camera

ఈ హైదరాబాద్ కంపెనీ రోజుల తరబడి ఫోన్ బ్యాటరీ వచ్చేలా చేయబోతోంది

Smartphoneల విషయంలో అతి పెద్ద సమస్య బ్యాటరీ. చీటికీ మాటికీ ఇది battery ఖాళీ అవుతుంటే ఛార్జింగ్ చేసుకోలేక ఇబ్బంది పడుతుంటాం. ఇటీవల 4,000, 5000 mAhల వంటి భారీ సామర్థ్యాల్లో బ్యాటరీలు వస్తున్నా అంతకంతకూ ఫోన్లలో అమర్చబడే processorలు, RAMల సామర్థ్యం కూడా పెరుగుతున్న నేపధ్యంలో బ్యాటరీ పెరిగినా పెద్దగా ఉపయోగం ఉండట్లేదు.

సుదీర్ఘకాలంగా అందర్నీ వేధిస్తున్న battery సమస్యని పరిష్కరించడానికి మన హైదరాబాద్‌కి చెందిన “మంజీరా డిజిటల్ సిస్టమ్స్” అనే సంస్థ నడుం బిగించింది.Universal Multifunction Accelerator (UMA) అనే పరికరం ద్వారా ఈ కంపెనీ బ్యాటరీ సమస్యని అధిగమించాలని ప్రయత్నిస్తోంది.

మిల్లీమీటర్ పరిమాణంలో నాలుగవ వంతు అంటే ఎంత ఉంటుందో తెలుసు కదా. ఆ సైజ్‌లో ఉండే అత్యంత వేగవంతంగా పనిచేసే కంప్యూటింగ్ సర్క్యూట్‌ని smartphones మొదలుకుని రకరకాల తాజా gadgetsలో సులభంగా నిక్షిప్తం చేయొచ్చు. ఇది ఓ పక్క తక్కువ మొత్తంలో ఫోన్ విద్యుత్‌ని వినియోగించుకునేలా జాగ్రత్త తీసుకుంటూనే శక్తివంతమైన ఆల్షారిథమ్స్‌ని రన్ చేస్తుంది. ప్రస్తుతం మనకు అందుబాటులో ఉన్న కమర్షియల్ droneలు, ఇప్పుడిప్పుడే వెల్లువలా రకరకాల పనుల్ని చేసిపెట్టడానికి ముంచుకు వస్తున్న IoT (Internet Of Things) డివైజ్‌ల వంటి వాటిలో ఈ సర్క్యూట్‌ని అమర్చితే సరిపోతుంది.

మంజీరా డిజిటల్ సిస్టమ్స్ సంస్థ ఇటీవల ISRO (Indian Space Research Organisation) నుండి ఆర్డర్‌ని పొందింది. రాడార్ సిగ్నల్ ప్రాసెసింగ్‌లో భాగంగా ఈ Universal Multifunction Accelerator (UMA) టెక్నాలజీని వాడడానికి ఈ ఆర్డర్ ఉద్దేశించబడింది. శ్రీని చందుపట్ల, వేణు కందడై అనే ఇద్దరు వ్యక్తులు కలిసి నిర్వహిస్తున్న సంస్థ ఇది.

Smartphoneలలో, ఇతర mobile chipలలో ఈ సర్క్యూట్‌ని అమర్చడం కోసం ఈ సంస్థ Qualcomm మరియు Intel సంస్థలతో చర్చల్లో ఉంది. ఇది గనుక ఆచరణరూపం దాల్చితే బ్యాటరీ ఛార్జింగ్ అయిపోతుందని చీటికీ మాటికీ ఇక భయపడాల్సిన పనిలేదు. నిశ్చింతగా మన smartphoneలను వాడుకోవచ్చు. త్వరలో ఇది అందుబాటులోకి రావాలని ఆశిద్దాం.

Huawei తన ఫోన్ విషయంలో తప్పు చేసింది.. క్షమాపణ చెప్పింది!

తాము రిలీజ్ చెయ్యబోయే కొత్త smartphoneల గురించి రకరకాల sample images విడుదల చేసి.. హడావుడి సృష్టించడం smartphone కంపెనీలకు అలవాటే. అయితే తమ ఫోన్ క్వాలిటీ అలా ఉంటుందనీ, ఇలా ఉంటుందనీ వాస్తవాల్ని చెప్తే బానే ఉంటుంది. అలా కాకుండా అబద్ధాలు చెప్తే వినియోగదారులు ఊరుకుంటారా?

Huawei phone తయారీ కంపెనీ తాను విడుదల చెయ్యబోతున్న Huawei P9 మోడల్ ఫోన్ cameraతో షూట్ చేసినట్లు ఆ సంస్థ Google+ పేజీలో ఓ ఫొటోని గర్వంగా share చేసింది. ఈ కెమెరాలో Leica-certified rear camera అనే సరికొత్త rear camera ఉన్నట్లు చెప్పుకుంటూ ఉంది.ఆ ఫొటోకి కేప్షన్‌గా Huawei సంస్థ ఇలా రాసుకుంది..

“We managed to catch a beautiful sunrise with Deliciously Ella. The #HuaweiP9’s dual Leica cameras makes taking photos in low light conditions like this a pleasure. Reinvent smartphone photography and share your sunrise pictures with us. #OO.”

ఆ ఫొటోని పరిశీలనగా చూస్తే focus, color level, sharpness, pixel details వంటివి చాలా అద్భుతంగా ఉన్నట్లు అర్థమవుతోంది. Huawei P9 ఫోన్‌తో ఇంత నాణ్యంగా ఫొటోలు షూట్ చేసుకోవచ్చు కాబోలని చాలామంది ఆశ్చర్యపోతారు కూడా!

అయితే ఈ ఫొటోని download చేసుకుని దాని EXIF dataని పరిశీలిస్తే దిగ్భ్రాంతికరమైన వాస్తవం వెల్లడైంది. P9 ఫోన్ కెెమెరాతో షూట్ చేసినట్లు చెప్పబడుతున్న ఆ ఫొటో వాస్తవానికి Canon EOD 5D DSLR కెమెరాతో షూట్ చెయ్యబడినట్లు EXIF Dataలో తెలుస్తోంది. ఈ భండారం బయటపడిన తర్వాత Huawei ఆ ఫొటోని తొలగించడమే కాకుండా యూజర్లకి క్షమాపణ చెబుతూ ఓ స్టేట్‌మెంట్‌ని క్రింది విధంగా విడుదల చేసింది..

“It has recently been highlighted that an image posted to our social channels was not shot on the Huawei P9. The photo, which was professionally taken while filming a Huawei P9 advert, was shared to inspire our community. We recognize though that we should have been clearer with the captions for this image. It was never our intention to mislead. We apologize for this and we have removed the image”

కెమెరా క్వాలిటీల గురించి smartphone కంపెనీలు అబద్ధాలు చెప్పడం ఇది కొత్త కాదు. గతంలో Nokia సంస్థ తన Lumia 920 ఫోన్ మోడల్ విషయంలోనూ ఇలాగే తప్పుడు ప్రచారం చేసింది. ఒక కొత్త ఫోన్‌ని కొనేటప్పుడు ఎక్కువమంది ఆలోచించేది మంచి camera ఉందా లేదా అన్నది. ఈ అవసరాన్ని దృష్టిలో ఉంచుకుని కొన్ని ఫోన్ తయారీ సంస్థలు ఇలాంటి తప్పుడు చర్యలకు పాల్పడుతున్నాయి.

ఇలా Selfies తీస్తే ఇక అంతే..!!

Selfie పర్‌ఫెక్ట్‌గా రావడం కోసం అలుపెరగకుండా ఒకటికి పది ఫొటోలు phone front cameraతో కేప్చర్ చేస్తున్నారా? సెల్ఫీలు విపరీతంగా తీయడం smartphone స్క్రీన్ కాంతి మొహం మీద పడి చర్మంపై ముడతలుపడతాయని ఇటీవల వెల్లడైంది గుర్తుంది కదా. తాజాగా Selfieలతో మరో ప్రమాదం పొంచి ఉన్నట్లు వైద్యులు తెలియజేస్తున్నారు.

అదే పనిగా Selfieలను కేప్చర్ చేసే వారికి Selfie Elbow అనే సమస్య తలెత్తుతున్నట్లు వైద్యులు నిర్థారణకు వచ్చారు. టెన్నిస్ ఎల్‌బో, గోల్ఫర్ ఎల్‌బో వంటి వాటి గురించి మనకు ఇప్పటికే తెలిసిందే. అయితే selfie కేప్చర్ చెయ్యడం కోసం మనం చేతిని పైకి తిప్పి ఓ అసౌకర్యకరమైన స్థితిలో అదే పనిగా పెట్టడం వల్ల ఈ Selfie Elbow సమస్య పెరిగిపోతుంది.

సెల్ఫీ కోసం ప్రయత్నించేటప్పుడు.. అదీ ఒకటికి పది ఫొటోలు తీసుకోవడానికి ట్రై చేసినప్పుడు మనకు తెలీకుండానే మజిల్ మీద వత్తిడి పడుతుంది. ఆ కండరం ఎముక నుండి విడిపడిపోయి నొప్పి, వాపులకు కారణం అవుతుంటుంది.

Selfie Elbow నుండి ఉపశమనం కోసం తాత్కాలికంగా నొప్పి నివారణ మందులు వాడడం, ఐస్‌తో కాపడం పెట్టడం, కండరాలను సాగదీస్తూ చిన్న చిన్న ఎక్సర్‌సైజ్‌లు చెయ్యడం మంచి ఫలితాలను ఇస్తాయి.

ప్రపంచవ్యాప్తంగా selfie elbow సమస్య చాపక్రింద నీరులా విస్తరిస్తోందని తాజా సర్వేలు వెల్లడిస్తున్నాయి. అదే పనిగా చేతుల్ని అసహజ భంగిమల్లో అమర్చుకుని సెల్ఫీలను తీయడం వల్ల selfie elbowతో పాటు మణికట్టు ప్రాంతంలో photosని కేప్చర్ చెయ్యడానికి మనం వాడే బొటనవేలు అమర్చే కోణంపై కూడా వత్తిడి పడి ఇబ్బంది తలెత్తుతున్నట్లు తేలింది. చాలా సందర్భాల్లో selfie stick లను వాడడం వల్ల ఇలాంటి సమస్యల్ని అధిగమించవచ్చు.

Technology చాలా విధాలుగా ఆరోగ్యాన్ని దెబ్బతీస్తోందన్న విషయలు ఇటీవల వెలుగు చూస్తున్న వైద్య పరిశోధనల ద్వారా అర్థమవుతూ ఉంది. అయితే ఏది ఎంతమేరకు వాడాలో సరైన అవగాహన కలిగి ఉండి ఏదీ శృతి మించకుండా చూసుకోగలిగితే అటు latest technologyని వాడుకోగలుగుతూనే, ఇటు ఆరోగ్యాన్నీ కాపాడుకోగలుగుతాం.

సూపర్ ఫాస్ట్ Memory Card వచ్చేసింది..

SanDisk ఓ సరికొత్త microSD కార్డ్‌ని కొద్దిసేపటి క్రితం ప్రకటించింది. 256 GB స్టోరేజ్ కెపాసిటీ ఉన్న memory card ఇది. ఇప్పటికే 256 GB మెమరీ కార్డులు వాడకంలోకి వచ్చాయి కదా.. మరి దీనిలో ప్రత్యేకత ఏమిటి అన్న సందేహం కలుగుతోంది కదూ!

SanDisk 256 GB Extreme microSDXC UHS-I పేరిట SanDisk ఈ మెమరీ కార్డుని విడుదల చేసింది. ప్రపంచంలో అత్యంత వేగవంతమైన memory cardగా దీన్ని పేర్కొనవచ్చు. కొత్తగా మెమరీ కార్డులను కొనుగోలు చేసేటప్పుడు మనం Class 10 మెమరీ కార్డులనే గొప్పగా భావిస్తూ ఉంటాం కదా!

Class 10 memory card సెకనుకి కేవలం 10 MB మొత్తంలో డేటాని ట్రాన్స్‌ఫర్ చెయ్యగలుగుతుంది. అంటే Class 10 మెమరీ కార్డుని మీ smartphone, camera లలో అమర్చుకుని వాడేటప్పుడు కేప్చర్ చేసే photos, videos, internal memory నుండి external memoryకి ట్రాన్స్‌ఫర్ చేసే ఫైళ్లు వంటివన్నీ కేవలం సెకనుకి 10 MB speedలోనే బదిలీ అవుతుంటాయి.

తాజాగా SanDisk విడుదల చేసిన ఈ SanDisk 256 GB Extreme microSDXC UHS-I కార్డ్ గరిష్టంగా సెకనుకి 100 MB స్పీడులో డేటాని ట్రాన్స్‌‌ఫర్ చెయ్యగలుగుతుంది. డేటాని రీడ్ చేసేటప్పుడు సెకనుకి 100 MB, మెమరీ కార్డులోకి డేటా రైట్ చేసేటప్పుడు సెకనుకి 90 MB మొత్తంలో స్పీడ్ లభిస్తుంది. SanDiskని హార్డ్ డిస్కుల తయారీ కంపెనీ Western Digital ఇటీవల కొనుగోలు చేసిన విషయం తెలిసిందే. ఇప్పటికే Western Digital సంస్థ 256GB SanDisk Ultra microSDXC UHS-I Premium Edition Qj`

SanDiskని హార్డ్ డిస్కుల తయారీ కంపెనీ Western Digital ఇటీవల కొనుగోలు చేసిన విషయం తెలిసిందే. ఇప్పటికే Western Digital సంస్థ 256GB SanDisk Ultra microSDXC UHS-I Premium Edition పేరిట సెకనుకి 95 MB ట్రాన్స్‌ఫర్ రేటుని అందించే మెమరీ కార్డుని ఒక దానిని తక్కువ ధరకు ప్రకటించింది.

100 MBps స్పీడ్‌ని అందించే కార్డు 2016 చివరినాటికి రూ. 13,400కి అందుబాటులోకి రానుంది. అదే సెకనుకి 95 Mbps స్పీడ్‌ని అందించే మెమరీ కార్డు రూ. 10,000లకి వచ్చే నెలలో (ఆగస్ట్)లో అందుబాటులోకి రానుంది.

ఈ 256 GB మెమరీ కార్డుల ద్వారా స్మార్ట్‌ఫోన్ల ద్వారా 4K resolution కి చెందిన 14 గంటల వీడియోని రికార్డ్ చేసుకోవచ్చు. ఈ రెండు కార్డులు waterproof, temperature proof, shock proof, X-ray proof సామర్థ్యాలను కలిగి ఉంటాయి.

ఫోన్‌తో Camera RAW‌ images షూట్ చేస్తే చాలా ఉపయోగాలు

క్రమేపీ సెల్‌ఫోన్‌ కెమెరాలు మరింత శక్తివంతంగా తయారవుతున్నాయి. DSLR కెమెరాల్లో మాదిరిగా ISO, Aperture, shutter speed వంటి అన్ని రకాల సెట్టింగుల్ని మార్చుకోగలిగే విధంగా ఈ మధ్య కాలంలో వస్తున్న సెల్‌ఫోన్‌ కెమెరాలు వీలు కల్పిస్తున్నాయి. అదే విధంగా కొన్ని ఫోన్లు అయితే RAW ఇమేజ్‌లను షూట్‌ చేసుకునే అవకాశాన్ని కూడా కల్పిస్తున్నాయి.

Camera RAW అంటే ఏమిటి?

ప్రతీ కెమెరాలోనూ ఇమేజ్‌ ప్రాసెసర్‌ అని ఒకటి
ఉంటుంది. కెమెరాలోని లెన్స్‌ కేవలం కాంతి కిరణాల్ని మాత్రమే కేప్చర్‌ చేస్తుంది. ఇలా లెన్స్‌ చేత కేప్చర్‌ చెయ్యబడిన కాంతిని ఈ ఇమేజ్‌ సెన్సార్‌ exposure, contrast, sharpness వంటి విలువల్ని తగిన విధంగా అడ్జెస్ట్‌ చేసి (దీన్నే ప్రాసెసింగ్‌ అంటారు) ఆ తర్వాత JPEG ఫార్మేట్‌లో ఓ ఇమేజ్‌గా సేవ్‌ చేస్తుంది. అదే RAW ఇమేజ్‌ విషయానికి వస్తే ఇమేజ్‌ ప్రాసెసర్‌చే ఇలాంటి ప్రాసెసింగ్‌ ఏదీ చెయ్యబడదు. కేవలం కెమెరా లెన్స్‌ ద్వారా కేప్చర్‌ చెయ్యబడిన కాంతి మాత్రమే ఓ ఫైల్‌ రూపంలో సేవ్‌ చెయ్యబడుతుంది. ఆ తర్వాత ఆ ఫైల్‌ని ూసశీపవ కూఱస్త్రష్ట్ర్‌తీశీశీఎ వంటి కంప్యూటర్‌ అప్లికేషన్లలోనో, మొబైల్‌ యాప్స్‌లోనే మనకు నచ్చిన విధంగా మార్చుకోవచ్చు. ఫొటోపై పూర్తి నియంత్రణ సాధించడానికి ఇది పనికొస్తుంది.
RAW ఎందుకు?

మనం ప్రత్యేకంగా ప్రాసెస్‌ చెయ్యాల్సిన పనిలేకుండానే నేరుగా JPEG ఇమేజ్‌ రెడీ అవుతుంటే RAW ఇమేజ్‌గా సేవ్‌ చెయ్యడం ఎందుకు అని మీకు అన్పించవచ్చు. కెమెరాలోని ఇమేజ్‌ ప్రాసెసర్‌ ఫొటోని JPEG ఇమేజ్‌గా సేవ్‌ చేసేటప్పుడు దాని ఫైల్‌ సైజ్‌ని తగ్గించడం కోసం pixel dataని ఇమేజ్‌ నుండి తొలగిస్తుంది. దీనివల్ల ఇమేజ్‌లోని స్పష్టత కొంతవరకూ లోపిస్తుంది. ఇలా క్వాలిటీ నష్టం వాటి ల్లకుండా ఉండడం కోసం RAW ఫార్మేట్‌లో రికార్డ్‌ చేసుకుని తర్వాత మనం adjust‌ చేసుకోవడం మంచిది.

ఫోన్‌లో ఎలా?

Android ఆపరేటింగ్‌ సిస్టమ్‌లోని Camers 2.0 apiని వాడుకోగలిగేలా ఫోన్‌లో డీఫాల్ట్‌గా లభించే camera యాప్స్‌ ఉన్నప్పుడే వాటి ద్వారా RAW ఫొటోల్ని కేప్చర్‌ చెయ్యడం సాధ్యపడుతుంది. ప్రస్తుతం మార్కెట్లో ఉన్న వాటిలో Samsung Galaxy S6 Edge Plus, Samsung Galaxy S7, LG G5 వంటి తాజా శక్తివంతమైన ఫోన్లలో మాత్రమే RAW ఇమేజ్‌లను డీఫాల్ట్‌గా షూట్‌ చేసే సదుపాయం లభిస్తోంది. అయినప్పటికీ కొన్ని థర్డ్‌ పార్టీ ఆండ్రాయిడ్‌ యాప్స్‌ని Google Play Store నుండి download చేసుకుని ఇన్‌స్టాల్‌ చేసుకోవడం ద్వారా RAW ఇమేజ్‌లను నేరుగా ఫోన్‌లోని కెమెరా ద్వారానూ కేప్చర్‌ చేసుకోవచ్చు.