Phone battery ఎంతసేపు వస్తుందో ఇక తప్పుడు ఫలితాలు రావు! మనం బయటకు వెళ్లినప్పుడు phone battery ఇంకెంతసేపు వస్తుందో ఓ కన్నేసి ఉంచడం చాలా అవసరం. మీరు Android phoneని వాడుతుంటే battery backup ఇంకెంత సేపు వస్తుందన్నది Setting>Battery అనే విభాగంలో గ్రాఫ్ రూపంలో వివరాలు చూపించబడతాయన్న విషయం తెలిసిందే. అయితే ఈ వివరాలు చాలా సందర్భాల్లో అస్సలు కరెక్ట్గా ఉండవు. దీనికి కారణం ఇప్పటి వరకూ Google మిగిలిన బ్యాటరీని లెక్కించడానికి కాకి లెక్కలు మాత్రమే వేసేది. అంటే మీరు గంటకి 10 శాతం చొప్పున బ్యాటరీ ఖర్చు అయ్యేలా గత కొన్ని గంటలుగా phoneని వాడినట్లయితే.. ఇంకా 30 శాతం బ్యాటరీ మిగిలి ఉంటే 3 గంటలు backup వస్తుందని చెప్తుంది. కానీ మీ వాడకాన్ని బట్టి ఒక్క గంటలోనే ఆ battery ఖాళీ అవ్వొచ్చు. ఇలాంటి లెక్కల వల్ల తప్పుడు ఫలితాలు వస్తున్న నేపధ్యంలో Smart Battery అనే మరో మెరుగైన విధానాన్ని Google ప్రవేశపెట్టింది. వివిధ రోజుల్లో, రోజు మొత్తం మీద వివిధ సమయాల్లో మీరు ఏ విధంగా phoneని వాడుతున్నారు, ఎంత battery ఖర్చు చేస్తున్నారన్నది విశ్లేషించి ఆ ప్రాతిపదికపై ఇకపై ఈ smart battery ఇంకెంత సేపు మనకు బ్యాకప్ వస్తుందో చెప్తుంది. ప్రస్తుతానికి Google Pixel 2లో Android 8.1 Oreoలో ఈ సదుపాయం ప్రవేశపెట్టబడింది. త్వరలో అన్ని phoneలకూ అందుబాటులోకి వస్తుంది.
Nokia 2 రూ. 6,999కి కొనడానికి 3 కారణాలు, వద్దనడానికి 2 కారణాలు! HMD Global సంస్థ భారతీయ మార్కెట్లో ఇటీవల విడుదల చేసిన budget smartphoneనే Nokia 2. ఇది రూ. 6,999కి విక్రయించబడుతోంది. ఈ phone కొనాలనుకునే వారికి కొన్ని ప్లస్ పాయింట్స్, కొన్ని మైనస్ పాయింట్లు చూద్దాం. + మంచి బ్యాటరీ బ్యాకప్ Nokia 2లో ప్రధానంగా చెప్పుకోదగ్గ అంశం 4,100 mAh కెపాసిటీ కలిగిన బ్యాటరీ. మామూలుగా వాడితే 2 రోజుల పాటు బ్యాటరీ బ్యాకప్ లభిస్తుంది. బాగా ఎక్కువగా వాడితే ఒక రోజు బ్యాకప్ రావడం ఖాయం. + ప్రత్యేకంగా memory card స్లాట్ ఒక SIM, ఒక memory card మాత్రమే వాడుకోగలిగేలా స్లాట్ లభిస్తున్న తరుణంలో Nokia 2లో అటు రెండు SIM కార్డులతో పాటు ప్రత్యేకంగా Memory card కోసం కూడా ఓ డెడికేటెడ్ స్లాట్ అందించబడుతుంది. దీని ద్వారా 128 GB వరకూ అదనపు స్టోరేజ్ని పొందొచ్చు. +Android Oreo Update Nokia అన్ని phoneలకూ Android Oreo update లభించడం ఖాయం. అలాగే ఈ Nokia 2కి కూడా ఖచ్చితంగా Android Oreo లభిస్తుంది. - స్టోరేజ్ ఎక్కువ ఉండాలి Xiaomi వంటి ఇతర సంస్థలు ఏడెనిమిది వేల రూపాయల phoneలలో సైతం 2 GB RAMని పొందుపరుస్తున్న నేపధ్యంలో Nokia 2లో కేవలం 1GB RAM, 8 GB internal storage మాత్రమే ఉండడం ఇబ్బందికరమైన విషయం. -Fingerprint Sensor లేదు Phone security కోసం fingerprint sensor తప్పనిసరిగా ఉంటున్న తరుణంలో Nokia 2లో ఈ సదుపాయం లేకపోవడం పెద్ద లోటు.
