Redmi Note 7 Pro ఫోన్ తాజాగా ఎప్పుడూ లేనంత భారీ డిస్కౌంట్ ధరకు మార్కెట్లో లభిస్తుంది. కేవలం 10,999 రూపాయలు చెల్లించి ఈ ఫోన్ సొంతం చేసుకోవచ్చు. మామూలుగా 11999 రూపాయలకి మాత్రమే లభిస్తున్న ఈ ఫోన్‌ని స్టేట్ బ్యాంక్ ఆఫ్ ఇండియా డెబిట్ లేదా క్రెడిట్ కార్డులు ఉపయోగించి 10% instant discount పొందొచ్చు. అంటే పరోక్షంగా 10,999 రూపాయలకు ఈ ఫోన్ లభిస్తుంది. 4జిబి ర్యామ్, 64 జీబీ ఇంటర్నల్ స్టోరేజ్ కలిగిన మోడల్ ఈ ధరకు అందుబాటులో ఉంటుంది.
అంతా బానే ఉంది కానీ ఎల్లుండి భారతీయ మార్కెట్లో Redmi Note 8 Pro విడుదలవుతున్న నేపథ్యంలో ఇప్పటికిప్పుడు పాత మోడల్ కొనుగోలు చేయడం ఎంతవరకు శ్రేయస్కరమని ఆలోచన చాలా మందికి ఉంది. అది కొంతవరకు నిజమే. కొన్నాళ్ళ క్రితం లేదా మార్కెట్లో విడుదలైన ఈ Redmi Note 8 Pro స్పెసిఫికేషన్స్ విషయానికొస్తే 6.53 అంగుళాల అమోల్డ్ డిస్ప్లే కలిగి ఉండి, మీడియా టెక్ హీలియో G90T ప్రాసెసర్ ఆధారంగా ఈ ఫోన్ పని చేస్తుంది.
ఇతర స్పెసిఫికేషన్స్ విషయానికొస్తే 6 జి బి రామ్, 64 జీబీ ఇంటర్నల్ స్టోరేజ్ ఉండే ఈ ఫోన్లో మెమరీ కార్డు సపోర్ట్ కూడా ఉంటుంది. ఫోన్ వెనుక భాగంలో 64 మెగా పిక్సల్ ప్రైమరీ కెమెరా తో పాటు 8 మెగా పిక్సల్ సెకండరీ కెమెరా, 2 మెగా పిక్సల్ కెమెరా ఉంటాయి. వాటితో పాటు 2 మెగా పిక్సల్ రిజల్యూషన్ కలిగిన 4వ కెమెరా కూడా వెనక భాగంలో ఉంటుంది. ఇది సెల్ఫీల విషయానికి వస్తే ఫోన్ ముందు భాగంలో 20 megapixel సెల్ఫీ కెమెరా ఉంటుంది.
ఈ ఫోన్ భారతీయ మార్కెట్లో 15 వేల రూపాయల ధరలో లభించే అవకాశాలు ఉన్నాయి. ఈ నేపథ్యంలో అటు కెమెరా పరంగా చూసినా గానీ, ర్యామ్ పరంగా చూసినా గానీ మెరుగైన స్పెసిఫికేషన్స్ కలిగి ఉన్న Redmi Note 8 Pro కోసం మరో రెండు రోజుల పాటు వెయిట్ చేయడం మంచిది. వాస్తవానికి ఈ ఫోన్ అక్టోబర్ 20 తారీకు తర్వాత ఫ్లాష్ సేల్ నిర్వహించబడే అవకాశం ఉంటుంది. మొదటి ఫ్లాష్ సేల్‌లో ఈ ఫోన్ లభించిన లభించకపోయినా, మరి కొన్నాళ్ళు వెయిట్ చేసి Redmi Note 8 Pro ఎంపిక చేసుకోవటం శ్రేయస్కరం.
