త్వరలో విడుదల కాబోతున్న Android Nougat (7.0) ఆపరేటింగ్ సిస్టమ్‌లో ఓ గొప్ప సదుపాయం ప్రవేశపెట్టబడింది. ఈ సదుపాయం గురించి Google పబ్లిక్‌గా ప్రకటించకపోయినప్పటికీ తాజాగా లభించిన source code ఆధారాలు దీన్ని బయటపెట్టాయి. అదేంటో తెలుసుకునే ముందు అసలు సమస్య ఏమిటో మొదట చూద్దాం.
ఇటీవల Ransomware attacks అనేవి smartphone యూజర్లని ముప్పుతిప్పలు పెడుతున్న సంగతి తెలిసిందే కదా. ఏదో app రూపంలో మన ఫోన్‌లోకి download అయి.. మన phoneలోని photos, videos, ఇతర డేటా మొత్తాన్ని encrypt చేయడంతో పాటు lock screen pinని కూడా మార్చి వేసి అసలు మనం ఇక మన phoneని వాడడానికి వీల్లేని విధంగా ఈ Ransomware అటాక్‌లు కట్టడి చేస్తుంటాయి. తిరిగి ఆ డేటాని dercrypt చెయ్యాలన్నా, lock screen పాస్‌వర్డ్ తొలగించాలన్నా 200 నుండి 500 dollars వరకూ అంటే భారతీయ కరెన్సీలో దాదాపు 30 వేల వరకూ చెల్లిస్తేనే గానీ డేటాని తిరిగి ఇస్తామని అవి డిమాండ్ చేస్తాయి.
ఎంతో మంది తమ smartphoneలు ransomware బారిన పడ్డాయని మన “కంప్యూటర్ ఎరా” దృష్టికి తీసుకు వచ్చారు. రానురానూ అధికం అవుతున్న ఈ ransomware దాడుల నుండి తన యూజర్లకి రక్షణ కల్పించాలని Google భావించింది. అందుకే రాబోయే Android Nougat ఆపరేటింగ్ సిస్టమ్‌లో ఈ మేరకు ఓ కీలకమైన మార్పుని source codeలో చేసింది. Reset Password APIలో ఈ మార్పు చోటు చేసుకుంది. ఇంతకాలం ఇప్పటికే మీరు మీ smartphoneకి PIN గానీ, pattern గానీ lock సెట్ చేసుకుని ఉన్నా ransomware టూల్స్ దాన్ని రీసెట్ చేసి తాము కొత్త PIN, patternలను సెట్ చెయ్యగలుగుతాయి. అలా వాటిని మార్చడం ద్వారా మనం phone unlock చెయ్యకుండా అడ్డుకుంటూ ఉంటాయి.
