jiofiber

JioFiber Broadband  కనెక్షన్ కోసం ఎంతమంది ఆసక్తిగా ఎదురు చూస్తున్నారు.  తాము నివసిస్తున్న ప్రదేశంలో ఆ కనెక్షన్ కోసం తీవ్రంగా ప్రయత్నాలు చేస్తున్న వారు ఉన్నారు.

వాస్తవానికి JioFiber  కనెక్షన్ తీసుకున్న వారికి  బ్రాడ్ బ్యాండ్ కనెక్టివిటీ తో పాటు,  ల్యాండ్ లైన్ ఫోన్ కనెక్షన్, 4K సెట్‌-టాప్‌-బాక్స్ కూడా  లభిస్తున్నాయి. అయితే వీటితో పాటు DTH సేవలు కూడా ఉచితంగా లభిస్తాయని మొదటి నుండి చాలా మంది భావిస్తున్నారు. మీరు కూడా అలాంటి అపోహలో ఉన్నట్లయితే ఇప్పుడు ఇక్కడ చెప్పబోతున్నది బ్యాడ్ న్యూస్ అనుకోవాల్సిందే. దీనికి కారణం కేవలం 4K సెట్-టాప్-బాక్స్ మాత్రమే JioFiber  బ్రాడ్బ్యాండ్ కనెక్షన్ తో పాటు ఉచితంగా లభిస్తుంది.

అంతే తప్పించి ఎలాంటి డిటిహెచ్ సేవలు ఈ కనెక్షన్ ద్వారా ఉచితంగా లభించవు.  మీ జియో ఫైబర్ కనెక్షన్ ద్వారా టీవీ ఛానల్స్ చూడాలంటే తప్పనిసరిగా కేబుల్ టీవీ సర్వీసులకు అదనంగా డబ్బులు చెల్లించి సేవలు పొందక తప్పదు. దీనికోసం లోకల్ కేబుల్ ఆపరేటర్‌ని గానీ, Hathway వంటి  జియో సెట్-టాప్-బాక్స్‌ని సపోర్ట్ చేసే కేబుల్ ఆపరేటర్ ని సంప్రదించవలసి ఉంటుంది. ఆయా సర్వీసుల్లో మీరు ఎంచుకున్న ప్యాకేజీలను బట్టి మాత్రమే మీకు ఎలాంటి ఛానల్స్ లభిస్తాయి, ఏ తరహా క్వాలిటీ ఉంటుంది అన్నది ఆధారపడి ఉంటుంది.

JioFiber  కనెక్షన్ తీసుకోవాలంటే 2500 రూపాయలు సెక్యూరిటీ డిపాజిట్ చెల్లించాల్సి ఉంటుంది.  అందులో వెయ్యి రూపాయల వరకు నాన్-రిఫండబుల్ ఇన్స్టాలేషన్ ఛార్జెస్‌గా పరిగణించబడతాయి.  మిగిలిన మొత్తాన్ని మాత్రమే సర్వీస్ క్యాన్సల్ చేసుకున్నప్పుడు మనకు ఇవ్వడం జరుగుతుంది. జియో ఫైబర్ తో పాటు సెట్-టాప్-బాక్స్ కూడా  ఉచితంగా ఇవ్వటం వలన టీవీ కనెక్షన్ కూడా లభిస్తుందని చాలామంది భావిస్తూ వచ్చారు. JioFiberతో పాటు ఉచితంగా టీవీ చానల్ చూసే అవకాశం ఇవ్వక పోవడానికి అనేక కారణాలు ఉన్నాయి.

అన్నిటికంటే ప్రధానమైనది,  దేశంలోని అన్ని ప్రాంతాలకు బ్రాడ్బ్యాండ్ కనెక్షన్ ఇవ్వడం కోసం Jio  సంస్థ Hathway మరియు DEN Networkల సహాయం తీసుకోవాల్సి వచ్చింది. ఇప్పుడు గనుక ఉచితంగా టీవీ ఛానల్స్ అందిస్తే ఆయా సంస్థల వ్యాపారం మందగించే అవకాశం ఉంది కాబట్టి ఉభయతారకంగా ఉండటం కోసం ఒకరికొకరు సహకరించుకునే  వ్యూహాన్ని రచించినట్లు తెలుస్తోంది.

Relince Jio బ్రాడ్బ్యాండ్ కనెక్షన్ల కోసం దేశవ్యాప్తంగా కోట్లాది మంది వినియోగదారులు సుదీర్ఘకాలంగా వేచి చూస్తున్నారు. ఇప్పటికే దేశంలోని వివిధ నగరాల్లో పైలెట్ ప్రాజెక్టు కింద కొంత మంది వినియోగదారులకు బ్రాడ్బ్యాండ్ సేవల మొదలుపెట్టిన Reliance Jio సంస్థ ప్రయోగాత్మకంగా మరి కొన్ని మార్కెట్లలో ఈ సేవలను విస్తరించినట్లు తెలుస్తోంది.

2018 జూలై – డిసెంబర్ మధ్య కాలంలో JioFiber సేవలు అందరు వినియోగదారులకు అందుబాటులోకి రాబోతున్నాయి. ప్రస్తుతానికి టెస్టింగ్ దశలో ఉన్న వినియోగదారులకు 100 mbps స్పీడుతో నెలకు 1.1 టెరాబైట్ల ఫెయిర్ యూసేజ్ లిమిట్‌తో ఫైబర్ ఆప్టిక్ కనెక్షన్లను రిలయన్స్ జియో ఇస్తోంది. మొదట 100 GB డేటా ఇవ్వబడుతుంది. అది పూర్తయిన తర్వాత నెల రోజుల్లోపు ఒక్కోసారి 40 GB చొప్పున, నెలరోజుల వ్యవధిలో మొత్తం 25 సార్లు top-up వినియోగించుకోవచ్చు. అంటే నెల రోజులకి మొత్తం కలిపి 1,100 GB డేటా లభిస్తుందన్న మాట.

ఎంపిక చేయబడిన మార్కెట్లలో, ఎంపిక చేయబడిన వినియోగదారులకు JioFiber కనెక్షన్ ఇచ్చేటప్పుడు, 4500 రూపాయలు సెక్యూరిటీ డిపాజిట్ కింద చెల్లించవలసి ఉంటుంది. ఈ సెక్యూరిటీ డిపాజిట్ మళ్లీ తిరిగి ఇవ్వబడుతుంది. జియో ఫైబర్ కనెక్షన్ తోపాటు ఇవ్వబడే Jio Routerని Jio సంస్థ IPTV సేవలు ప్రారంభించినప్పుడు సెటప్ బాక్స్‌గా కూడా వాడుకోవచ్చు.

కేవలం గృహ వినియోగదారులకు మాత్రమే కాకుండా enterprise కస్టమర్లకు కూడా Jio Fiber సేవలు లభించబోతున్నాయి. మొదటిదశలో దేశవ్యాప్తంగా 30 ప్రముఖ నగరాల్లో JioFiber సేవలు విస్తరించబడతాయని తెలుస్తోంది.

గమనిక: Telegramలో అన్ని లేటెస్ట్ Tech Updates కోసం https://t.me/sridharcera అనే ఛానెల్‌లో జాయిన్ అవండి. దీనికోసం మీ phoneలో Telegram యాప్ ఇన్‌స్టాల్ చేసుకుని ఆ లింక్ క్లిక్ చేయండి.

సుదీర్ఘకాలంగా అందరూ వేచి చూస్తున్నా Reliance JioFiber, JioDTH సర్వీసులు అది త్వరలో ప్రారంభం కాబోతున్నాయని విశ్వసనీయ వర్గాల ద్వారా తెలుస్తోంది. ఇంకా స్పష్టంగా చెప్పాలంటే ఈ నెలలోనే ఈ రెండు సర్వీసులు మొదలయ్యే అవకాశాలు ఉన్నాయి. JioPrime మెంబర్షిప్ ఈ నెలాఖరుకు పూర్తవుతున్న సందర్భంగా.. దాని గురించి మరో ప్రకటన వెలువడే సందర్భంలో ఈ రెండింటి ప్రస్తావన ఉండొచ్చు.

ఇప్పటికే JioFiber టెస్టింగ్ దశలో దేశంలోని పలు ప్రాంతాల్లో మూడు నెలలపాటు 100 Mbps స్పీడ్‌తో ఉచితంగా అందించబడుతోంది. ఆ క్రమంలో హైదరాబాద్‌లోని కొంతమంది వినియోగదారులు కూడా ఈ సర్వీస్‌ని ఆస్వాదిస్తున్నారు. అలాగే JioDTH సర్వీసు కూడా చాలాకాలంగా అంతర్గతంగా పరీక్షించబడుతోంది.

మిగతా ఇతర setup boxల మాదిరిగా కాకుండా Jio DTH సర్వీస్ విభిన్నం గా పనిచేస్తుంది. చూడడానికి చాలా స్లిమ్ గా ఉంటూ మన టీవీలోని ఏ HDMI పోర్ట్‌కైనా connect చేసుకోగలిగే విధంగా ఇది లభిస్తుంది. Google Chromecast, Amazon Fire Stick తరహాలో ఎలాంటి మామూలు టీవీనైనా ఇట్టే smart tv గా మార్చేస్తుంది ఈ సెట్ టాప్ బాక్స్.

దీంతోపాటు నాణ్యమైన వీడియో కంటెంట్‌ని Jio అందించబోతోంది. ఈ DTH సర్వీస్ 4K కంటెంట్‌ని సపోర్టు చేస్తుంది. అలాగే JioTV, JioCinema, Netflix, Youtube, Amazon Prime Video, Hotstar, Voot వంటి అన్ని రకాల వీడియో స్ట్రీమింగ్ సర్వీసులు ఈ డిటిహెచ్ సర్వీస్ ద్వారా లభించబోతున్నట్లు తెలుస్తోంది. అలాగే JioFiber బ్రాడ్‌బాండ్‌కి కనెక్ట్ అయి మన టీవీ ని ఇంటర్నెట్ టీవీగా మార్పిడి చేసే సౌకర్యం కూడా ఈ DTH సర్వీస్లో లభించబోతోంది.

అప్లికేషన్ల కోసం JioStoreతోపాటు టివిలోకి ఆండ్రాయిడ్ అప్లికేషన్లు డౌన్లోడ్ చేసుకోవటానికి Google Play Store కూడా లభిస్తాయి. 16 GB ఇంటర్నల్ స్టోరేజ్ కలిగి ఉండే ఈ సెట్ టాప్ బాక్స్ లో 2TB కెపాసిటీ వరకూ కలిగిన ఎక్స్టర్నల్ హార్డ్ డిస్కులను కనెక్ట్ చేసుకోవచ్చు. నేరుగా టీవీ మీద గేమ్స్ ఆడుకోవడానికి వీలుగా గేమింగ్ కన్సోల్ లో మాదిరిగా Joystick కూడా అందించబడే అవకాశాలు కనిపిస్తున్నాయి.

దాదాపు రెండేళ్లపాటు Reliance Jio సేవల ద్వారా టెలికం రంగంలో సంచలనం సృష్టించిన Jio సంస్థ ప్రస్తుతానికి గౌరవప్రదమైన స్థానానికి చేరుకున్న విషయం తెలిసిందే.

ఇప్పుడు తరువాతి దశలో JioFiber సేవలపై Jio దృష్టి సారించబోతోంది. ఇప్పటికే దేశంలోని నగరాల్లో JioFiber టెస్టింగ్ మొదలైంది. హైదరాబాద్, ముంబై, ఢిల్లీ, అహ్మదాబాద్, సూరత్, వడోదర, జామ్‌నగర్ వంటి ప్రదేశాల్లో JioFiber preview offer లభిస్తోంది. ఆయా నగరాల్లో భారీ గృహ సముదాయాల్లో JioFiber preview సేవలు అందించడానికి Jio ప్రతినిధులు నివాసితులను కలుస్తున్నారు.

JioPreview offer ద్వారా 100 Mbps speedతో ప్రతినెలా 100 GB డేటాని Jio సంస్థ అందిస్తోంది. మూడు నెలలపాటు ఈ ఉచిత డేటా లభిస్తుంది. అయితే JioFiber కమర్షియల్ సేవలు మొదలయ్యే వరకు ఇలా ఉచిత broadband data ఇవ్వబడుతూనే ఉండే అవకాశముంది.

Preview offer ముగిసి పోయాక.. 100 Mbps speedలో ప్రతీ నెలా 600 GB data కావాలంటే ఐదు వందల రూపాయల వరకు చెల్లించవలసి ఉంటుంది. 1000 GB data కోసం రూ. 2,000 వరకూ ఖర్చవుతుంది.

JioFiberతో పాటు ఇంటర్నెట్ tv కనెక్షన్‌ని కూడా Jio ఒకే లైన్ ద్వారా అందించడానికి ప్రయత్నిస్తున్నట్లు సమాచారం. దీంతో landline, broadband, cable tvల కోసం విడివిడిగా డబ్బులు చెల్లించవలసిన అవసరం ఉండదు. ఇప్పటికే Airtel, Act Fibernet BSNL వంటి సంస్థలు తమ బ్రాడ్‌బాండ్ టారిఫ్‌ని గణనీయంగా తగ్గించిన నేపథ్యంలో మున్ముందు JioFiber వచ్చాక ప్రస్తుతం టెలికం రంగంలో కన్పిస్తున్న పోటీనే ఇటు broadband రంగంలోనూ ఎప్పటి అవకాశం కనిపిస్తోంది.

విశ్వసనీయ సమాచారం మేరకు  అతి త్వరలో ఈ JioFiber సేవలు మొదలు కాబోతున్నాయి.