం కోసం దేశవ్యాప్తంగా 200 వరకు డెలివరీ స్టేషన్స్, వేలాది మంది డెలివరీ పార్టనర్‌‌ని ఆ సంస్థ నియమించుకుంది. అక్టోబర్ 17 వ తేదీన మొదలయ్యే ఈ Amazon Great Indian Festival Saleని Amazon Prime సబ్స్క్రిప్షన్ కలిగి ఉన్న వినియోగదారులు ఒకరోజు ముందే, అంటే అక్టోబర్ 16 వ తేదీ నుండి వినియోగించుకోవచ్చు. “కంప్యూటర్ ఎరా” ఎప్పటికప్పుడు ఆకర్షణీయమైన deals గురించి మీకు సమాచారం అందిస్తుంది.
