android phone

Android smartphoneలలో  ఫోన్ కొన్నాళ్ళు వాడిన తర్వాత టచ్ స్క్రీన్ విషయంలో అనేక సమస్యలు ఎదురవుతూ ఉంటాయి. అలాంటప్పుడు స్క్రీన్ మార్చటం కాకుండా ఇప్పుడు చెప్పబోయే కొన్ని పద్ధతులు ఫాలో అవ్వండి. కొంత వరకు ఫలితం ఉంటుంది.

కాలిబ్రేషన్ చేయాలా?

కొన్నేళ్ల క్రితం ఆండ్రాయిడ్ స్మార్ట్ఫోన్ కొనుగోలు చేసినట్లయితే టచ్స్క్రీన్ పరంగా అనేక రకాల సమస్యలు ఏర్పడుతూ ఉండేవి.  అయితే ఇటీవల కాలంలో టచ్ స్క్రీన్ విషయంలో అంతగా ఇబ్బంది కలగడం లేదు. అయితే ఏ కారణం చేతనైనా మీ ఫోన్లో ఉన్న టచ్ స్క్రీన్ సక్రమంగా రెస్పాండ్ కాకపోతే దాన్ని సర్వీస్ సెంటర్కి తీసుకు వెళ్ళడానికి ముందు కాలిబ్రేషన్  ప్రయత్నించటం మంచిది.కొన్ని సందర్భాల్లో టచ్ స్క్రీన్ సెన్సిటివిటీ వలన ఇబ్బందులు ఏర్పడుతూ ఉంటాయి.

ఉదాహరణకు కొన్ని రకాల స్క్రీన్ ప్రొటెక్టర్స్  వేసినప్పుడు టచ్ స్క్రీన్ మునుపటి అంత వేగంగా రెస్పాండ్ కాకపోవచ్చు. అలాంటప్పుడు మీ ఫోన్ సెట్టింగ్స్ లో టచ్ స్క్రీన్ సెన్సిటివిటీ పెంచే సెట్టింగ్ ఏమైనా ఉన్నట్లయితే దాన్ని ఎనేబుల్ చేసుకోవడం మంచిది. అలా చేయడం వల్ల మీ టచ్ స్క్రీన్ మళ్లీ మునుపటిలా రెస్పాండ్ అయ్యే విధంగా చూసుకోవచ్చు.

స్క్రీన్ టెస్ట్ చేయడం

కొన్ని సందర్భాల్లో మీ ఫోన్లో ఉండే టచ్ స్క్రీన్ కొంత వరకు డ్యామేజ్ అయి ఉండొచ్చు. అలాంటప్పుడు గూగుల్ ప్లే స్టోర్ లో లభించే Touch Screen Test అనే యాప్  డౌన్లోడ్ చేసుకోవడం ద్వారా టచ్స్క్రీన్ పరంగా ఏమైనా సమస్యలు ఉన్నట్లయితే వాటిని సులభంగా గుర్తించవచ్చు. ఈ అప్లికేషన్ చూడడానికి పెయింట్ బ్రష్ మాదిరిగా కనిపిస్తుంది.  లేడీస్ కెమెరా మీరు స్క్రీన్ మీద వేలితో ఎక్కడెక్కడ ట్యాప్ చేస్తుందో అక్కడ స్క్రీన్ రెస్పాన్స్ రేట్ ఇది పరిశీలిస్తూ ఉంటుంది. ఒకవేళ ఏదైనా సమస్య ఉన్నట్లయితే, వెంటనే దాని గురించి సమాచారం మీకు స్క్రీన్ మీద చూపిస్తుంది.

అంతేకాదు దాదాపు అన్ని రకాల ఆండ్రాయిడ్ ఫోన్స్ లో అంతర్గతంగా హార్డ్వేర్ మొత్తాన్ని టెస్ట్ చేయడం కోసం ప్రత్యేకమైన కోడ్‌లు  నిక్షిప్తం చేయబడి ఉంటాయి. మీరు సర్వీస్ సెంటర్ కి మీ ఫోన్ తీసుకెళ్లినప్పుడు అక్కడ ఉండే హార్డ్ వేర్ టెక్నీషియన్స్ వాటి ఆధారంగా మీ ఫోన్లో ఉండే లోపాలను గుర్తించి రిపేర్ చేయడం జరుగుతుంది. మీ ఫోన్ కాలిబ్రేట్  చేసిన తర్వాత కూడా అదే విధంగా టచ్ స్క్రీన్ నెమ్మదిగా పని చేస్తున్నట్లయితే సర్వీస్ సెంటర్ తీసుకువెళ్లడం మంచిది.

సహజంగా కొత్తగా ఒక స్మార్ట్ ఫోన్ కొన్న వెంటనే చాలామంది చేసే పని ఒక స్క్రీన్ ప్రొటెక్టర్ ఆన్లైన్లో ఆర్డర్ చేసి ఆలస్యం చేయకుండా స్క్రీన్ మీద ఆంటిస్తూ ఉంటారు. అసలు ఇప్పుడున్న పరిస్థితుల్లో నిజంగానే స్క్రీన్ ప్రొటెక్టర్ అవసరమా అన్నది ఇప్పుడు వివరంగా చూద్దాం.

ఒకప్పుడు కేవలం హై-ఎండ్ ఫోన్లకి మాత్రమే  గొరిల్లా గ్లాస్ రక్షణ లభించేది. ఫోన్ కిందపడిన గానీ, లేదా కీస్ వంటివి తగిలినా గానీ గీతలు పడని విధంగా  గొరిల్లా గ్లాస్ రక్షణ కల్పిస్తుంది. ఉదాహరణకి ప్రస్తుతం గొరిల్లా గ్లాస్ 6 వినియోగంలో ఉంది. అన్ని ఫోన్ తయారీ కంపెనీలు ఈ లేటెస్ట్ మోడల్ వాడకపోయినప్పటికీ కనీసం దీని ముందు మోడల్ అయినా వాడుతూ ఉంటాయి. కాబట్టి ఫోన్ కింద పడిన కూడా ఎలాంటి ఇబ్బంది ఉండదు.

ఈ నేపధ్యంలో మీరు కొత్తగా ఫోన్ కొనుగోలు చేసేటప్పుడు, దానికి గొరిల్లా గ్లాస్ రక్షణ లభిస్తుందా లేదా అనేది పరిశీలించండి.  ఒకవేళ గొరిల్లా గ్లాస్ రక్షణ లభిస్తుంటే ఎట్టిపరిస్థితుల్లో స్క్రీన్ ప్రొటెక్టర్ గానీ, టాంపర్డ్ గ్లాస్ గానీ వాడాల్సిన పనిలేదు. వీటిని వాడడం వల్ల చాలావరకు స్క్రీన్ మీద వ్యూయబులిటీ, షార్ప్‌నెస్ తగ్గిపోతుంది. అంతేకాదు స్క్రీన్ ప్రొటెక్టర్ వాడినప్పుడు కొన్ని సార్లు చిన్న చిన్న బబుల్స్ ఏర్పడే  అవకాశం ఉంటుంది. దీనివల్ల ఫోన్ చూడడానికి ఇబ్బందికరంగా కనిపిస్తుంది.

ఈ ఇబ్బందులతో పాటు స్క్రీన్ ప్రొటెక్టర్ వాడినప్పుడు మీ ఆండ్రాయిడ్ ఫోన్ స్క్రీన్ యొక్క టచ్ సెన్సిటివిటీ చాలా వరకు తగ్గిపోతుంది. ఆంటే స్క్రీన్ ప్రొటెక్టర్ వాడటం కంటే ముందు లభించినంత స్మూత్ ఎక్స్పీరియన్స్ స్క్రీన్ ప్రొటెక్టర్ వాడిన తర్వాత మనకు లభించదు. ఇలా ఎన్నో రకాల సమస్యలు స్క్రీన్ ప్రొటెక్టర్ లతో ఉన్నాయి కాబట్టి వీలైనంత వరకు వాటికి దూరంగా ఉండటం మంచిది. వీటిని అప్లై చేసేటప్పుడు కూడా మొబైల్ రిపేర్ షాప్‌ల వాళ్లు  ఎంత ప్రయత్నించినా కూడా చిన్న చిన్న లోపాలు ఏర్పడతాయి కాబట్టి, వాటివల్ల ఫోన్ చాలా ఎబ్బెట్టుగా కనిపిస్తుంది.

ఏమైనా ముఖ్యమైన బర్త్‌డేలు,  ఇతర సందర్భాల్లో కావలసిన వాళ్లకు ఆటోమేటిగ్గా ఎస్ఎంఎస్ మెసేజ్లు వెళ్లే విధంగా Android phoneలలో  ఏర్పాటు చేయడం కోసం అనేక అప్లికేషన్స్ అందుబాటులో ఉన్నాయి. వాటిలో కొన్నిటి గురించి ఇప్పుడు వివరంగా చూద్దాం.

Do It Later

స్ట్రెయిట్ ఫార్వార్డ్‌గా  ఎస్ఎంఎస్ స్కెడ్యూలింగ్ కోసం  రూపొందించబడిన అప్లికేషన్ ఇది.  ఇందులో రిమైండర్ అనే ఆప్షన్ లోకి వెళ్తే ఏయే వ్యక్తులకి  ఏ సమయంలో మెసేజ్ పంపించాలి అన్నది సెలెక్ట్ చేసుకుని, కావలసిన మెసేజ్ టైప్ చేసి దాన్ని సులభంగా స్కెడ్యూల్  చేసుకోవచ్చు. అంతేకాదు భవిష్యత్తులో మళ్లీ మళ్లీ ఆటోమేటిక్గా పంపించే విధంగా కూడా సెట్ చేసుకోవచ్చు. ఇది ఫ్రీ మరియు పెయిడ్ అప్లికేషన్‌గా  అందుబాటులో ఉంటుంది.

Pulse SMS

కేవలం నిర్దిష్టమైన సమయంలో ఎస్ఎంఎస్ స్కెడ్యూల్ చేసుకోవడం మాత్రమే కాకుండా,  ఫోన్లో డీఫాల్ట్ గా వచ్చే ఎస్ఎంఎస్ క్లైంట్ కి భిన్నంగా పూర్తిస్థాయి సదుపాయాలను అందించే అప్లికేషన్ గా దీన్ని పేర్కొనవచ్చు.  ఆండ్రాయిడ్ ఆపరేటింగ్ సిస్టమ్ కోసం లభిస్తున్న ఒక శక్తివంతమైన ఎస్ఎంఎస్ అప్లికేషన్ గా దీన్ని మనం పరిగణించవచ్చు. దీంతో ఇతర సదుపాయాలతో పాటు ఎస్ ఎం ఎస్ స్కెడ్యూలింగ్  ఫీచర్ కూడా ఉంటుంది. కేవలం ఒక్కసారి మాత్రమే పంపడం గానీ, లేదా అవసరమైతే మళ్లీ మళ్లీ పంపించే విధంగా ఇది ఆప్షన్స్ అందిస్తుంది. చాలా క్లీన్ గా ఉండే యూసర్ ఇంటర్ఫేస్ ఈ అప్లికేషన్ కలిగి ఉంటుంది. అంతే కాదు మీ ఫోన్లో ఉన్న ప్రైవేట్ కన్వర్జేషన్స్‌ని  ఇది రహస్యంగా ఉంచగలుగుతుంది. దీంట్లో పెయిడ్ అప్లికేషన్ కొనుగోలు చేయడం ద్వారా నేరుగా కంప్యూటర్ నుండి కూడా మెసేజ్ పంపించుకునే అవకాశం లభిస్తుంది. ఉచిత మరియు సబ్స్క్రిప్షన్ ఆధారంగా పనిచేసే రెండు వెర్షన్స్ దీంట్లో ఉంటాయి.

IFTTT

ఇది కేవలం ఎస్ఎంఎస్ మెసేజ్లు పంపించడం మాత్రమే కాదు,  అనేక రకాల సోషల్ నెట్ వర్కింగ్ సైట్స్, ఆండ్రాయిడ్ ఫోన్స్ లో ఉండే సదుపాయాలు అన్నీ కలిపి అన్నింటినీ ఆటోమేట్ చేసుకోవడం కోసం ఉపయోగపడుతుంది. ఈ అప్లికేషన్ మీ ఫోన్లో ఇన్స్టాల్ చేసుకుని కావలసిన వ్యక్తులకు కావలసిన సమయం లో ఆటోమేటిక్ గా మెసేజ్ వెళ్లే విధంగా ఏర్పాటు చేసుకోవచ్చు.

అధిక సమయం కంప్యూటర్ మీద పని చేసే వారు చీటికిమాటికి ఫోన్ చేతిలోకి  తీసుకోవాలంటే చాలా ఇబ్బంది అవుతుంది. ఈ నేపథ్యంలో మీ ఫోన్ స్క్రీన్ ఉన్నది ఉన్నట్లు కంప్యూటర్ స్క్రీన్ మీద కనిపించే విధంగా కావాలంటే ఇప్పుడు చెప్పుకోబోయే టెక్నిక్స్ ఏదైనా ఒకటి ఫాలో అవ్వండి.

Windows Connect ద్వారా!

Windows 10 ఆపరేటింగ్ సిస్టం లో డిఫాల్ట్గా అందించబడుతున్న  ఫీచర్ ఇది. Windows 10 anniversary అప్డేట్ తర్వాత వెర్షన్స్ కలిగి ఉన్నవారికి ఈ ఫీచర్ ఆటోమేటిగ్గా కంప్యూటర్ లో ఉంటుంది.  దీనికోసం మీరు చేయాల్సిందల్లా మీ విండోస్ కంప్యూటర్ లో Connect అని సెర్చ్ చేసి, దానికి సంబంధించిన అప్లికేషన్ ఓపెన్ చేసి Cast Screen  అనే ఆప్షన్ సెలెక్ట్ చేసుకోండి. డివైస్ కనెక్టివిటీ అనే సెక్షన్లో ఇది మనకు కనిపిస్తుంది. ఇది సక్రమంగా పని చేయాలంటే మీ ఫోన్లో కూడా గూగుల్ ప్లే స్టోర్ నుండి your phone companion అనే అప్లికేషన్ను డౌన్లోడ్ చేసుకుని ఇన్స్టాల్ చేసుకోండి. అటు మీ కంప్యూటర్లోనూ, మరోవైపు మీ ఫోన్లోనూ రెండు చోట్ల మీ మైక్రోసాఫ్ట్ అకౌంట్ తో లాగిన్ అయితే,  చాలా సులభంగా మీ ఫోన్ స్క్రీన్ మీ కంప్యూటర్లో చూడవచ్చు. అయితే దీనికి గాను మీ కంప్యూటర్లో కూడా బ్లూటూత్ ఉండాల్సి ఉంటుంది. ఇది పూర్తిగా వైర్లెస్ గా పనిచేస్తుంది.

Vysorని ఉపయోగించి!

మీ ఫోన్ స్క్రీన్‌ని  కంప్యూటర్లోకి సులభంగా స్ట్రీమ్ చేయటానికి లభిస్తున్న అప్లికేషన్ ఇది.  ఇది పని చేయాలంటే మొట్టమొదట మీ విండోస్ లేదా లైనెక్స్ ఆపరేటింగ్ సిస్టం లో ఈ అప్లికేషన్ డౌన్లోడ్ చేసుకోవాలి.  లేదా గూగుల్ క్రోమ్ బ్రౌజర్ వాడుతున్నవారు Vysor ఎక్స్టెన్షన్ ఇన్స్టాల్ చేసుకున్నా సరిపోతుంది.

ఆ తర్వాత మీ దగ్గర ఉన్న ఆండ్రాయిడ్ ఫోన్ లో USB Debugging Mode  ఎనేబుల్ చేయాలి. చివరగా మీ ఫోన్‌ని USB కేబుల్ ద్వారా పిసికి కనెక్ట్ చేసి, Vysor  అప్లికేషన్ ఓపెన్ చేస్తే, ఆటోమేటిక్ గా మీ ఫోన్ స్క్రీన్ మీ కంప్యూటర్లో వచ్చేస్తుంది. అయితే ఇది వైర్లెస్ గా పని చేయదు.  కేబుల్ కనెక్ట్ చేసినప్పుడు మాత్రమే ఫోన్ స్క్రీన్ కంప్యూటర్ స్క్రీన్ మీద కనిపిస్తుంది.

AirDroid  అప్లికేషన్ వాడడం ద్వారా

ఇది వైర్లెస్గా పనిచేసే సొల్యూషన్. AirDroid అనేది  బాగా పాపులర్ అప్లికేషన్. ఇది మీ ఫోన్ లో ఉన్న ఫోటోలు వీడియోలు ఎస్ఎంఎస్లు,  ఇతర కంటెంట్ వైర్లెస్గా మీ కంప్యూటర్ స్క్రీన్ మీద చూడడంతో పాటు డౌన్లోడ్ చేసుకోవడానికి అవకాశం కల్పిస్తుంది.  అంతేకాదు మీ కంప్యూటర్లో ఉన్న ఫైళ్ళను నేరుగా మీ ఫోన్ లోకి ట్రాన్స్ ఫర్ చేసుకోవడానికి కూడా ఇది వెసులుబాటు కల్పిస్తుంది.  కేవలం ఇలాంటి ఫైల్ ట్రాన్స్ఫర్ సదుపాయాలు మాత్రమే కాదు, AirDroid అప్లికేషన్ ఉపయోగించి అందులో లభించే AirMirror అనే ఫీచర్ ద్వారా మీ ఫోన్ స్క్రీన్ మీ కంప్యూటర్ స్క్రీన్ మీద చూసే అవకాశం  పొందొచ్చు.

పైన చెప్పిన మూడు పద్ధతుల్లో మీకు అనువుగా ఉన్న దాన్ని ఫాలో అవడం ద్వారా మీ ఆండ్రాయిడ్ ఫోన్ స్క్రీన్ ఉన్నది ఉన్నట్లు మీ కంప్యూటర్ లో కనిపించే విధంగా ఏర్పాటు చేసుకోవచ్చు.

మీ దగ్గర ఆండ్రాయిడ్ ఫోన్ ఉన్నట్లయితే అందులో ముఖ్యమైన డేటా మొత్తం ఏమాత్రం మిస్ కాకుండా బ్యాకప్  చేసుకోటానికి అనేక టెక్నిక్స్ ఇప్పుడు చూద్దాం.

సెట్టింగ్స్ అన్నీ బ్యాకప్

మీ Android phoneలో ఉన్న  ముఖ్యమైన సెట్టింగ్స్ అన్ని ఒకే చోట బ్యాకప్ తీసుకోవడం కోసం Google Driveలో  ఒక ప్రత్యేకమైన సెట్టింగ్ అందిస్తోంది. దీనికి గాను మీరు చేయాల్సిందల్లా మీ ఫోన్ లో గూగుల్ డ్రైవ్ అప్లికేషన్ ఇన్స్టాల్ చేసుకుని,  అందులో బ్యాకప్ అనే విభాగంలోకి వెళ్లి Backup to Google Drive అనే ఆప్షన్ సెలెక్ట్ చేసుకోండి. అందులో భాగంగా మీ ఫోన్లో ఉన్న కాల్ హిస్టరీ,  కాంటాక్ట్, వైఫై పాస్ వర్డ్ లు, హోమ్స్క్రీన్ అరేంజ్మెంట్, ఎస్ ఎం ఎస్ లు వంటి ముఖ్యమైన సెట్టింగ్స్ అన్నీ మీ గూగుల్ డ్రైవ్ అకౌంట్ లోకి బ్యాకప్ తీసుకోవడానికి ఇది అవకాశం కల్పిస్తుంది.

ఫొటోస్ బ్యాక్అప్ కోసం

ఒకవేళ నిర్మాణంలో ఉన్న ముఖ్యమైన ఫోటోలు అన్నీ కూడా బ్యాకప్ కావాలంటే,  దీనికోసం Google Photos అప్లికేషన్ ఇన్స్టాల్ చేసుకుంటే సరిపోతుంది. ఆటోమేటిక్ గా మీ ఫోన్లో ఎప్పటికప్పుడు తీసే ఫోటోలు అన్ని మీ గూగుల్ ఫొటోస్ అకౌంట్ లోకి వాటంతట అవే బ్యాకప్  అవుతుంటాయి. స్టోరేజ్ స్పేస్ ఆదా చేసుకోవటం కోసం వాటిని మీ ఫోన్లో తొలగించుకోవచ్చు కూడా. క్లౌడ్ లో అవి సురక్షితంగా ఉంటాయి.

ఆండ్రాయిడ్ కాంటాక్ట్స్

మీ ఫోన్లో ఉన్న కాంటాక్ట్స్ అన్ని కూడా బ్యాకప్  తీసుకోవచ్చు. దీని కోసం అనేక అప్లికేషన్స్ Google Play Storeలో  లభిస్తున్నాయి. వాటిని ఇన్స్టాల్ చేసుకుంటే మీ ఫోన్ లోనే ఒక ప్రత్యేకమైన ఫైల్ రూపంలో  కాంటాక్ట్లను సేవ్ చేసుకోవచ్చు. అంతేకాదు, మీ ఫోన్లో సేవ్ చేసే అన్ని కాంటాక్టులు Google Contactsలోకి సేవ్ అయ్యే విధంగా కూడా ఏర్పాటు చేసుకోవచ్చు.  లేదా ప్రత్యేకంగా గూగుల్ కాంటాక్ట్స్ అప్లికేషన్ కూడా గూగుల్ ప్లే స్టోర్లో లభిస్తుంది.

టెక్స్ట్ మెసేజ్ లు

ఇంతకుముందు మనం చెప్పుకున్నట్లుగా మన ఫోన్లో ఉన్న అన్ని టెక్స్ట్ మెసేజ్ లు ఆటోమేటిక్గా బ్యాకప్ తీయడం అంటే గూగుల్ డ్రైవ్ ఒక ఆప్షన్ ను అందిస్తున్న విషయం తెలిసిందే,  దాంతోపాటుగా గూగుల్ ప్లే స్టోర్ లో SMS Backup & Restore అనే మరొక అప్లికేషన్ లభిస్తోంది. అది కూడా చాలా సమర్థవంతంగా అన్ని టెక్స్ట్ మెసేజ్ లు బ్యాకప్ మరియు రీస్టోర్  చేయగలుగుతుంది.

ఇకపోతే వాట్సప్ సంస్థకు గూగుల్ సంస్థ తో ఉన్న ఒప్పందం ప్రకారం,  మీ ఫోన్ లోని వాట్సాప్ మెసేజ్ లు మరియు ఫోటోలు వీడియోలు అన్నీ కూడా మీ గూగుల్ అకౌంట్ లో ఆటోమేటిక్గా బ్యాకప్ అవుతాయి అన్న విషయం తెలిసిందే కదా. పైన చెప్పుకున్న అప్లికేషన్స్ మాత్రమే కాకుండా, పూర్తిగా మీ ఫోన్లో ఉన్న డేటా మొత్తాన్నీ  ఒకే చోట బ్యాకప్ తీయాలంటే గనుక G Cloud అనే అప్లికేషన్ ఉపయోగపడుతుంది.