కొన్నేళ్ల క్రితం కేవలం mobile rechargeల కోసం మొదలైన Paytm సంస్థ అంచెలంచెలుగా ఎదుగుతూ ఇటీవల పెద్ద నోట్ల రద్దు తర్వాత ఎంత ప్రాధాన్యతని సంతరించుకుందో తెలిసిందే.
ఇటీవలే Payments Bank హోదాని కూడా ఈ సంస్థ సంపాదించడం జరిగింది. దాదాపు ఓ మామూలు బ్యాంకు స్థాయి సదుపాయాలు ఈ payment bank ద్వారా అందించే అవకాశం ఉన్న నేపధ్యంలో తాజాగా వినియోగదారులు fixed depositలను కూడా మొదలు పెట్టుకోవడానికి Paytm వీలు కల్పిస్తోంది.
Paytm Payments Bankలో ఖాతాని కలిగి ఉండి.. అందులో లక్ష రూపాయలకు మించిన నగదు కలిగిన వారు ఎవరైనా Paytmలో ఇప్పుడు fixed depositలను చేసుకోవచ్చు. సంవత్సరానికి 6.85 శాతం వడ్డీని ఈ బ్యాంక్ ఇవ్వబోతోంది. Fixed deposit గడువు తీరే లోపు ఖాతాదారులు సీనియర్ సిటిజన్లుగా మారితే వారి ఖాతాలు ఆటోమేటిక్‌గా మరింత ఎక్కువ వడ్డీ వచ్చే విధంగా సీనియర్ సిటిజన్స్ స్కీమ్‌లోకి మార్చబడతాయి.
