Gadgets

కొత్తగా Samsung Galaxy F41 రిలీజ్ కాబోతోంది, స్పెసిఫికేషన్స్ ఇతర వివరాలు ఇక్కడ!

Samsung Galaxy F41 specifications and price

Samsung సంస్థ ఈ మధ్యకాలంలో ఎప్పటికప్పుడు అనే కొత్త ఫోన్ మోడల్స్ మార్కెట్లో విడుదల చేస్తూ ఉంది. అదే క్రమంలో అక్టోబర్ 8వ తేదీన Samsung Galaxy F41ని ఇండియాలో విడుదల చేయడానికి సన్నాహాలు చేసింది.

Galaxy F41లో ప్రధానంగా చెప్పుకోదగ్గ అంశం 6000 mAh సామర్థ్యం కలిగిన బ్యాటరీ. అలాగే అద్భుతమైన దృశ్య నాణ్యత కలిగిన సూపర్ అమోల్డ్ డిస్ప్లే కూడా ఈ ఫోన్ లో లభిస్తుంది. Flipkart ద్వారా ఈ ఫోన్ మనకు లభిస్తుంది. Amazonలో ఎలాగైతే Galaxy M సిరీస్ ఫోన్లు ప్రత్యేకంగా లభిస్తూ ఉంటాయో, అదే విధంగా సాంసంగ్ సంస్థకు చెందిన సరికొత్త F సిరీస్ ఫోన్లు పూర్తిగా ఫ్లిప్కార్ట్ లో అందుబాటులో ఉంటాయి.

మధ్యస్థాయి ఫోన్లకు ప్రాతినిధ్యం వహిస్తూ శాంసంగ్ సంస్థ కొత్తగా తీసుకువస్తున్న సిరీస్‌గా Fని భావించవచ్చు. ప్రాథమిక సమాచారం ప్రకారం ఈ ఫోన్ వెనుక భాగంలో మూడు కెమెరాలు లభిస్తాయి. వాటిలో ప్రైమరీ కెమెరా 64 megapixel రిసల్యూషన్ కలిగి ఉంటుంది. అలాగే ఫోన్ ముందు భాగంలో 32 మెగాపిక్సల్ సెల్ఫీ కెమెరా ఉంటుంది. అయితే ఈ వివరాలు నిర్ధారణ కావలసి ఉంది. వాస్తవానికి కొంత కాలం క్రితం గూగుల్ ప్లే కన్సోల్ లిస్టింగ్ లో ఈ Samsung Galaxy F41కి సంబంధించిన కొన్ని వివరాలు వెలుగులోకి వచ్చాయి. వాటి ప్రకారం చూస్తే, ఈ ఫోన్లో సాంసంగ్ ఎగ్జినోస్ 9611 ప్రాసెసర్ ఉపయోగించబడి ఉంటుంది.

స్క్రీన్ రిజల్యూషన్ విషయానికొస్తే 1080×2340 పిక్సెళ్ల ఫుల్ హెచ్డి ప్లస్ రిసల్యూషన్‌‌తో ఈ ఫోన్ మనకు లభిస్తుంది. ఈ మోడల్లో 6 జి బి రామ్ పొందుపరచబడి ఉంటుంది. ఫోన్ వెనుక భాగంలో 64 మెగాపిక్సల్ కెమెరా తో పాటు 8 మరియు 5 మెగా పిక్సెల్ రిసల్యూషన్ కలిగిన మరో రెండు కెమెరాలు కూడా ఉంటాయి. usb type c port, 3.5 mm హెడ్ఫోన్ జాక్ ఈ ఫోన్ లో లభిస్తాయి. 6.4 అంగుళాల స్క్రీన్ పరిమాణం ఉంటుందని తెలుస్తోంది. 15,999 రూపాయలకి ఈ Galaxy F41 లభిస్తుందని ఓ అంచనా!

Redmi 9i అమ్మకాలు ఈరోజు జరుగుతున్నాయి.. స్పెసిఫికేషన్స్ మరియు ఇతర వివరాలు!

Redmi 9i sale on flipkart specifications

బడ్జెట్ వినియోగదారులను దృష్టిలో పెట్టుకొని Xiaomi సంస్థ భారతీయ మార్కెట్లో విడుదల చేసిన Redmi 9i smartphone అమ్మకాలు ఈరోజు మధ్యాహ్నం 12 గంటలకు Flipkartలో ఈ లింక్‌లో జరగబోతున్నాయి. ఆ ఫోన్ కి సంబంధించిన పూర్తి విశేషాలు ఇక్కడ చూద్దాం.

Redmi 9iలో అన్నిటికంటే ప్రారంభ మోడల్ 8299 రూపాయలకు లభిస్తుంది. దీంట్లో 4జిబి ర్యామ్, 64 జీబీ ఇంటర్నల్ స్టోరేజ్ ఉంటాయి. 4జిబి ర్యామ్, 128 జీబీ ఇంటర్నల్ స్టోరేజ్ కలిగిన మోడల్ విషయానికొస్తే 9299 వెచ్చించాల్సి ఉంటుంది. యాక్సిస్ బ్యాంక్ క్రెడిట్ కార్డు వాడే వారికి ఐదు శాతం అన్లిమిటెడ్ క్యాష్ బ్యాక్ లభిస్తుంది. ఎక్స్చేంజ్ ద్వారా 7750 రూపాయలకు ఈ ఫోన్ కొనుగోలు చేయొచ్చు.

Redmi 9i స్పెసిఫికేషన్స్ విషయానికొస్తే, 6.53 అంగుళాల ఎల్సీడీ డిస్ప్లే, సెల్ఫీ కెమెరా కోసం water drop notch, 1,600×720 పిక్సెల్ రిసల్యూషన్ కలిగిన డిస్ప్లే, 270 nits గరిష్ట బ్రైట్నెస్ ఈ ఫోన్ లో మనకు లభిస్తాయి. అలాగే ఇందులో మీడియా టెక్ హీలియో G25 ప్రాసెసర్ ఉపయోగించబడింది. ఇది ఆక్టా-కోర్ ప్రాసెసర్. ఫోన్ వెనుక భాగంలో 13 మెగాపిక్సల్ కెమెరా ఉంటుంది. ఇది f/2.2 apertureని కలిగి ఉంటుంది. సెల్ఫీల కోసం ఫోన్ ముందు భాగంలో 5 మెగా పిక్సల్ కెమెరా లభిస్తుంది.

5000 mAh కెపాసిటీ కలిగిన బ్యాటరీతో Redmi 9i రూపొందించబడింది. 10W ఫాస్ట్ ఛార్జింగ్ సపోర్ట్ కలిగి ఉన్న ఈ ఫోన్లో MIUI 12 ఆధారంగా ఆండ్రాయిడ్ 10 ఆపరేటింగ్ సిస్టం లభిస్తుంది. గరిష్టం 512 gb వరకు స్టోరేజ్ సపోర్ట్ చేసే మెమరీ కార్డు సపోర్ట్, 4G VoLTE, బ్లూటూత్ 5.0, 3.5 ఎంఎం ఆడియో జాక్, మైక్రో యూఎస్బీ పోర్ట్ బండి ఎర్ర సదుపాయాలు కలిగిన Redmi 9i మిడ్‌నైట్ బ్లాక్, సీ బ్లూ, నేచర్ గ్రీన్ అనే మూడు రంగుల్లో లభిస్తుంది.

Moto E7 Plus ఫోన్ ఈ రోజు విడుదలైంది.. స్పెసిఫికేషన్స్, ఇతర వివరాలు ఇక్కడ!

తక్కువ బడ్జెట్ లో smartphone కొనాలనుకుంటున్న వినియోగదారుల కోసం మోటరోలా సంస్థ ఈరోజు భారతీయ మార్కెట్లో Moto E7 Plus ఫోన్ విడుదల చేసింది.

9499 రూపాయలకు ఈ ఫోన్ లభిస్తుంది. దీంట్లో ప్రత్యేకంగా చెప్పుకోదగ్గ అంశం, ఎలాంటి కస్టమైజేషన్ లేకుండా స్టాక్ ఆండ్రాయిడ్ ఆపరేటింగ్ సిస్టం లభించటం! అలాగే 5000 mAh సామర్ధ్యం కలిగిన బ్యాటరీ కూడా దీంట్లో లభిస్తుంది. 6.5 అంగుళాల హెచ్డి ప్లస్ డిస్ప్లే తో, 1,600×710 రిసల్యూషన్ కలిగి ఉండి, 20:9 aspect ratioతో ఈ ఫోన్ రూపొందించబడింది. సెల్ ఫోన్ ముందు భాగంలో సెల్ఫీ కెమెరా కోసం ప్రత్యేకంగా notch అమర్చబడి ఉంటుంది. క్వాల్కమ్ స్నాప్డ్రాగన్ 460 మొబైల్ ప్రాసెసర్ ఆధారంగా పనిచేసే ఈ ఫోన్, కేవలం ఒకే ఒక కాన్ఫిగరేషన్ లో లభిస్తుంది. 4gb ram, 64 జీబీ ఇంటర్నల్ స్టోరేజ్ కలిగిన మోడల్ ఇది. అదనంగా స్టోరేజ్ కావాలంటే, మెమరీ కార్డు ద్వారా 512gb వరకు పొందొచ్చు.

Android 10 స్టాక్ ఆపరేటింగ్ సిస్టమ్ ఆధారంగా ఈ ఫోన్ పని చేస్తుంది. వాస్తవానికి దాదాపు అన్ని మోటరోలా ఫోన్స్ లో ఇలా స్టాక్ ఆపరేటింగ్ సిస్టం వాడబడుతుంది. ఫోన్ వెనుక భాగంలో రెండు కెమెరాలు లభిస్తాయి. 48 మెగా పిక్సల్ ప్రైమరీ కెమెరా f/1.7 అపెర్చర్ కలిగి ఉంటుంది. సెకండరీ కెమెరా 2 మెగా పిక్సల్ డెప్త్ సెన్సార్ కలిగి ఉంటుంది.

ఫోన్ ముందు భాగంలో 8 మెగాపిక్సల్ సెల్ఫీ కెమెరా ఉంటుంది. కనెక్టివిటీ విషయానికొస్తే 4G LTE, VoLTE, WiFi, బ్లూటూత్ 5.0, మైక్రో యూఎస్బీ పోర్ట్ వంటి సదుపాయాలతో ఇది లభిస్తుంది. 5000mAh సామర్ధ్యం కలిగిన బ్యాటరీ, 10 వాట్స్ ఛార్జర్ దీంట్లో వస్తాయి. ఫింగర్ ప్రింట్ సెన్సార్, ప్రాక్జిమిటీ సెన్సార్ం యాంబియంట్ లైట్ సెన్సార్ వంటి వివిధ రకాల సెన్సార్లు దీంట్లో ఉంటాయి. సెప్టెంబర్ 30 మధ్యాహ్నం 12 గంటల నుండి Flipkartలో ఈ Moto E7 Plus ఫోన్ అమ్మకానికి లభిస్తుంది.

కొత్త మోడల్ Mi Power Bank 3i రిలీజైంది.. పూర్తి స్పెసిఫికేషన్స్ ఇక్కడ!

Mi Power Bank 3i specifications and price

10000mAh మరియు 20000mAh కెపాసిటీ కలిగిన Mi పవర్ బ్యాంకులు ఇండియాలో లాంఛ్ చేశారు. రెండు పవర్ బ్యాంకులూ USB type C మరియు మైక్రో USB పోర్టుల ద్వారా డ్యూయల్ ఇన్పుట్ సౌకర్యాన్ని కలిగి ఉంటాయి. రెండు పవర్ బ్యాంకులు కూడా 18 వాట్స్ ఫాస్ట్ ఛార్జింగ్ మరియు 12 లేయర్ సర్క్యూట్ ప్రొటెక్షన్ కలిగి ఉండటంతోపాటు స్మార్ట్ పవర్ మేనేజ్మెంట్ కూడా చేయగలవు.
10000mAh కెపాసిటీ కలిగిన పవర్ బ్యాంక్ ధర Rs.899 రూపాయలకి Amazon ద్వారా ఈ లింక్‌లో లభిస్తుంది. ఇది బ్లాక్ మరియు బ్లూ కలర్ ఆప్షన్స్ తో అందించబడుతుంది. 20000 mAh కెపాసిటీ కలిగిన పవర్ బ్యాంకు ధర Rs.1499 కలిగి ఉండి సింగిల్ బ్లాక్ కలర్ లో మాత్రమే లభ్యమవుతుంది. దీన్ని కూడా Amazonలో ఈ లింకులో కొనుగోలు చేయొచ్చు.

USB టైప్ C కేబుల్ తో వచ్చే స్మార్ట్ ఫోన్ లకు USB టైప్ C పోర్ట్ ద్వారా వచ్చే అవుట్ పుట్ సోర్స్ రెట్టింపు అవుతుంది. 20000 mAh కెపాసిటీ కలిగిన Mi పవర్ బ్యాంక్ 3i లో మూడు అవుట్ పుట్ పోర్టులు ఉండగా 10000 mAh కెపాసిటీ కలిగిన పవర్ బ్యాంక్ రెండు అవుట్ పుట్ పోర్టులు అందిస్తుంది.
వినియోగదారులు Mi Power Bank 3i ద్వారా 2-way fast chargingనీ పొందొచ్చు. ఒకేసారి పవర్ బ్యాంకు తో పాటు మరొక డివైస్ ని కూడా ఛార్జ్ చేయడానికి వీలు ఉంటుంది.

దీని అల్యూమినియం కేసు అధిక దృఢత్వం కలిగి ఉండి వత్తిడిని తగ్గిస్తుంది.దీని ఏర్గొనామిక్ ఆర్క్ డిజైన్ మరియు ఫినిషింగ్ వలన చెమట ద్వారా తుప్పు పట్టకుండా కాపాడుతుంది. ఇది లిథియం పాలిమర్ బ్యాటరీలను కలిగి ఉండడం వలన లిథియం ఐయాన్ బ్యాటరీ లతో పోలిస్తే ఇవి సమర్థవంతంగా పనిచేస్తాయి, అంతే కాదు, సురక్షితమైనవి కూడా!

బ్లూటూత్ ఇయర్ ఫోన్స్, ఫిట్నెస్ బ్యాండ్ మొదలైన వాటిని ఛార్జ్ చేయడానికి దీని పవర్ బటన్ ను డబల్ టాప్ చేయడం ద్వారా low power mode లోకి మార్చు కునే అవకాశం కలిగి ఉంది.10000mAh కెపాసిటీ కలిగిన పవర్ బ్యాంక్ ని పూర్తిగా ఛార్జ్ చేయడానికి నాలుగు గంటలు మరియు 20000 mAh కెపాసిటీ కలిగిన పవర్ బ్యాంక్ ని పూర్తిగా ఛార్జ్ చేయడానికి ఏడు గంటలు పడుతుంది.
Xiaomi సబ్ బ్రాండ్ అయిన Redmi కూడా ఫిబ్రవరిలో లాంచ్ చేసిన 20000mAh కెపాసిటీ కలిగిన పవర్ బ్యాంక్ ధర ను Rs.1499 నుండి Rs.1399 కి తగ్గించింది.

మాధవి పెద్దింటి

Realme Narzo 20, Narzo 20 Pro, Narzo 20A ఈరోజు మార్కెట్లో విడుదల.. స్పెసిఫికేషన్స్ ఇవి!

Realme సంస్థ ఈ రోజు Narzo 20, Narzo 20 Pro, Narzo 20A అనే మూడు మోడల్స్ మార్కెట్లో విడుదల చేయబోతోంది. ఈరోజు మధ్యాహ్నం 12:30 కు జరిగే ఒక ఈవెంట్లో ఇవి విడుదలవుతాయి. శక్తివంతమైన గేమింగ్ ప్రాసెసర్, ఆకర్షణీయమైన డిజైన్ తో ఈ ఫోన్లు వస్తాయని ఆ సంస్థ వెల్లడించింది.

ప్రాథమిక సమాచారం ప్రకారం Realme Narzo 20A ఫోన్ 8,999 రూపాయలకు, Relame Narzo 20ని 12,999 రూపాయలకు, Narzo 20 Proని 16,999 రూపాయలకి అందించే అవకాశం ఉంది.

Realme Narzo 20 Pro స్పెసిఫికేషన్స్

Realme Narzo 20 Proలో 6.5 అంగుళాల ఫుల్ హెచ్డి ప్లస్ డిస్ప్లే, 90 Hz రిఫ్రెష్‌రేట్ ఉంటాయని తెలుస్తోంది. ఫోన్ వెనుక భాగంలో 48 megapixel ప్రైమరీ కెమెరా తో పాటు, 8 మెగా పిక్సల్ ఆల్ట్రా వైడ్ కెమెరా, 2 మెగా పిక్సల్ బ్లాక్ అండ్ వైట్ portrait lens, 2 మెగా పిక్సల్ మాక్రో లెన్స్ ఉంటాయి. 4500 ఎంఏహెచ్ సామర్థ్యం కలిగిన బ్యాటరీతో, 65W ఫాస్ట్ ఛార్జింగ్ సపోర్ట్ ఇది కలిగి ఉంటుంది.

మిగతా రెండు ఫోన్ ల వివరాలు

బేసిక్ మోడల్ అయిన Realme Narzo 20Aలో 6.5 అంగుళాల lcd డిస్ప్లే, HD+ రిసల్యూషన్, 89.8 శాతం స్క్రీన్ టు బాడీ రేషియో, ఫోన్ వెనుక భాగంలో 12 మెగాపిక్సల్ ప్రైమరీ కెమెరా, 2 మెగా పిక్సల్ బ్లాక్ అండ్ వైట్ డాన్స్, 2 మెగా పిక్సల్ మాక్రో లెన్స్ ఉంటాయి. సెల్ఫీల కోసం 8 మెగాపిక్సల్ కెమెరా ఉంటుంది. స్నాప్ డ్రాగన్ 665 ప్రాసెసర్ ఆధారంగా పనిచేసే ఈ ఫోన్లో 4జిబి ర్యామ్, 64 జీబీ ఇంటర్నల్ స్టోరేజ్ ఈ ఉంటాయి. 5000 mAh సామర్థ్యం కలిగిన బ్యాటరీ, 10 వాట్స్ ఫాస్ట్ ఛార్జింగ్ సపోర్ట్ ఉంటాయి.

Realme Narzo 20లో 6.5 అంగుళాల హెచ్డి ప్లస్ డిస్ప్లే, ఫోన్ వెనుక భాగంలో 48 megapixel ప్రైమరీ కెమెరా, 8 మెగా పిక్సల్ ultrawide కెమెరా, 2 మెగా పిక్సల్ మాక్రో లెన్స్ లభిస్తాయి. దీంట్లో మీడియా టెక్ హీలియో G85 ప్రాసెసర్, 4జిబి ర్యామ్, 128 జీబీ ఇంటర్నల్ స్టోరేజ్, 6000 mAh సామర్థ్యం కలిగిన బ్యాటరీ, 18W ఫాస్ట్ ఛార్జింగ్ సపోర్ట్ ఉంటాయి.