twitter

Facebookతో పాటు Twitterలో కూడా చాలామంది అకౌంట్ కలిగి ఉంటున్నారు. అయితే అనేక మంది ఫేస్బుక్లో ఎక్కువ సమయం గడుపుతున్నారు గానీ, ట్విట్టర్ లో లాగిన్ కావడం చాలా తక్కువ.

ఈ నేపథ్యంలో తాజాగా Twitter అధికారికంగా ఒక ప్రకటన చేసింది. గత ఆరు నెలల కాలంలో ఒకసారి కూడా లాగిన్ కాని అకౌంట్స్‌ని శాశ్వతంగా డిలీట్ చేయబోతున్నట్లు ప్రకటించింది. డిసెంబర్ 11వ తేదీ నుండి ఇది అమలు పరచబడుతుంది. దీనికి సంబంధించి ఆయా ఇనాక్టివ్ అకౌంట్స్ కలిగి ఉన్న వినియోగదారులకు ట్విట్టర్ సంస్థ ఈ మెయిల్స్ కూడా పంపించడం మొదలు పెట్టింది.

ఈ నేపథ్యంలో మీరు ఇప్పటికే ట్విట్టర్ అకౌంట్ కలిగి ఉన్నట్లయితే, వెంటనే ఆలస్యం చేయకుండా ఒకసారి మీ అకౌంట్లో లాగిన్ అయినట్లయితే డిసెంబర్ 11వ తేదీన అది డిలీట్ అవ్వకుండా కాపాడుకోవచ్చు. కేవలం ఈ ఒక్క సారి మాత్రమే కాదు, ఇకమీదట వీలైనంతవరకు తరచూ మీ ట్విటర్ అకౌంట్ లోకి లాగిన్ కావడం ద్వారా అది శాశ్వతంగా కొనసాగే విధంగా చేసుకోవచ్చు. ప్రపంచ వ్యాప్తంగా అనేక మంది సెలబ్రిటీలు మొదలుకొని, అన్ని రంగాలకు చెందిన నిపుణులు Twitterలో అకౌంట్ కలిగి ఉంటున్న నేపథ్యంలో ఇప్పటికే ట్విట్టర్ వాడటం అలవాటు లేనివారు మెల్లగా అలవాటు చేసుకోవడం మంచిది.

గతంలో 140 క్యారెక్టర్లు మాత్రమే సాధ్యపడిన ఒక ట్వీట్‌ పరిమాణాన్ని ట్విట్టర్ సంస్థ పెంచిన విషయం తెలిసిందే. సమాజంలో జరిగే వివిధ అంశాల గురించి మీరు ఏవైనా ప్రపంచ వ్యాప్తంగా అందరికీ తెలిసే విధంగా వ్యక్తపరచాలి అంటే తగిన హ్యాష్‌ట్యాగ్ ఉపయోగించి నేరుగా ట్విట్టర్లో పోస్ట్ చేయొచ్చు. “కంప్యూటర్ ఎరా” కూడా ఈ లింకులో స్వయంగా ట్విట్టర్ అకౌంట్ కలిగి ఉంది. దానిని మీరు ఫాలో కావచ్చు. లేటెస్ట్ అప్డేట్స్ ఎప్పటికప్పుడు పొందవచ్చు.

ఉన్నత స్థానంలో ఉన్న వ్యక్తులు చేసే చిన్న చిన్న తప్పులు  ఎంతగా చర్చనీయాంశం అవుతాయో తాజా సంఘటన మరోసారి రుజువు చేసింది.

అమెరికా అధ్యక్షుడు డొనాల్డ్ ట్రంప్  ఒక విషయంపై తాజాగా Twitter ద్వారా చేసిన ట్వీట్లో ఒక స్పెల్లింగ్ మిస్టేక్ చోటుచేసుకుంది.  ఇక దాన్ని పట్టుకొని ప్రపంచవ్యాప్తంగా ఆయనమీద జోక్‌లు మొదలయ్యాయి. ఇంటికి ఆయన చేసిన తప్పు ఏంటి అంటే.. Text Messages అనే  పదం వాడడానికి బదులు పొరబాటున తన ట్వీట్‌లో Text Massages అనే పదం టైప్ చేశారు.

మసాజ్ అంటే తెలిసిందే కదా. మర్థన చేయించుకోవడం!  ఆయన చేసిన ట్వీట్ 30 నిమిషాలపాటు అలాగే ట్విట్టర్‌లో ఉంది.  చేసిన తప్పు అయినా నోటిస్ కి వచ్చినట్లు ఉంది, అరగంట తర్వాత ఆ ట్వీట్ తొలగించి  మరో ట్వీట్ చేశారు. అయితే ఈ లోపే జరగాల్సిన నష్టం జరిగిపోయింది. ఒకతను అయితే “ నేను ఇప్పటివరకు టెక్స్ట్ మసాజ్  చేయించుకోలేదు.. అది ఎలా ఉంటుంది?” అంటూ వ్యంగ్యంగా ట్వీట్ చేశాడు.

తరచూ వాడే పదాలు auto-correct  చేయబడుతూ ఉంటాయని, ఈ ప్రకారం డొనాల్డ్ ట్రంప్ మసాజ్‌ల కోసం  ఎవరికి మెసేజ్‌లు పంపిస్తున్నారో తెలియాల్సి ఉందని మరొకతను జోక్ చేశారు. ట్రంప్  రెండోసారి చేసిన ట్వీట్ లో కూడా Its అని టైప్ చేయడానికి బదులు It’s అని టైప్ చేశారు. ఆ స్పెల్లింగ్ మిస్టేక్ కూడా చర్చనీయాంశమైంది. వాస్తవానికి ఈ మధ్యకాలంలో మనం వాడుతున్న smartphoneలు,  ఇతర డివైజ్లలో auto-correct వల్ల తప్పులు దొర్లడం సహజం. ఒక పోస్ట్ చేయబోయే ముందు దాన్ని ఒకసారి సరిచూసుకుంటే చాలా వరకు వీటిని అధిగమించవచ్చు. అయితే బిజీగా ఉండే వ్యక్తులకు అది సాధ్యపడకపోవచ్చు.

ప్రపంచంలో పేరున్న సోషల్ నెట్వర్కింగ్ websiteల పేర్లు చెప్పాల్సివస్తే మొట్టమొదట Facebook, తర్వాత Twitter ప్రస్తావించబడతాయనడంలో సందేహమే లేదు.

అలాంటిది Twitter సంస్థ సీఈవో అయిన Jack Dorsey అసలు కనీసం laptop అనేదే వాడడు అంటే నమ్ముతారా? అవును, అతను తన పనులన్నీ smartphoneలోనే పూర్తి చేసుకుంటూ వుంటాడట. ఫేక్ న్యూస్‌కి అడ్డుకట్ట వేయడం కోసం ట్విట్టర్ తీసుకుంటున్న చర్యల గురించి ఆస్ట్రేలియాలోని సిడ్నీలో ఓ సమావేశంలో మాట్లాడుతూ అతను స్వయంగా ఈ విషయం వెల్లడించారు.

ఆ సమావేశానికి హాజరైన ఓ వ్యక్తి.. ఓ ఆసక్తికరమైన ప్రశ్న వేసినప్పుడు ఈ ప్రస్తావన వచ్చింది. కొన్నాళ్ళ క్రితం ఫేస్బుక్ సీఈఓ మార్క్ జూకర్బర్గ్ తన లాప్టాప్ కి ఉన్న వెబ్క్యామ్‌కి వాడినప్పుడు టేప్ వేసి పెడతానని వెల్లడించిన నేపథ్యంలో, అలాంటి జాగ్రత్తలు ఏమైనా Jack కూడా తీసుకుంటున్నాడా అని ఆ వ్యక్తి ప్రశ్నించారు. దీనికి సమాధానమిస్తూ అసలు తాను లాప్టాప్ అనేదే వాడనని, లాప్టాప్ వల్ల పలురకాల అంశాలపై తన దృష్టి మళ్లుతూ సమయం వృధా అవుతుందని.. అందుకే తన పనులన్నీ smartphoneలోనే పూర్తి చేసుకుంటానని అతను తెలిపారు.

స్మార్ట్ ఫోన్ కూడా అతను చాలా పరిమితంగా వాడుతున్నారు. ఫోన్లో ఇతర అప్లికేషన్ల నుండి నోటిఫికేషన్లు డిజేబుల్ చేసుకొని కేవలం తనకవసరమైన అప్లికేషన్లు మాత్రమే ఇన్స్టాల్ చేసుకుని, వాటినుండి మాత్రమే నోటిఫికేషన్ పొందేవిధంగా అతను ఏర్పాటు చేసుకున్నారు. టెక్నాలజీ దిగ్గజాలు ఇలా టెక్నాలజీని తమ ప్రొడక్టివిటీ పెంచేవిధంగా పరిమితంగా వాడుతుంటే సామాన్య ప్రజానీకం మాత్రం ఆ టెక్నాలజీ మాయలో టైమ్ వేస్ట్ చేసుకుంటూ ప్రవాహంలో కొట్టుకుపోతున్నారు.

మీకు Twitter అకౌంట్ ఉందా.. అయితే అర్జెంటుగా మీ పాస్వర్డ్ మార్చుకోండి. ప్రపంచవ్యాప్తంగా ఉన్న కోట్లాది Twitter యూజర్లు అశ్రద్ధ చేయకుండా పాస్వర్డ్ మార్చుకోవాల్సిన పరిస్థితి తాజాగా ఏర్పడింది.

Passwordలను హాషింగ్ చేసే ప్రక్రియలో ఓ చిన్న బగ్ కారణంగా అందరు Twitter యూజర్ల పాస్‌వర్డ్‌లు హ్యాకర్లకు తెలిసే ప్రమాదం తలెత్తింది. సహజంగా Twitter మనం ప్లెయిన్ టెక్ట్స్‌గా ఎంటర్ చేసే పాస్వర్డ్లను డీకోడ్ చేయడానికి వీల్లేకుండా హాషింగ్ టెక్నిక్ ద్వారా కష్టసాధ్యంగా మార్చేస్తుంది.

అంతవరకు బాగానే ఉంది కానీ.. అలా మార్చే క్రమంలో ఓ చిన్న లోపం వలన ప్రపంచంలోనే అందరు ట్విట్టర్ వినియోగదారుల పాస్వర్డ్‌లు plain textతో కూడిన ఓ log file రూపంలో భద్రపరచబడ్డాయి. ఇప్పటివరకు ఈ log file హ్యాకర్లు ఎవరికీ దొరికిన అనుమానం లేదు గానీ ఎందుకైనా మంచిది ప్రతీ యూజర్ తమ పాస్వర్డ్లను వెంటనే మార్చుకోవాలని Twitter అందరికీ mails పంపిస్తోంది.

మీరు ట్విట్టర్ వాడుతున్నట్లయితే మీ అకౌంట్లో లాగిన్ అయ్యి Settings and Privacy అనే విభాగంలో Password అనే ప్రదేశం వద్ద వెంటనే మీ పాత పాస్వర్డ్ స్థానంలో కొత్త పాస్వర్డ్ ని సెట్ చేసుకోండి. ఒక సురక్షితంగా ఉండాలంటే two-factor authenticationని ఎనేబుల్ చేసుకోవటం మంచిది. దీనికిగాను Account>Security అనే విభాగంలో Setup login verification అనే విభాగంలోకి వెళ్లి Setup login verification అనే ఆప్షన్ కాన్ఫిగర్ చేస్తే సరిపోతుంది.

Twitterలో ఎవరి ప్రొఫైల్ పక్కనైనా blue tick ఉంటే ఇప్పటివరకూ వారు గొప్ప వారి కింద లెక్క. కేవలం సెలబ్రిటీలకు మాత్రమే ఇలా వెరిఫైడ్ ప్రొఫైళ్లు ఉంటాయన్నది మనందరికీ తెలిసిందే.

తమ Twitter ప్రొఫైల్‌కీ బ్లూ టిక్ ఉంటే బాగుణ్ణని చాలామంది భావిస్తుంటారు గానీ అది మనంతట మనం సాధించుకునేది కాదు, అనేక అంశాలను పరిగణనలోకి తీసుకొని Twitter యూజర్లకు ఆ హోదా ఇస్తూ ఉంటుంది. అయితే నిరుత్సాహ పడాల్సిన పనిలేదు. మీ కోరిక త్వరలో తీరబోతోంది.

ఇకపై Twitter తగిన ఆధారాలు చూపించిన ప్రతి ఒక్కరికి verified profile కేటాయించ బోతోంది. ట్విట్టర్ ఈ నిర్ణయం తీసుకోవడం వెనుక పెద్ద కథే ఉంది. చాలామంది సెలబ్రిటీలకు verified profile హోదా ఇవ్వడం వలన.. వారు తమ స్థాయిని మర్చిపోయి చెత్త మాట్లాడినా వెరిఫైడ్ ప్రొఫైల్ కాబట్టి వారు మాట్లాడిందంతా కరెక్టే అనే అభిప్రాయం చాలామందిలో వ్యక్తమవుతోంది. అంతేకాదు వారి చెత్త వాగుడుకి Twitter వెన్నుదన్నుగా ఉంటుందనే అభిప్రాయాలు చాలా మందిలో ఉన్నాయి.

ఈ నేపథ్యంలో Verified profiles కాన్సెప్ట్ దుర్వినియోగం అవుతోందని విషయం గుర్తించి Twitter ఈ కాన్సెప్ట్ ను సమూలంగా మార్చేస్తోంది. ప్రొఫైల్‌లో పేర్కొన్న పేరు కలిగిన వ్యక్తే తానంటూ ఎవరైనా తగిన ఐడెంటిటీ ప్రూఫ్ చూపించగలిగితే వారికి వెరిఫైడ్ ప్రొఫైల్ కేటాయించాలని Twitter నిర్ణయించుకుంది. దీనికి సంబంధించిన విధి విధానాలు త్వరలో వెల్లడయ్యే అవకాశం ఉంది.