JioBook 10 వేల JioLaptop అన్ని వివరాలు ఇక్కడ!

JioBook 10000 jiolaptop complete details

Reliance Jio కాల క్రమేణా అన్ని విభాగాల్లో తన ముద్రని చాటుతోంది. టెలికం రంగం తోపాటు, Jio Fiber బ్రాడ్‌బాండ్, రిటైల్ రంగంలో కూడా ప్రవేశించిన ఆ సంస్థ ఇప్పుడు తాజాగా ఎక్కడా లేని విధంగా పది వేల రూపాయలకు JioBook లేదా JioLaptop పేరిట ఓ ల్యాప్‌టాప్‌ని అందుబాటులోకి తీసుకురావడానికి సన్నాహాలు చేస్తోంది.

4G ఆధారంగా పనిచేసే ఈ Laptopలో మామూలు ల్యాప్టాప్ ప్రాసెసర్ కాకుండా, smartphoneలలో ఉపయోగించబడే క్వాల్కమ్ స్నాప్డ్రాగన్ 665 ప్రాసెసర్ ఉపయోగింబడుతుందని తెలుస్తోంది. వాస్తవానికి అది 10, 15 వేల రూపాయల ధరలో లభించే smartphoneలలో గతంలో ఉపయోగించబడిన ప్రాసెసర్.

చైనాకు చెందిన బ్లూ బ్యాంక్ కమ్యూనికేషన్ టెక్నాలజీ సంస్థ సహకారంతో Reliance Jio ఈ సరికొత్త JioBookని తయారు చేస్తోందని ప్రాథమిక సమాచారం. JioLaptop ఎప్పుడు అందుబాటులో వస్తుంది అన్న విషయం ఇంకా స్పష్టత రావాల్సి ఉంది. ఈ లాప్టాప్ లో 4జిబి ర్యామ్, 64 జీబీ ఒక మోడల్, 2GB RAM, 32 GB ఇంటర్నల్ స్టోరేజ్ మరో మోడల్ లభించే వీలుంది.

ఇది Android ఆపరేటింగ్ సిస్టమ్ ఆధారంగా పనిచేస్తుందని తెలుస్తోంది. అయితే జియో సంస్థకు చెందిన JioOS కూడా ఉండే అవకాశాలు లేకపోలేదు. JioStore, JioMeet, JioPages వంటి ఇతర జియో సర్వీసులు కూడా దీంట్లో ఉంటాయి. వీటితోపాటు Microsoft సంస్థకు చెందిన మైక్రోసాఫ్ట్ టీమ్స్, Edge బ్రౌజర్, ఎమ్మెస్ ఆఫీస్ కూడా లభించవచ్చు. వీడియో ఔట్‌పుట్ కోసం HDMI కనెక్టర్, dual band WiFi, Bluetooth, క్వాల్కామ్ ఆడియో చిప్ పొందుపరచబడి ఉంటాయని తెలుస్తోంది.

గమనిక: Amazon, Flipkartలో లేటెస్ట్ డీల్స్, డిస్కౌంట్ పొందాలా? https://telegram.me/bestdealscera అనే ఛానెల్‌లో జాయిన్ అవండి. దీనికోసం మీ phoneలో Telegram యాప్ ఇన్‌స్టాల్ చేసుకుని ఆ లింక్ క్లిక్ చేయండి.

స్క్రీన్ పరిమాణం వెల్లడి కావాల్సి ఉంది. 1366×768 పిక్సెళ్ల స్క్రీన్ రిసల్యూషన్ ఈ లాప్టాప్‌లో లభిస్తుంది. ఇదిలా ఉంటే మరోవైపు NPCI ( National payments Corporation of India) సహకారంతో Reliance Jio మార్కెట్లో ఉన్న అన్ని JioPhoneలలో నిక్షిప్తం చేసే విధంగా పేమెంట్ సేవలను అందుబాటులోకి తీసుకువచ్చే సన్నాహాలు చేస్తోంది.

Computer Era
Logo