Uncategorized

రేపటినుండి ఫ్లిప్కార్ట్ మొబైల్ బొనాంజా సేల్‌లో ఆఫర్లు ఇవి!

Flipkart ఫిబ్రవరి 19 నుండి ప్రారంభించబోతున్న మొబైల్ బొనాంజా సేల్ లో భాగంగా ఇప్పటికే బాగా పాపులర్ అయిన అనేక ఫోన్ల మీద పెద్ద మొత్తంలో డిస్కౌంట్ లో లభించబోతున్నాయి.

యాక్సిస్ బ్యాంక్ డెబిట్ మరియు క్రెడిట్ కార్డులు వాడేవారికి 10% instant discount లభించబోతోంది. ఈ సేల్‌లో భాగంగా Realme 2 Pro ఫోన్ మోడల్ కి 1000 రూపాయలు శాశ్వతంగా ధర తగ్గించబడుతుంది. క్వాల్కమ్ స్నాప్డ్రాగన్ 660 ప్రాసెసర్ ఆధారంగా పనిచేసే ఈ ఫోన్ 4GB RAM కలిగిన మోడల్ ప్రస్తుతం కేవలం 11,990కి మాత్రమే లభిస్తుంది. 6.3 అంగుళాల Full HD+ స్క్రీన్ రిజల్యూషన్ తో వెనుక భాగంలో 16 మరియు 2 మెగాపిక్సల్ కెమెరాలు, ముందు భాగంలో 16 megapixel సెల్ఫీ కెమెరా దీనికి ఉంటాయి. 4,230 mAh కెపాసిటీ కలిగిన బ్యాటరీ దీంట్లో ఉంటుంది.

ఇకపోతే, డిసెంబర్ 2018 భారతీయ మార్కెట్లో విడుదలైన Redmi Note 6 Pro ధర 1000 రూపాయలు తగ్గించబడి, ప్రస్తుతం కేవలం 12,999 రూపాయలకు మాత్రమే లభిస్తుంది. ఫిబ్రవరి 28వ తేదీన Redmi Note 7 విడుదల కాబోతున్న తరుణంలో ఈ డిస్కౌంటు చోటు చేసుకోవడం గమనార్హం. 6.26 అంగుళాల Full HD+ డిస్ప్లేతో, క్వాల్కమ్ స్నాప్డ్రాగన్ 636 ప్రాసెసర్ ఆధారంగా పని చేస్తూ, 4GB RAM, 64 GB ఇంటర్నల్ స్టోరేజ్ కలిగిన మోడల్ ఇది. Android Oreo ఆపరేటింగ్ సిస్టమ్ ఆధారంగా పనిచేసే ఈ ఫోన్లో 4000 mAh కెపాసిటీ కలిగిన బ్యాటరీ లభిస్తుంది.

వీటితోపాటు భారతీయ మార్కెట్లో బాగా అమ్ముడుపోతున్న Asus Zenfone Max Pro M1 ఫోన్ 2,500 రూపాయల డిస్కౌంట్ పోనూ రేపటినుండి 8,499 రూపాయలకు లభిస్తుంది. 5.99 అంగుళాల Full HD+ డిస్ప్లేతో, క్వాల్కమ్ స్నాప్డ్రాగన్ 636 processor ఆధారంగా పనిచేసే ఈ ఫోన్లో 3GB, 4GB, 6 GB RAM కలిగిన మూడు మోడళ్లు లభిస్తున్నాయి. అలాగే Asus Zenfone Max Pro M2 మోడల్ కేవలం 11999 రూపాయలకు లభిస్తుంది. 6.26 అంగుళాల డిస్ప్లేతో, క్వాల్కమ్ స్నాప్డ్రాగన్ 660 ప్రాసెసర్ ఆధారంగా ఇది పనిచేస్తుంది. ఈ ఫోన్ వెనుక భాగంలో 12 మరియు 5, ముందు భాగంలో 13 మెగాపిక్సల్ కెమెరాలు ఉంటాయి. 5000 mAh కెపాసిటీ కలిగిన బ్యాటరీ దీంట్లో ఉంటుంది.

Vivo V9 Pro ఫోన్ కూడా ఫ్లిప్కార్ట్ మొబైల్ బొనాంజా సేల్‌లో భాగంగా డిస్కౌంట్ ధరకి లభిస్తుంది. 13,990 రూపాయల విలువ కలిగిన ఈ ఫోన్ ప్రస్తుతం కేవలం 12,490 రూపాయలకి మాత్రమే అందుబాటులో ఉంది. 6.3 అంగుళాల Full HD+ డిస్ప్లేతో, 4GB RAM, 64 GB ఇంటర్నల్ స్టోరేజ్ కలిగిన ఈ ఫోన్లో, వెనుక భాగంలో 13 మరియు 2, ముందు భాగంలో 16 మెగాపిక్సల్ కెమెరాలు ఉంటాయి. 3,260 mAh కెపాసిటీ కలిగిన బ్యాటరీ దీంట్లో ఉంటుంది.

Xiaomi Poco F1 ఫోన్ కూడా ఐదు రోజులపాటు నిర్వహించబడే ఈ సేల్‌లో 17,999 రూపాయలకు మాత్రమే లభిస్తుంది. Honor 9N మోడల్ 8,499 రూపాయలకీ, Realme C1 (2019) మోడల్ 7,499 రూపాయలకీ, Motorola One Power మోడల్ 13,999 రూపాయలకీ, Nokia 5.1 Plus మోడల్ 8,999కీ, Samsung Galaxy S8 మోడల్ 30,990 రూపాయలకీ లభించబోతోంది. అలాగే Oppo F9 Pro మోడల్ కేవలం 21,990 రూపాయలకే లభిస్తుంది.

ACT Fibernet వినియోగదారులకు శుభవార్త.. ఇప్పుడు అదనంగా 100 GB డేటా!

హైదరాబాద్, విజయవాడ వంటి నగరాల్లో ACT Fibernet బ్రాడ్ బ్యాండ్ కనెక్షన్ వాడుతున్న వినియోగదారులకు శుభవార్త.

దేశవ్యాప్తంగా 16 నగరాల్లో సేవలు అందిస్తున్న ఈ సంస్థ, తాజాగా తన వినియోగదారులందరికీ 100 GB అదనపు బ్రాడ్బ్యాండ్ డేటా ఇవ్వడం మొదలు పెట్టింది. అయితే ఇక్కడ గుర్తుపెట్టుకోవల్సిన విషయం, ఇది కేవలం నెల రోజులకు మాత్రమే వర్తిస్తుంది. మీరు ఎలాంటి పనులు ఉన్నప్పటికీ, ప్రస్తుతం మీకు మీ ప్లాన్ ద్వారా లభిస్తున్న నెలవారీ ఫెయిర్ యూసేజ్ లిమిట్ డేటాకి అదనంగా ఈ 100 GB క్రెడిట్ చేయబడుతుంది.

ఇది ఇప్పటికే మీకు వచ్చిందో లేదో చెక్ చేసుకోవాలంటే కనుక ఒకసారి మీ ఫోన్ లో ACT Fibernetకి సంబంధించిన మొబైల్ అప్లికేషన్ ఓపెన్ చేసి అందులో మీ అకౌంట్లోకి లాగిన్ అయ్యి చెక్ చేసుకోవచ్చు. ఉదాహరణకి మీరు 1050 రూపాయల ప్లాన్ వినియోగిస్తూ ఉన్నట్లయితే, దాని ద్వారా మీకు లభించే 750 GB డేటా కి బదులుగా, ప్రస్తుతం 850 GB డేటా లభిస్తుంది. ప్రస్తుతానికి ఇది కేవలం ఒక నెల రోజులకు మాత్రమే ఇది వర్తిస్తున్నప్పటికీ ఇది మరి కొన్ని నెలలపాటు పొడిగించ బడే అవకాశాలు కూడా లేకపోలేదు.

ఒకపక్క రిలయన్స్ జియో గిగాఫైబర్ ఇంటర్నెట్ కనెక్టివిటీ అందరికీ అందుబాటులోకి రాబోతున్న నేపథ్యంలో, ఇప్పటికే బ్రాడ్బ్యాండ్ మార్కెట్లో సుదీర్ఘకాలంగా సేవలందిస్తున్న పలు సంస్థలు తమ వినియోగదారులను మరింతగా ఆకట్టుకోవడం కోసం కొత్త ఎత్తుగడలు వేస్తున్నాయి. అందులో భాగంగా రాబోయే ఐదు నెలల పాటు అనేక ఆకర్షణీయమైన ఆఫర్లు లభిస్తాయనటంలో సందేహమే లేదు.

అయితే ఇక్కడ ప్రధానంగా గుర్తుపెట్టుకోవల్సిన విషయం, అదనపు బ్రాడ్బ్యాండ్ డేటా అందించబడినప్పటికీ, సగటున దేశవ్యాప్తంగా అధిక శాతం మంది బ్రాడ్బ్యాండ్ వినియోగదారులు తమకు ఆల్రెడీ వస్తున్న డేటాలో సగం కూడా సరిగా వినియోగించుకోవడం లేదని తెలుస్తోంది. ఈ నేపథ్యంలో అదనపు డేటా ఎంతవరకు ఉపయోగపడుతుందో చూడాలి.

జనాల్ని బురిడీ కొట్టిస్తున్న 10 ఫేక్ GPS ఆండ్రాయిడ్ యాప్స్ ఇవి!

తెలియని కొత్త ప్రదేశానికి వెళ్లాలనుకున్నప్పుడు, రూట్ కోసం చాలామంది జీపీఎస్ అప్లికేషన్లు వాడుతూ ఉంటారు. దీనికోసం అధిక శాతం ఉంది గూగుల్ మ్యాప్స్ వాడడం సహజం.

అయితే మరికొంతమంది, అంత కన్నా భిన్నమైన అప్లికేషన్లు ఏమైనా ఉన్నాయేమో పరిశీలిద్దామని గూగుల్ ప్లే స్టోర్ లో అనేక ఇతర అప్లికేషన్లు డౌన్లోడ్ చేసుకుని ఇన్స్టాల్ చేస్తూ ఉంటారు. అయితే ఇలాంటి థర్డ్-పార్టీ యాప్స్ అన్ని సురక్షితమైనవి కాదు. తాజాగా గూగుల్ ప్లే స్టోర్ లో చలామణి అవుతున్న పది ఫేక్ జిపిఎస్ యాప్స్‌ని ప్రముఖ సెక్యూరిటీ సంస్థ ESET వెలుగులోకి తీసుకువచ్చింది.

ఇవి పేరుకి పూర్తిస్థాయి అప్లికేషన్లుగా స్క్రీన్ షాట్ లను ప్రదర్శించి వినియోగదారులను ఆకర్షిస్తున్నాయి. అయితే వాటిని ఇన్స్టాల్ చేసుకున్న వారికి, చీటికిమాటికి స్క్రీన్ మీద అడ్వర్టైజ్మెంట్లు చూపించడంతో పాటు, స్వయంగా ఎలాంటి మ్యాప్ సదుపాయం కలిగి లేకపోవడం గమనార్హం. దీనికి బదులుగా గూగుల్ మ్యాప్ API ఆధారంగా యాప్ ఓపెన్ చేసిన కొద్దిసేపటి తర్వాత బ్యాక్ గ్రౌండ్ లో గూగుల్ మ్యాప్స్ ఓపెన్ చేసి, దానిద్వారా నావిగేషన్ చూపిస్తున్నాయి.

గూగుల్ ప్లేస్టోర్ నియమాల ప్రకారం, ఇలా వేరే యాప్ APIని దాన్ని అనుమతి లేకుండా యాక్సెస్ చేయడం నిషిద్ధం. ఇక్కడ మరో విషయం ఏమిటంటే ఈ యాప్స్‌ని డెవలప్ చేసినది అధిక శాతం మంది భారతీయులు కావడం విశేషం. అవి ఫేక్ జిపిఎస్ అప్లికేషన్లు అన్న విషయం తెలియక చాలా మంది వినియోగదారులు వాటిని రేటింగ్ కూడా ఇస్తున్నారు, రివ్యూలూ రాస్తున్నారు. ప్రస్తుతానికి ఈ యాప్స్ గూగుల్ ప్లే స్టోర్ లో కొనసాగుతూనే ఉన్నాయి. గూగుల్ సంస్థ రాబోయే ఒకటి రెండు రోజుల్లో వీటిని తొలగించే అవకాశం ఉంది.

ఆ నకిలీ అప్లికేషన్ల పేర్లు ఇవి:

మైక్రోసాఫ్ట్ విండోస్ ఇక మరింత స్మూత్‌గా! కొత్త ఫీచర్ ఇది!

చాలా మందికి తెలియని విషయం విండోస్ ఆపరేటింగ్ సిస్టం సక్రమంగా పనిచేయాలంటే, మన కంప్యూటర్లో తప్పనిసరిగా తగిన మొత్తంలో ఖాళీ స్థలం ఉండాలి. అది కూడా విండోస్ ఇన్స్టాల్ చేయబడి ఉన్న C డ్రైవ్‌లో వీలైనంత ఎక్కువ ఖాళీ స్థలం ఉండాలి. అయితే అనేకమంది తెలిసీ తెలియక C డ్రైవ్‌లో ఇష్టమొచ్చినట్లు డేటాను store చేస్తూ దాన్ని నింపేస్తుంటారు.

ఈ నేపథ్యంలో స్టోరేజ్ స్పేస్ తగ్గిపోయే కొద్దీ పరోక్షంగా విండోస్ పనితీరు తగ్గిపోతూ ఉంటుంది. దీన్ని దృష్టిలో ఉంచుకుని మైక్రోసాఫ్ట్ తాజాగా ఓ కీలకమైన మార్పు చేసింది. Windows 10 వెర్షన్ 1903 మొదలుకొని, ఇకపై ఆపరేటింగ్ సిస్టంలో 7 GB స్థలం యూజర్లతో ప్రమేయం లేకుండా ప్రత్యేకంగా రిజర్వ్‌డ్ స్టోరేజ్ గా పరిగణించబడుతుంది. ఇది పూర్తిగా ఆపరేటింగ్ సిస్టం కోసమే వాడబడుతుంది.

ఏం స్టోర్ చేస్తారు?

7 GB మైక్రోసాఫ్ట్ తీసుకుంటోంది సరే, అందులో ఎలాంటి డేటా స్టోర్ చేయబడుతుంది అనే సందేహం మీకు ఆల్రెడీ వచ్చి ఉండవచ్చు. మైక్రోసాఫ్ట్ సంస్థ ఎప్పటికప్పుడు విడుదల చేసే విండోస్ అప్డేట్లు ఎలాంటి ఇబ్బంది లేకుండా కంప్యూటర్లో స్మూత్ గా ఇన్స్టాల్ అయ్యేవిధంగా, టెంపరరీ ఫైల్స్, క్యాఛే, ఇతర ముఖ్యమైన విండోస్ ఫంక్షన్లకు ఈ స్పేస్ ఉపయోగించబడుతుంది. విండోస్ ఆపరేటింగ్ సిస్టంలో మీరు ఇన్స్టాల్ చేసుకునే అదనపు ఆప్షనల్ ఫీచర్లు, ఇన్స్టాల్ చేయబడిన లాంగ్వేజ్‌లను బట్టి ఈ స్పేస్ మారుతూ ఉంటుంది. వినియోగదారులు ఎట్టి పరిస్థితుల్లోనూ ఈ రిజర్వ్‌డ్ స్పేస్ తొలగించటానికి వీలు లేదు.

ఇకపోతే విండోస్ ఎప్పటికప్పుడు రిజర్వ్‌డ్ స్పేస్‌లో స్టోర్ చేయబడిన ఫైళ్లని పరిశీలిస్తూ, వాటిలో అవసరం లేని వాటిని తొలగిస్తూ ఉంటుంది. అలాగే అవసరమైన కొత్త వాటిని సేవ్ చేస్తూ ఉంటుంది. ఆల్రెడీ విండోస్ ఇన్స్టాల్ చేయబడిన కంప్యూటర్లలో ప్రస్తుతానికి రిజర్వ్‌డ్ స్పేస్ తీసుకోబడదు. ఒకవేళ మీరు ఏదైనా కంప్యూటర్ లో Windows 10 వెర్షన్ 1903 కొత్తగా ఇంస్టాల్ చేయబోతున్నట్లయితే అప్పుడు మాత్రమే మీ అనుమతి తో సంబంధం లేకుండా అదనంగా 7GB reserved space వాడుకోబడుతుంది.

జనాల్ని గాయాలకు గురి చేస్తున్న తాజా బర్డ్ బాక్స్ ఛాలెంజ్

మంచి విషయాలు ఉద్దేశించబడిన ఛాలెంజ్ ల గురించి చాలామంది పెద్దగా పట్టించుకోవటం లేదు కానీ ప్రమాదకరమైన వాటి పట్ల మాత్రం చాలా సులభంగా ఆకర్షితులవుతున్నారు. Bluewhale challenge, MoMo Challenge, KiKi Challenge వంటివి గుర్తుండే ఉంటాయి. ఇప్పుడు తాజాగా బర్డ్ బాక్స్ ఛాలెంజ్ అనే మరో ఛాలెంజ్ జనాల్ని గాయాలకు గురిచేస్తోంది.

Bird Box Challenge అంటే?

Bird Box అనే సినిమాని ఇన్స్పిరేషన్‌గా తీసుకొని డిజైన్ చేయబడినదే Bird Box Challenge. ఈ సినిమా NetFlixలో టెలికాస్ట్ చేయబడింది. Bird Box సినిమాలో ఒక కుటుంబం ప్రమాదకరమైన ప్రయాణం చేస్తూ ఉంటుంది. ఆ ప్రయాణంలో ఒక రాక్షసుడు కుటుంబ సభ్యులకు కంటిని చూడగలిగితే, వెంటనే వాళ్లను చంపేస్తాడు. అందుకే రమ కళ్ళు కనిపించకుండా ఉండటం కోసం వాళ్లు కళ్లకు గంతలు కట్టుకుంటారు.

సరిగ్గా ఈ కాన్సెప్ట్ స్ఫూర్తిగా తీసుకొని, ఇప్పుడు ప్రపంచవ్యాప్తంగా చాలామంది కళ్లకు గంతలు కట్టుకొని తమ రోజువారీ కార్యకలాపాలు చేయడం మొదలుపెట్టారు. కళ్లకు గంతలు కట్టుకొని ఆహారం తినడం దగ్గరనుండి, కళ్లకు గంతలు కట్టుకొని రోడ్డు మీదకు రావడం.. తద్వారా ప్రమాదాల బారిన పడడం జరుగుతోంది. కొంతమంది 24 గంటల పాటు ఇలాగే కళ్లకు గంతలు కట్టుకొని దాన్ని చాలా పెద్ద అడ్వంచర్‌గా వీడియోలు షూట్ చేసి యూట్యూబ్లో అప్లోడ్ చేస్తున్నారు. ఉదాహరణకు 24 గంటల పాటు ఈ ఛాలెంజ్‌‌లో కళ్ళకు గంతలు కట్టుకున్న ఒక మహిళ వీడియోను ఈ క్రింద చూడవచ్చు.

Bird Box సినిమాను ప్రసాదం చేసిన NetFlix ఈ ఛాలెంజ్‌లో పార్టిసిపేట్ చేయొద్దంటూ ప్రజలకు విజ్ఞప్తి చేయడం మొదలు పెట్టింది. దీని వల్ల ఇప్పటికే చాలామంది హాస్పిటల్‌లో చేరవలసి వచ్చింది. ఇలాంటి ఛాలెంజ్‌లు వైరల్‌ అవకుండా అడ్డుకోవాల్సిన బాధ్యత Youtube వంటి టెక్నాలజీ సంస్థలపై ఎంతైనా ఉంది.