ఇటీవల Xiaomi సంస్థ ఇండియాలో Redmi Note 7 Pro ఫోన్ల ధరను శాశ్వతంగా తగ్గించిన విషయం తెలిసిందే. దీనికి ప్రధాన కారణం Redmi Note 8 Pro మరికొద్ది రోజుల్లో అందుబాటులోకి రావడం!
అవును.. ఈరోజు భారతీయ మార్కెట్లో 7999 రూపాయల ధరకు Redmi 8 ఫోన్ విడుదల చేసిన తర్వాత Xiaomi సంస్థ మరో కీలక ప్రకటన కూడా చేసింది. అక్టోబర్ 16 వ తేదీన Redmi Note 8 Pro మోడల్ భారతీయ మార్కెట్లో విడుదల చేయబోతున్నట్లు ఆ సంస్థ అధికారికంగా వెల్లడించింది. వాస్తవానికి దీపావళి తర్వాత ఈ ఫోన్ మార్కెట్లోకి విడుదల చేయాలని భావించినప్పటికీ దాన్ని కొద్దిగా ముందుకు జరిపినట్లుగా అర్థమవుతోంది.
64 మెగాపిక్సెల్ రిజల్యూషన్ కలిగిన క్వాడ్ కెమెరా సెటప్ కలిగిన మొట్టమొదటి Xiaomi ఫోన్ గా ఇది నిలుస్తుంది. అయితే దీంట్లో క్వాల్కమ్ స్నాప్డ్రాగన్ ప్రాసెసర్ కాకుండా మీడియా టెక్ హీలియో G90T ప్రాసెసర్ ఉపయోగించబడుతుంది. Redmi Note 8 Pro ఫోన్ కి సంబంధించిన ఇతర స్పెసిఫికేషన్స్ పరిశీలిస్తే కనుక దీంట్లో గ్రాఫిక్స్ అవసరాలకోసం Mali G76 గ్రాఫిక్స్ ప్రాసెసర్ లభిస్తుంది. 8 జిబి ర్యామ్, 128జీబి ఇంటర్నల్ స్టోరేజ్ తో ఈ ఫోన్ లభించే అవకాశం ఉంది. అలాగే బ్యాటరీ విషయానికి వస్తే4500 ఎమ్ఏహెచ్ కెపాసిటర్ బ్యాటరీతో, 18W ఫాస్ట్ ఛార్జింగ్ సపోర్ట్ ఈ ఫోన్ కలిగి ఉంటుంది.
ఇక కెమెరా డిపార్ట్మెంట్ విషయానికి వస్తే, ఫోన్ వెనుక భాగంలో 24 మెగా పిక్సల్ ప్రైమరీ కెమెరా, 8 మెగా పిక్సల్ ultra wide angle lens, 2 మెగా పిక్సల్ macro lens, మరో 2 మెగాపిక్సల్ డెప్త్ సెన్సార్ ఈ ఫోన్లో ఉంటాయి. ఫోన్ ముందు భాగంలో 20 megapixel రిసల్యూషన్ కలిగిన సెల్ఫీ కెమెరా లభిస్తుంది. ప్రాథమికంగా అందుతున్న సమాచారం ప్రకారం ఈ ఫోన్ 14 నుండి 16 వేల రూపాయల మధ్య ధరలో లభిస్తుంది.