Smart Plugలు ఈ మధ్యకాలంలో ఎక్కువగా వినియోగించబడుతున్నాయి. వివిధ సంస్థలకు చెందిన smart plugలు అందుబాటులో ఉన్నప్పటికీ Amazon సంస్థ కూడా Amazon Smart Plug ద్వారా ఈ విభాగంలో తన ఉత్పత్తిని విడుదల చేసింది. రూ. 1,999కి Amazonలో ఈ లింక్‌లో ఈ Amazon Smart Plugని కొనుగోలు చేయవచ్చు.
Amazon Smart Plug ద్వారా అప్పటివరకు మామూలుగా పనిచేసిన అన్ని రకాల విద్యుత్ ఉపకరణాలకు స్మార్ట్ సదుపాయాన్ని కల్పించవచ్చు. అంటే ఇకమీదట వాటిని మీ వాయిస్ ద్వారా కంట్రోల్ చేయొచ్చు, ఒక నిర్దిష్టమైన సమయంలో అవి ఆటోమేటిక్గా ఆన్ మరియు ఆఫ్ అయ్యేవిధంగా ఏర్పాటు చేసుకోవచ్చు. ఒకపక్క వైఫై ఆధారంగా పనిచేసే యూనివర్సల్ రిమోట్స్, స్మార్ట్ స్పీకర్లతో పాటు smart plugలు ఇప్పుడు లేటెస్ట్ ట్రెండ్!
డిజైన్
Amazon Smart Plug చూడడానికి మిగిలిన ఇతర 3-pin plugs మాదిరిగానే ఉంటుంది. దీని మీద ఎలాంటి యూఎస్బీ పోర్టులు ఉండవు. అయితే మాన్యువల్ గా ఆన్ మరియు ఆఫ్ చేసుకునే బటన్ ప్లగ్ మీద ఉంటుంది. అలాగే వై ఫై మరియు పవర్ స్టేటస్ తెలియజేయడానికి ఒక చిన్న LED ప్లగ్ పై భాగంలో ఉంటుంది. ఇది 6A కోవకు చెందిన ప్లగ్ కావడం వల్ల లైట్లు, మొబైల్ ఛార్జర్లు, రైస్ కుక్కర్లు, కెటెల్స్ వంటి ఉపకరణాలను మాత్రమే కనెక్ట్ చేసుకోవడం సాధ్యపడుతుంది. ఏసీ, గీజర్, రూమ్ హీటర్ వంటివాటిని దీనికి కనెక్ట్ చేయకూడదు.
ఈ Amazon Smart Plugని చాలా వేగంగా మరియు సులభంగా కనెక్ట్ చేసుకోవచ్చు. ఇతర కంపెనీలకు చెందిన మోడల్స్ సెట్ అప్ చేయడం చాలా కష్టంగా ఉంటుంది. ఈ విషయంలో అమెజాన్ కచ్చితంగా వినియోగదారుల పనిని సులభతరం చేసింది. సహజంగా అధికశాతం స్మార్ట్ ప్లగ్‌లను సెటప్ చెయ్యడానికి, మీ ఫోన్లో WiFi అనే విభాగంలోకి వెళ్లి, ఈ స్మార్ట్ ప్లగ్‌కి సంబంధించి కొత్తగా వచ్చే WiFi Hotspotకి ఫోన్‌ని కనెక్ట్ చేయాల్సి ఉంటుంది. ఈ తరుణంలో ప్రస్తుతం మీ యొక్క వైఫై పాస్ వర్డ్ అడగబడుతుంది. అది అయితే ఈ Amazon Smart Plug సెటప్ చెయ్యడం చాలా ఈజీ.
