smartphone

Xiaomi phoneలో Airtel వాడుతున్నారా? మీ ఫోన్ క్రాష్‌కి కారణం ఇది!

Xiaomi, Mi phoneలు వాడుతున్న అనేకమంది Airtel వినియోగదారులు తాజాగా దేశవ్యాప్తంగా విచిత్రమైన సమస్య ఎదుర్కొంటున్నారు.

ఉన్న ఫళంగా phone క్రాష్ అయిపోవడం, హోమ్స్క్రీన్ రాకుండా మళ్లీమళ్లీ బూట్ లూప్‌లో ఇరుక్కోవడం జరుగుతోంది. ఇప్పటికే దీనికి సంబంధించి సోషల్ మీడియాలో యూజర్లు తమ ఆవేశాన్ని వ్యక్తం చేస్తున్నారు. కొంతమందికైతే Airtel మాత్రమే కాకుండా ఇతర SIM కార్డులను ఉపయోగించినా కూడా సమస్య ఎదురవుతోంది. దీనికి సంబంధించి పరిష్కారాన్ని అప్డేట్ చేసే ప్రయత్నంలో Xiaomi ఇప్పటికే ఉంది. Airtel సంస్థ ఈ పరిష్కారాన్ని అందించడం కోసం Xiaomi సంస్థతో కలిసి పని చేస్తోంది.

చాలా మంది వినియోగదారులకు Find Device Closed Unexpectedly అనే మెసేజ్ స్క్రీన్ మీద చూపించబడి ఇబ్బంది ఏర్పడుతోంది. ఆ తర్వాత ఫోన్ పనిచేయడం ఆగిపోతుంది. అప్లికేషన్ అప్డేట్ సమయంలో నిర్దిష్టమైన కోడ్ సక్రమంగా పని చేయకపోవడం వలన ఈ సమస్య తలెత్తినట్లు సమాచారం. ఈ నేపథ్యంలో వచ్చే వారానికి దీనికి సంబంధించిన శాశ్వత పరిష్కారం లభించే అవకాశాలు కనిపిస్తున్నాయి. అయితే అన్నిటికంటే ఇబ్బంది కరమైన విషయం ఏమిటంటే, ఇప్పటికే ఈ సమస్య ఎదుర్కొంటున్న వినియోగదారులు ఈ కొత్త అప్డేట్ తమకు తాము ఇన్స్టాల్ చేసుకునే అవకాశం లేదు.

Zebronics Zeb-Juke Bar 5 Multimedia Sound Bar with Bluetooth Connectivity,USB Input and Built-in FM అసలు ధర MRP:7,399 కాగా ప్రస్తుత Limited ఆఫర్ ధర కేవలం 3,499 కే… https://amzn.to/3ntWpti

తమకు దగ్గరలో ఉండే Xiaomi సర్వీస్ సెంటర్ కి ఫోన్ తీసుకువెళ్లి అక్కడ మాత్రమే దానికి సంబంధించిన అప్డేట్ ఫ్లాష్ చేయించుకోవడం సాధ్యపడుతుంది. సాంకేతికంగా అవగాహన ఉన్న వ్యక్తుల కోసం ఈ ఫ్లాష్ అప్డేట్ ప్రొసీజర్ అందరికీ అందుబాటులో ఆ సంస్థ పెడుతుందా లేదా అన్నది వెల్లడి కావాల్సి ఉంది.

ఏదేమైనా Xiaomi phoneలు వాడుతున్న వినియోగదారులు తీవ్ర స్థాయిలో తమ అసంతృప్తిని వ్యక్తం చేస్తున్నారు. ఇలాంటి సమస్యలు మళ్లీ పునరావృతం కాకుండా చూడవలసిన బాధ్యత ఆ సంస్థ మీద ఉంది. ప్రస్తుతానికి మీ phoneలో Airtel Thanks యాప్‌ని తొలగించి, రాబోయే రెండు మూడు వారాల పాటు దాన్ని మళ్లీ install చేయకండి. అలాగే క్రింది స్టెప్స్ ఫాలో అవండి:

Disable Ultra battery saver

Go to Settings
Search “Ultra”
Open Ultra battery saver
Turn off (Disable)

Also, disable the Find device option from the settings.

Go to settings
Search “Find device”
Select 2nd option from the search
Turn off the Find device.

Mi Home Security Camera 360 ఎందుకు బెస్ట్ కెమెరా అంటే.. – డీటైల్డ్ రివ్యూ!

Mi Home Security Camera 360 detailed review

ఇంటి సెక్యూరిటీ కోసం చాలామంది CC Cameraలు కొనుగోలు చేస్తూ ఉంటారు. అయితే వీటికి కనీసం కంట్రోల్ బాక్స్ తో కలిపి 30 నుంచి 50 వేల రూపాయల వరకు ఖర్చు అవుతుంది. అంత ఖర్చు పెట్టాల్సిన లేకుండా తక్కువ ధరలో మరిన్ని మెరుగైన సదుపాయాలు కలిగి ఉన్నాయి Mi Home Security Camera 360ని చాలా మంది ఇప్పటికే వాడుతున్నారు. ఈ నేపథ్యంలో దీని పనితీరు, ఇతర ఫీచర్స్ గురించి చూద్దాం. 2,899 రూపాయలు అసలు ధర కలిగిన ఈ కెమెరా ప్రస్తుతం కేవలం2,599కే https://amzn.to/3lbO4cN లింక్‌లో లభిస్తోంది.

డిజైన్ మరియు బిల్డ్ క్వాలిటీ

ఇది చూడటానికి ఒక బొమ్మ లాగా ఆకర్షణీయమైన డిజైన్ కలిగి ఉంటుంది. అవసరాన్ని బట్టి కెమెరా తన యాంగిల్ మార్చుకునే విధంగా దీన్ని రూపొందించారు. కెమెరా లెన్స్ కింద microSD slot అమర్చబడి ఉంటుంది. అలాగే కెమెరా వెనక భాగంలో గుండ్రంగా ఉండే స్పీకర్ గ్రిల్ లభిస్తుంది. Reset, Micro USB portలు కెమెరా వెనక భాగంలో లభిస్తాయి. పాలికార్బోనేట్‌తో రూపొందించబడిన డివైజ్ ఇది. అందువల్ల సుదీర్ఘకాలంపాటు ఎలాంటి ఇబ్బంది లేకుండా పనిచేస్తుంది. కేవలం 239 గ్రాముల బరువు మాత్రమే ఇది ఉంటుంది. షాక్ ప్రూఫ్ అవటం వలన పొరపాటున కింద పడినా కూడా పెద్దగా ప్రమాదం ఉండదు. ఏ మాత్రం శబ్దం చేయకుండా కెమెరా దానంతట అదే మూవ్ అవుతూ ఉంటుంది.

ఇన్‌స్టలేషన్, సెటప్ ఇలా!

దీన్ని ఎక్కడైనా సులభంగా అమర్చగలిగే విధంగా స్కూలను కూడా ఇచ్చారు. వాస్తవానికి టేబుల్ మీద, ఇతర ప్రదేశాల్లో కూడా స్క్రూలతో పనిలేకుండా నేరుగా అమర్చుకోవచ్చు. మొట్టమొదట కెమెరాను పవర్ కి కనెక్ట్ చేయాలి. కెమెరాతో పాటు 5 వాట్స్ అడాప్టర్ వస్తుంది. ఆ వెంటనే లెడ్ ఇండికేటర్ వెలుగుతుంది. ఆ కెమెరా నుండి వచ్చే లైవ్ వీడియో ఫీడ్ చూడడం కోసం Xiaomi Home Appని Google Play Store నుండి డౌన్లోడ్ చేసుకోవాలి. iOSకి కూడా ఇది లభిస్తుంది. వినియోగదారులు తమ వైఫై క్రెడెన్షియల్స్ ఈ అప్లికేషన్ లో ఎంటర్ చేయాలి. డివైజ్ పెయిర్ అయిన తర్వాత Mi Home అప్లికేషన్లో QR Code చూపించబడుతుంది. దానిని కెమెరా ద్వారా స్కాన్ చేయాలి. ఇదంతా కూడా చాలా సులభంగా పూర్తయ్యే ప్రక్రియ.

మిగతా 2వ పేజీలో..

Pages: 1 2

Smartphone బ్రాండ్‌ల కొత్త అవతారం ఇది!

smart phone brands entered into smart home segment

Samsung అంటే కేవలం smartphoneలు మాత్రమే కాదు.. దశాబ్దాల తరబడి TVలు, మిక్సీలు, ఫ్రిజ్‌లు వంటి అనేక గృహోపకరణాలను అది తయారు చేస్తూ వస్తోంది. సరిగ్గా అదే ఒరవడిని అందిపుచ్చుకుంటూ తాజాగా Xiaomi, OnePlus, Realme వంటి సంస్థలు అన్నీ విభాగాల్లోకి ప్రవేశిస్తున్నాయి.

Xiaomi 2014లో భారతీయ మార్కెట్లోకి ప్రవేశించిన తర్వాత దాదాపు నాలుగేళ్ల పాటు కేవలం smartphoneలు మాత్రమే తయారు చేస్తూ వచ్చింది. అయితే ఆ తర్వాతి కాలంలో Smart TVలను, ఎయిర్ ప్యూరిఫైయర్లు, బ్రష్‌లు, స్మార్ట్ కెమెరాలు ఇలా అనేక రకాల ఉత్పత్తులను మార్కెట్లో అందుబాటులోకి తీసుకు వచ్చింది. సరిగ్గా అదే బాటలో Realme, OnePlus కూడా కొనసాగుతున్నాయి. భారతీయ వినియోగదారుడు బ్రాండ్ వాల్యూ కి ఎక్కువ ఇంపార్టెన్స్ ఇస్తాడు అన్న విషయం గ్రహించిన smartphone తయారీ సంస్థలు తమకు పెద్దగా ఆధిపత్యం లేని విభాగాల్లోకి సైతం ప్రవేశించి తమ అదృష్టాన్ని పరీక్షించుకుంటున్నాయి.

Xiaomi సంస్థ Smart TVలను విడుదల చేసిన తొలినాళ్లలో ఆ మోడల్స్ కొనుగోలు చేయటానికి చాలామంది సంశయించారు. కానీ ఈ మధ్య కాలంలో ఎలాంటి అనుమానాలు లేకుండా వాటిని కొనుగోలు చేస్తున్నారు. అంటే ఒక బ్రాండ్ కేవలం కొత్త లో మాత్రమే ఇబ్బంది పడుతుంది. ఒకసారి వినియోగదారుల దృష్టిని ఆకర్షించిన తర్వాత సుదీర్ఘ కాలంలో అది కొనసాగగలుగుతుంది. కేవలం ఎలక్ట్రానిక్ అప్లయెన్సెస్ మాత్రమే కాదు, smart home విభాగానికి చెందిన వాయిస్ అసిస్టెంట్, సెక్యూరిటీ కెమెరాలు, స్మార్ట్ ప్లగ్ లు, స్మార్ట్ బల్బులు వంటి అన్ని రకాల విభాగాల్లోకి సంబంధిత సంస్థలు ప్రవేశిస్తున్నాయి.

ఇండియాలో smartphoneల తర్వాత smart TVలు ఎక్కువగా అమ్ముడుపోతున్నట్లు గణాంకాలు వెల్లడిస్తున్నాయి. భారీ స్క్రీన్ పరిమాణం కలిగిన టీవీలను తక్కువ ధరకే అందిస్తూ.. పోటాపోటీగా మార్కెట్లో అనేక సంస్థలు కొత్త మోడల్స్ విడుదల చేస్తున్నాయి. మున్ముందు మనం అనేక రకాల కొత్త ఉత్పత్తులు చూడబోతున్నాం.

ఒక product కొనేటప్పుడు రివ్యూలు చదివి మనం చేసే తప్పులు ఇవి!

“కుమార్” ఒక smartphone కొనాలనుకున్నాడు. Amazon, Flipkartలోకి వెళ్లాడు. ఆ ప్రోడక్ట్ క్రింద రివ్యూలు చదవటం మొదలు పెట్టాడు. Top reviews అని ఎప్పుడో 2018, 2019లో రాయబడిన నాలుగైదు fake reviewsలు కనిపించాయి.

“ప్రోడక్ట్ అస్సలు బాలేదు, వేస్ట్” అంటూ రాయబడి ఉన్న ఆ కామెంట్లని చదివి నిరుత్సాహపడి కొనడం ఆపేశాడు. వాస్తవానికి అవి ప్రత్యర్థి బ్రాండ్ల చేత వ్యూహాత్మకంగా రాయబడిన పెయిడ్ ఫేక్ రివ్యూలు అన్న విషయం అతనికి ఏ మాత్రం అర్థం కాదు. అదే “కుమార్” మరో స్మార్ట్‌వాచ్ తీసుకుందామని Youtubeలో రివ్యూలు చూడడం మొదలుపెట్టాడు. “ఈ మోడల్‌కి తిరుగే లేదు” అంటూ చాలా వీడియోలు కనిపించాయి. రెండో ఆలోచన లేకుండా కొన్నాడు. తీరా ఇంటికి వచ్చిన తర్వాత వాడటం మొదలు పెడితే అది ఒక చెత్త ప్రొడక్ట్.

ఇక్కడ Youtube రివ్యూల గురించి కాస్త వివరంగా చెప్పాలి. ఒక smartphone గురించి గానీ, ఇతర gadgets గురించి మీకు Youtubeలో కనిపించే అధికశాతం రివ్యూలు డబ్బులకు అమ్ముడుపోయి చేయబడే పాజిటివ్ రివ్యూలు మాత్రమే. ఒక phoneని ఆ కంపెనీ డెమోగా సదరు యూట్యూబర్‌కి పంపిస్తుంది. రివ్యూ చేసినందుకు 5 నుండి 10 వేల వరకూ చెల్లిస్తారు. “కంప్యూటర్ ఎరా”ని కూడా ఇలాగే అనేక కంపెనీలు అప్రోచ్ అవుతూ ఉంటాయి. అయితే నాసికరం ప్రోడక్టులను జనాలకు అంటగట్టి డబ్బులు చేసుకోవడం “కంప్యూటర్ ఎరా”కి ఈ 20 సంవత్సరాలలో ఎప్పుడూ అలవాటు లేదు. అందుకే అంతా ఆహా ఓహో అని చెప్పే paid reviewలు, ప్రోడక్ట్ అన్‌బాక్సింక్‌లకి “కంప్యూటర్ ఎరా” ఎప్పుడూ దూరంగా ఉంటుంది. అందుకే ఒక్కటి గుర్తుపెట్టుకోండి.. “యూట్యూబ్ రివ్యూలను నమ్మి ఫోన్లు, గ్యాడ్జెట్లు కొనేవాళ్లని చూసి జాలిపడాలి”.

ఇదంతా కూడా ఒక విషవలయం. ఇందులో ఏ ప్రభావాలకు లోనుకాని “కంప్యూటర్ ఎరా” లాంటి సంస్థలను వేళ్ళపై లెక్కపెట్టవచ్చు. అందుకే ప్రోడక్ట్ రేటింగ్ లు, రివ్యూలు చదివి దేన్నిబడితే దాన్ని కొనకండి. చెప్పే వ్యక్తి జెన్యూన్ అయి ఉంటే దేన్నయినా కొనొచ్చు. అలాగే చెత్తగా ఉందని రాయబడిన రివ్యూలను చూసీ ఆగిపోకండి.. కొన్నిసార్లు మంచి deals మిస్ అవుతారు. వాస్తవానికి Amazonలో Jabra Earbudsని కొంతమంది మిత్రులు కొనేముందు పైన నాలుగైదు రివ్యూలు badగా ఉన్నాయని నా దృష్టికి తీసుకొచ్చారు. నాకు ఒకటే నమ్మకం.. సంవత్సరం నుండి దీన్ని వాడుతున్నాను. ఎప్పుడూ ఎలాంటి సమస్యా లేదు. అదీగాక 13,990 రూపాయల విలువ కలిగిన ప్రోడక్ట్ 3,999కి లభించడం ఏమాత్రం మామూలు డీల్ కాదు. అందుకే ధైర్యంగా మిత్రులకు గైడ్ చేశాను. Amazon ఫేక్ రివ్యూలను చూసి డిసప్పాయింట్ అయిన వారు, తీరా తమకు product వచ్చాక మళ్లీ ఇప్పుడు చాలా సంతోషంగా ఉన్నారు. Samsung, OnePlus లాంటి earbuds ఏమాత్రం దీని క్వాలిటీ ముందు నిలవవని సంతోషం వ్యక్తం చేస్తున్నారు. ఆ ఇయర్‌బడ్స్ తీసుకోవాలనుకున్న వారు ఇక్కడ తీసుకోవచ్చు. కాబట్టి నమ్మదగిన వ్యక్తులను, రివ్యూలనే నమ్మండి.

నవంబర్ 3న Micromax లేటెస్ట్ phones వస్తున్నాయి.. వివరాలు ఇక్కడ!

Micromax సంస్థ భారతీయ మార్కెట్లో నవంబర్ 3వ తేదీన అనేక దేశీయ smartphone మోడళ్లను విడుదల చేయడానికి సన్నాహాలు చేస్తోంది.

In అనే బ్రాండ్ పేరు మీద ఈ మోడల్స్ విడుదలవుతాయి. నవంబర్ 3వ తేదీన మధ్యాహ్నం 12 గంటలకు జరిగే ఒక ప్రత్యేకమైన event ద్వారా ఇవి అందుబాటులోకి వస్తాయి. విడుదలకు ముందే ఈ సరికొత్త మైక్రోమ్యాక్స్ సిరీస్ కి సంబంధించిన కీలకమైన విషయాలు వెల్లడయ్యాయి. మీడియా టెక్ Helio ప్రాసెసర్ ఆధారంగా పనిచేసే మోడల్ తో పాటు మీడియా టెక్ helio G 35 ఆధారంగా పనిచేసే మోడల్ కూడా లభిస్తుంది.

మీడియా టెక్ Helio g35 ఆధారంగా పనిచేసే మోడల్ లో 6.5 అంగుళాల హెచ్డి ప్లస్ డిస్ప్లే, 3gb ram, 32జీబి ఇంటర్నల్ స్టోరేజ్ లభిస్తాయి. ఈ ఫోన్లో 5000mAh కెపాసిటీ కలిగిన బ్యాటరీ ఉండే అవకాశం ఉంది. ఈ ఫోన్ 7 వేల నుండి 15 వేల రూపాయల మధ్య ధర కలిగి ఉంటుందని తెలుస్తోంది.
ఐదు వందల కోట్ల రూపాయల పెట్టుబడితో మళ్లీ స్మార్ట్ ఫోన్ మార్కెట్ లోకి మరింత ప్రభావవంతంగా అడుగు పెట్టడం కోసం Micromax సన్నాహాలు చేస్తోంది. ఈ సంస్థకు దేశవ్యాప్తంగా రెండు ఉత్పత్తి కేంద్రాలు ఉండగా వాటిలో ఒకటి హైదరాబాద్ లో నెలకొని ఉండటం గమనార్హం. నెలకు ఇరవై లక్షలు ఫోన్లను తయారు చేసే సామర్థ్యం ఈ సంస్థ కలిగి ఉంది.

తాము తయారు చేసే ఫోన్ల ను దేశంలోని మారుమూల ప్రాంతాలకు కూడా తీసుకు వెళ్ళటం కోసం ఈ సంస్థ ఇప్పటికే స్థాపించబడి ఉన్న రిటైల్ మరియు డిస్ట్రిబ్యూషన్ నెట్వర్క్ల సహకారం తీసుకునే ప్రయత్నాలు చేస్తోంది. ప్రస్తుతానికి మైక్రోమ్యాక్స్ కి దేశవ్యాప్తంగా పదివేలకు పైగా outlets, 1000 కి పైగా సర్వీస్ సెంటర్లు అందుబాటులో ఉన్నాయి. ప్రస్తుతం స్మార్ట్ఫోన్ మార్కెట్లో నెలకొన్న పోటీ పరిస్థితుల్ని తట్టుకొని మైక్రోమ్యాక్స్ ఎంత మేరకు కొనసాగుతుందో కాలమే తేల్చి చెబుతోంది. ఏదేమైనా దేశీయ స్మార్ట్ఫోన్ కంపెనీ కోసం ఆసక్తిగా వేచి చూసే వారి కోసం కచ్చితంగా ఇది ఒక మంచి శుభవార్త గానే భావించాలి.