realme

Smartphone బ్రాండ్‌ల కొత్త అవతారం ఇది!

smart phone brands entered into smart home segment

Samsung అంటే కేవలం smartphoneలు మాత్రమే కాదు.. దశాబ్దాల తరబడి TVలు, మిక్సీలు, ఫ్రిజ్‌లు వంటి అనేక గృహోపకరణాలను అది తయారు చేస్తూ వస్తోంది. సరిగ్గా అదే ఒరవడిని అందిపుచ్చుకుంటూ తాజాగా Xiaomi, OnePlus, Realme వంటి సంస్థలు అన్నీ విభాగాల్లోకి ప్రవేశిస్తున్నాయి.

Xiaomi 2014లో భారతీయ మార్కెట్లోకి ప్రవేశించిన తర్వాత దాదాపు నాలుగేళ్ల పాటు కేవలం smartphoneలు మాత్రమే తయారు చేస్తూ వచ్చింది. అయితే ఆ తర్వాతి కాలంలో Smart TVలను, ఎయిర్ ప్యూరిఫైయర్లు, బ్రష్‌లు, స్మార్ట్ కెమెరాలు ఇలా అనేక రకాల ఉత్పత్తులను మార్కెట్లో అందుబాటులోకి తీసుకు వచ్చింది. సరిగ్గా అదే బాటలో Realme, OnePlus కూడా కొనసాగుతున్నాయి. భారతీయ వినియోగదారుడు బ్రాండ్ వాల్యూ కి ఎక్కువ ఇంపార్టెన్స్ ఇస్తాడు అన్న విషయం గ్రహించిన smartphone తయారీ సంస్థలు తమకు పెద్దగా ఆధిపత్యం లేని విభాగాల్లోకి సైతం ప్రవేశించి తమ అదృష్టాన్ని పరీక్షించుకుంటున్నాయి.

Xiaomi సంస్థ Smart TVలను విడుదల చేసిన తొలినాళ్లలో ఆ మోడల్స్ కొనుగోలు చేయటానికి చాలామంది సంశయించారు. కానీ ఈ మధ్య కాలంలో ఎలాంటి అనుమానాలు లేకుండా వాటిని కొనుగోలు చేస్తున్నారు. అంటే ఒక బ్రాండ్ కేవలం కొత్త లో మాత్రమే ఇబ్బంది పడుతుంది. ఒకసారి వినియోగదారుల దృష్టిని ఆకర్షించిన తర్వాత సుదీర్ఘ కాలంలో అది కొనసాగగలుగుతుంది. కేవలం ఎలక్ట్రానిక్ అప్లయెన్సెస్ మాత్రమే కాదు, smart home విభాగానికి చెందిన వాయిస్ అసిస్టెంట్, సెక్యూరిటీ కెమెరాలు, స్మార్ట్ ప్లగ్ లు, స్మార్ట్ బల్బులు వంటి అన్ని రకాల విభాగాల్లోకి సంబంధిత సంస్థలు ప్రవేశిస్తున్నాయి.

ఇండియాలో smartphoneల తర్వాత smart TVలు ఎక్కువగా అమ్ముడుపోతున్నట్లు గణాంకాలు వెల్లడిస్తున్నాయి. భారీ స్క్రీన్ పరిమాణం కలిగిన టీవీలను తక్కువ ధరకే అందిస్తూ.. పోటాపోటీగా మార్కెట్లో అనేక సంస్థలు కొత్త మోడల్స్ విడుదల చేస్తున్నాయి. మున్ముందు మనం అనేక రకాల కొత్త ఉత్పత్తులు చూడబోతున్నాం.

ప్రభుత్వం నిషేధించిన Appsతో వస్తున్న Xiaomi, Realme Phoneలు!

కేంద్ర ప్రభుత్వం ఇటీవల 59 చైనా అప్లికేషన్లను నిషేధించిన విషయం తెలిసిందే. TikTok, Shareit, CleanMaster వంటి భారీ మొత్తంలో అప్లికేషన్స్ వీటిలో ఉన్నాయి.

Android యూజర్ల కోసం Google Play Store, iPhone యూజర్ల కోసం App Store నుండి వాటిని విజయవంతంగా తొలగించగలిగారు గానీ చైనా ఫోన్ తయారీ కంపెనీలు మాత్రం ఈ నిషేధాన్ని సమర్థవంతంగా అమలుపరచడం లేదు. ఉదాహరణకు Cheetah Mobiles అనే చైనా సంస్థకు చెందిన Clean Master అప్లికేషన్ కేంద్ర ప్రభుత్వం చేత నిషేధించబడింది. అయితే Xiaomi, Realme సంస్థలు ఇప్పటికే విడుదల చేసిన వాటితో పాటు, కొత్తగా విడుదల చేస్తున్న ఫోన్లలో కూడా ఈ అప్లికేషన్ పరోక్షంగా వినియోగించటం గమనార్హం.

ఇవి ఇంటర్నెట్ కనెక్టివిటీ లేకుండా offlineలో కూడా ఫోన్లో పనిచేస్తాయి కాబట్టి, నేరుగా ఆ యాప్ పేర్లు యూజర్లకి కనిపించకుండా, కేవలం ఒక వినియోగదారుడు తన ఫోన్ క్లీన్ చేసుకోవాలని భావించినపుడు యూజర్‌కి బ్యాక్ గ్రౌండ్ లో Clean Master సర్వీస్ ద్వారా ఫోన్ క్లీన్ చేయడం గమనార్హం. వాస్తవానికి వివిధ ఫోన్ తయారీ సంస్థలు గతంలో నిషేధించబడిన అప్లికేషన్ లతో ఒప్పందాలు కుదుర్చుకోవడం ద్వారా ఆయా అప్లికేషన్లను తాము విడుదల చేసే ఫోన్లలో నిక్షిప్తం చేస్తున్నాయి.

అయితే ఇప్పటికే వినియోగంలో ఉన్న ఫోన్ ల విషయంలో నిషేధించబడిన అప్లికేషన్లను శాశ్వతంగా వినియోగదారుడు తొలగించే విధంగా, లేదా ఫోన్ తయారీ కంపెనీనే వాటిని తొలగించే విధంగా ఒక ప్రత్యేకమైన అప్డేట్ విడుదల చేయటం ద్వారా కేంద్ర ప్రభుత్వం విధించిన నిషేధాన్ని Xiaomi, Realme వంటి సంస్థలు సమర్థవంతంగా అమలు పరచవచ్చు. అయితే ఆ సంస్థలు ఈ అంశాన్ని సీరియస్ గా తీసుకున్నట్లు అనిపించడం లేదు.

ఇదిలా ఉంటే మరోవైపు కొత్తగా విడుదల చేస్తున్న ఫోన్లలో కూడా ఇలాంటి కొన్ని అప్లికేషన్స్ కొనసాగుతూ ఉండటం ఆందోళన కలిగిస్తోంది. ఇకనైనా చైనా ఫోన్ తయారీ కంపెనీలు మరింత బాధ్యతగా వ్యవహరించాల్సి ఉంది.

Realme Narzo 10A ఈరోజే సేల్.. స్పెసిఫికేషన్స్ ఇవి!

కొంతకాలం క్రితం Realme సంస్థ భారతీయ మార్కెట్లో గేమింగ్ ఆధారంగా రూపొందించబడిన Narzo ఫోన్ విడుదల చేసిన విషయం తెలిసిందే. ఇందులో భాగంగా Narzo 10, Narzo 10A అనే రెండు మోడల్స్ ప్రకటించబడ్డాయి.

వీటిలో చవకైన Narzo 10A ఈరోజు మధ్యాహ్నం 12 గంటలకు అమ్మకాలు మొదలు కాబోతున్నాయి. Flipkart మరియు Realme వెబ్ సైట్ల ద్వారా దీన్ని కొనుగోలు చేయవచ్చు. 8499 రూపాయల ధర కలిగిన ఈ ఫోన్ 3GB RAM, 32GB ఇంటర్నల్ స్టోరేజ్ కలిగి ఉంటుంది. మెమరీ కార్డు ద్వారా అదనంగా 256 జీబీ వరకు స్టోరేజ్ పంపొచ్చు. 6.52 అంగుళాల HD+ డిస్ప్లే కలిగి ఉండి, ఫోన్ వెనుక భాగంలో 12 మెగా పిక్సల్ ప్రైమరీ కెమెరా తో పాటు, 2, 2 MP రిజల్యూషన్ కలిగిన మరో రెండు కెమెరాలు ఉంటాయి.

Realme Naro ఫోన్ ముందు భాగంలో సెల్ఫీల కోసం 5 మెగా పిక్సల్ కెమెరా ఉంటుంది. 5000 mAh కెపాసిటీ కలిగిన బ్యాటరీ దీంట్లో లభిస్తుంది. Mediatek Helio G70 ప్రాసెసర్ ఆధారంగా ఇది పనిచేస్తుంది. Mali G52 గ్రాఫిక్స్ ప్రాసెసర్ దీంట్లో ఉపయోగించబడి ఉంది. ఆండ్రాయిడ్ 10 ఆపరేటింగ్ సిస్టమ్ ఆధారంగా ఈ ఫోన్ పని చేస్తుంది. 195 గ్రాముల బరువు ఉండే ఈ ఫోన్ ప్రధానంగా గేమింగ్ అవసరాలను దృష్టిలో పెట్టుకొని రూపొందించబడింది. అయితే స్క్రీన్ రిజర్వేషన్ HD+ మాత్రమే కావడం, 270ppi పిక్సెల్ డెన్సిటీ మాత్రమే ఉండటం వల్ల స్క్రీన్ మీద అక్షరాలు అంత షార్ప్‌గా ఉండవు.

బడ్జెట్ వినియోగదారులను దృష్టిలో పెట్టుకొని రూపొందించబడిన ఫోన్ ఇది. బ్లూ మరియు వైట్ రంగుల్లో ఈ ఫోన్ లభిస్తుంది. ఈరోజు మధ్యాహ్నం 12 గంటలకు దీన్ని కొనుగోలు చేయవచ్చు.

Realme TV, Realme Watch, Realme Buds ఈరోజే ఇండియాలో విడుదల! స్పెసిఫికేషన్స్ ఇవి!!

Realme సంస్థ ఈరోజు భారతీయ మార్కెట్లో అనేక ఉత్పత్తులను విడుదల చేయబోతుంది. ఇంత కాలం కేవలం స్మార్ట్ఫోన్లకే పరిమితమైన ఈ సంస్థ ఈరోజు మధ్యాహ్నం 12 గంటల 30 నిమిషాలకు లైవ్ ఈవెంట్ ద్వారా మూడు రకాల ఉత్పత్తులను విడుదల చేయబోతోంది.

వీటిలో Relame TV ప్రత్యేకంగా చెప్పుకోదగ్గది. Android TV ఆపరేటింగ్ సిస్టమ్ ఆధారంగా పని చేస్తూ, గూగుల్ అసిస్టెంట్ సపోర్టును ఇది కలిగి ఉంటుంది. గూగుల్ ప్లే స్టోర్ లో లభించే అనేక రకాల అప్లికేషన్స్ ఈ టీవీ లో ఇన్స్టాల్ చేసుకోవచ్చు. అలాగే Netflix, Amazon Prime, Youtube వంటి అన్ని రకాల పాపులర్ స్ట్రీమింగ్ సర్వీసులు దీంట్లో లభిస్తుంటాయి. మీడియా టెక్ సంస్థలు చెందిన 64 bit processor Realme TVలో ఉపయోగించబడుతుంది.

43, 32, 55 అంగుళాలు పరిమాణం కలిగిన మొత్తం మూడు మోడల్స్ విడుదలయ్యే అవకాశాలు కనిపిస్తున్నాయి. వైఫై, బ్లూటూత్, అంతర్గతంగా స్క్రీన్ మిర్రరింగ్ కోసం క్రోమ్‌కాస్ట్ వంటి సదుపాయాలను ఇది కలిగి ఉంటుంది. 24 వాట్స్ స్టీరియో స్పీకర్లతో పాటు డాల్బీ ఆడియో సపోర్టు కూడా ఇది కలిగి ఉంటుంది. Mi TV మాదిరిగానే అందరికీ అందుబాటు ధరల్లో ఈ టీవీ ఉండే అవకాశం ఉంది.

ఇకపోతే Realme Watch విషయానికొస్తే 1.4 అంగుళాల టచ్ స్క్రీన్ కలర్ డిస్ప్లే తో, నచ్చిన విధంగా వాచ్ ఫేసెస్ అమర్చుకునే వెసులుబాటు, నిరంతరాయంగా పనిచేసే హెల్త్ అసిస్టెంట్, రియల్ టైం హార్ట్ రేట్ మోనిటర్, 14 రకాల స్పోర్ట్స్ మోడ్స్‌కి సపోర్ట్, బ్లడ్ లో ఆక్సిజన్ శాతం తెలియజేసే ఏర్పాటు, ఇతర సదుపాయాలతో దాదాపు పది వేల రూపాయల ధర లో ఈ స్మార్ట్ వాచ్ భారతీయ మార్కెట్లో లభించవచ్చు.

Realme Buds Air Neo అనే వైర్లెస్ బడ్స్ కూడా ఈరోజు విడుదల కాబోతున్నాయి. ఇవి 17 గంటల పాటు బ్యాటరీ బ్యాకప్ అందించడంతో పాటు, బ్లూటూత్ 5.0 సపోర్ట్, 14 మిల్లీమీటర్ల బాస్ బూస్ట్ డ్రైవర్లు కలిగి ఉంటాయి. మైక్రో యూఎస్బీ పోర్ట్ ద్వారా ఛార్జింగ్ సదుపాయాన్ని కల్పించే ఈ వైర్లెస్ బడ్స్ సుమారు 2999 రూపాయల ధర కలిగి ఉండే అవకాశం ఉంది.

ఈ నెలాఖరుకు Smart TV, Smart Watch మార్కెట్లోకి తీసుకు రాబోతున్న Realme

నిన్న మొన్నటి వరకు కేవలం smartphoneలు మాత్రమే తయారు చేసిన వివిధ కంపెనీలు గత కొంతకాలంగా Smart TV వంటి ఇతర ఉత్పత్తుల వైపు కూడా దృష్టి సారిస్తున్నాయి. అందులో భాగంగానే ఇప్పటికే Xiaomi సంస్థ అనేక టీవీ మోడళ్లను అందిస్తున్న విషయం తెలిసిందే.

తాజాగా Realme సంస్థ కూడా ఆ సరసన చేరుతోంది. ప్రాథమికంగా అందుతున్న సమాచారం ప్రకారం ఈ నెలాఖరు నాటికి భారతీయ మార్కెట్లో Realme TV, Smart Watch ఉత్పత్తులు అందుబాటులోకి రాబోతున్నాయి. భారతీయ వినియోగదారుల అవసరాలను దృష్టిలో పెట్టుకొని వీటిని ప్రత్యేకంగా రూపొందించినట్లు ఆ సంస్థ వెల్లడించింది. అయితే అటుఇటుగా సరిగ్గా ఏ తేదీన ఆయా ఉత్పత్తులు మార్కెట్లోకి వస్తాయి అన్నది ఇంకా స్పష్టం కాలేదు.

కొద్ది కాలం నుండి మొబైల్ ఫోన్ల విషయంలో షామీ సంస్థకి Realme విపరీతమైన పోటీ ఇస్తోంది. అదే విధమైన గట్టిపోటీని స్మార్ట్ఫోన్ మార్కెట్లో కూడా ఇవ్వడానికి ఆ సంస్థ సిద్ధపడుతోంది. స్మార్ట్ స్పీకర్, ఇతర ఇంటర్నెట్ ఆఫ్ థింగ్స్ డివైజ్లను కూడా మార్కెట్లోకి తీసుకురావడానికి ఆ సంస్థ సన్నాహాలు చేస్తోంది.

స్మార్ట్ టీవీ విషయానికొస్తే 55 అంగుళాల QLED డిస్ప్లే కలిగి ఉండి, 4K HDR సపోర్ట్ కలిగిన ప్యానల్ అందుబాటులోకి రాబోతోంది. QLED చాలా ఖరీదుతో కూడుకున్న వ్యవహారం కాబట్టి కచ్చితంగా దీని ధర ఎక్కువగా ఉంటుంది. మిగిలిన స్పెసిఫికేషన్స్ తెలియాల్సి ఉంది. మరోవైపు ఇప్పటికే స్మార్ట్ బ్యాండ్ మార్కెట్లోకి విడుదల చేసిన Realme సంస్థ స్మార్ట్ వాచ్ కూడా అందుబాటులోకి తీసుకు రాబోతోంది. ఫిట్నెస్ మీద చాలా మందికి రోజు రోజుకి అవగాహన పెరుగుతున్న నేపథ్యంలో ఈ సలహా ఉత్పత్తుల మీద కూడా ఆ సంస్థ మరింత దృష్టి పెట్టబోతోంది.

ఇదిలా ఉంటే ఇప్పటికే రియల్ మీ సంస్థ విడుదల చేసిన Narzo 10, 10A ఫోన్లు మే 22 నుండి ఫ్లిప్కార్ట్ అమ్మకాలు మొదలు కాబోతున్నాయి.