whatsapp new feature

Whatsapp Backup ఇక మరింత పదిలం.. కొత్త ఫీచర్ తీసుకు వస్తున్న Whatsapp

కొంతకాలం క్రితం ముంబై డ్రగ్స్ కేసులో నిందితుల Whatsapp Backup ఆటోమేటిక్ గా Google Driveలో సేవ్ అవడం వల్ల పోలీసులు దాన్ని చేజిక్కించుకుని, ఆ ఛాట్ పబ్లిక్ లోకి రావడం తెలిసిందే. ఇలాంటివే ఇటీవల అనేక సందర్భాలు ఎదురవుతున్న నేపథ్యంలో Google Driveలో సేవ్ అవుతున్న Whatsapp Backup పట్ల వినియోగదారులకు నమ్మకం పోతోంది.

ఈ విషయాన్ని గుర్తించిన Whatsapp సంస్థ తాజాగా ఒక శక్తివంతమైన సదుపాయాన్ని ప్రవేశపెడుతోంది. Android phoneలు వాడుతున్న యూజర్లకి Google Drive, iPhoneలు వాడుతున్న యూజర్లకు iCloudలో సేవ్ అయ్యే Whatsapp Backupని ఎవరూ నేరుగా యాక్సెస్ చెయ్యకుండా ఉండడం కోసం ఛాట్ backupలను పాస్వర్డ్‌తో రక్షించే ఫీచర్‌ని ఆ సంస్థ తీసుకొస్తోంది.

వినియోగదారులు చాట్ బ్యాకప్ పాస్వర్డ్ ప్రొటెక్ట్ చేసుకోవాలని భావించినట్లయితే, దాన్ని ఎనేబుల్ చేసుకుని, కనీసం ఎనిమిది క్యారెక్టర్లతో కూడిన పాస్వర్డ్ సెట్ చేసుకోవాలి. ఇక మీదట యూజర్లు కొత్త ఫోన్ లో గానీ, ఇతర సందర్భాలలో ఛాట్ బ్యాకప్ రీస్టోర్ చేసుకోవడానికి ప్రయత్నించినప్పుడు, గతంలో సెట్ చేసిన పాస్వర్డ్ ఎంటర్ చేస్తే మాత్రమే, అది ఫోన్ లోకి రీస్టోర్ అవుతుంది. ఒకవేళ యూజర్లు తప్పుడు పాస్వర్డ్ ఎంటర్ చేస్తే, వారి బ్యాకప్ తిరిగి వెనక్కి రాదు.

ఇక్కడ ప్రధానంగా ఒక విషయం గుర్తు పెట్టుకోవాలి.. మిగతా సందర్భాల్లో లభించే విధంగా మర్చిపోయిన పాస్వర్డ్ని రీసెట్ చేసుకోవడానికి కూడా ఎలాంటి ఆప్షన్ కల్పించబడదు. కాబట్టి పాస్ వర్డ్ సెట్ చేసుకునేటప్పుడు పూర్తిగా అప్రమత్తంగా ఉండాలి. ఇక్కడ మరో విషయం గుర్తు పెట్టుకోవాలి.. Whatsapp Chat అనేది end-to-end encryption అయినప్పటికీ దాని బ్యాకప్ మాత్రం క్లౌడ్ స్టోరేజ్ లో సేవ్ అయ్యేటప్పుడు ఇప్పటికీ ప్లెయిన్‌గానే ఉంటుంది. ఆ బ్యాక్ అప్ కి కొత్తగా వస్తున్న పాస్వర్డ్ ప్రొటెక్షన్ సదుపాయం అదనపు రక్షణ మాత్రమే.

ఒకవేళ పోలీస్ విభాగం నేరస్థుడి మీద వత్తిడి తీసుకు వచ్చి, అతని చేతే ఛాట్ బ్యాకప్ పాస్వర్డ్ టైప్ చేయించి, ఛాట్ రీస్టోర్ చేయిస్తే ఈ కొత్త సదుపాయం నిరుపయోగంగా ఉంటుంది.

PhonePe, Google Pay ఇక సర్ధుకోవలసిందేనా? Whatsapp Payments వచ్చింది!

భారతీయ మార్కెట్లో UPI అప్లికేషన్స్ వినియోగం ఇటీవల కాలంలో బాగా పెరిగింది. నిన్నమొన్నటి వరకు మార్కెట్ లీడర్ గా ఉన్న Google Payని వెనక్కి నెట్టి PhonePe ఇటీవల త్రైమాసికంలో మొదటి స్థానం లోకి వచ్చేసింది. ఈ నేపథ్యంలో ఈ రెండు సంస్థలకు గట్టి పోటీ ఎదురు కాబోతోంది.

తమ smartphoneలో Whatsapp లేని వినియోగదారుడు ఉండడు అనడంలో సందేహం లేదు. ఈ నేపథ్యంలో 2018లో పది లక్షల మంది వినియోగదారులకు ట్రయల్ బేసిస్ మీద అందుబాటులోకి వచ్చిన Whatsapp Paymentsకి రిజర్వ్ బ్యాంక్ ఆఫ్ ఇండియా, ప్రభుత్వం నుండి అనేక అడ్డంకులు ఏర్పడ్డాయి. ముఖ్యంగా భారతీయ వినియోగదారులకు సంబంధించిన పేమెంట్ డేటా ఇండియాలోనే భద్రపరచాలి అనే నియమాన్ని రిజర్వ్ బ్యాంక్ ఆఫ్ ఇండియా గట్టిగా పెట్టింది. దీనికి అనుకూలంగా ఏర్పాట్లు చేయడం విషయంలో ఇప్పటివరకు Whatsapp Payments ఆలస్యమైంది.

అయితే ఎట్టకేలకు UPI చెల్లింపులకు సంబంధించి అధికారిక సంస్థ నేషనల్ పేమెంట్స్ కార్పొరేషన్ ఆఫ్ ఇండియా (NPCI) Whatsappకి పూర్తి స్థాయిలో అనుమతి మంజూరు చేసింది. దీనికి సంబంధించిన ప్రకటన కూడా నిన్న చేసింది. ఈ నేపథ్యంలో దశలవారీగా Whatsapp Payments మనకు అందుబాటులోకి రాబోతోంది. ప్రస్తుతం చాలామంది యూజర్లకి Whatapp Payments అందుబాటులోకి రావడంతో వాట్సాప్ ద్వారా ఫోటోలు వీడియోలు షేర్ చేసుకునే అంత సులభంగా మనం ఎవరికైనా డబ్బులు కూడా పంపించు కునే అవకాశం లభించింది. వాట్సాప్ పేమెంట్ సదుపాయాన్ని వాట్సప్ అప్లికేషన్ లో పూర్తిస్థాయిలో ఇంటిగ్రేట్ చేయటం చాలా సులభమైన విషయం. ఇప్పటికే ఆ ఇంటిగ్రేషన్ పూర్తయి పూర్తి స్థాయిలో ఆ ఫీచర్ అందుబాటులోకి వచ్చేసింది.

ఈ నేపధ్యంలో GooglePe, PhonePeలకు ప్రత్యామ్నాయంగా Whatsapp Paymentsని ఉపయోగించుకునే అవకాశం ఎక్కువగా ఉంది. ఇక్కడ కీలకమైన విషయం గుర్తు పెట్టుకోవాలి. NPCI నిబంధనల ప్రకారం భారతదేశం లో పనిచేస్తున్న ఏ UPI అప్లికేషన్ కూడా 33 శాతం వాటాకి మించి కలిగి ఉండకూడదు. ఈ నేపథ్యంలో Whatsapp Payments ఎంత పాపులర్ అయిన ప్పటికీ, అది మొత్తం మార్కెట్ షేర్ సొంతం చేసుకునే అవకాశాలు మాత్రం లేవు.

Whatsappలో కొత్తగా వస్తున్న మరో ఫీచర్ వివరాలు!

Whatsapp మరో వినూత్నమైన సదుపాయాన్ని అందించడానికి సన్నాహాలు చేస్తోంది. దీనికి సంబంధించి Whatsapp అధికారిక వెబ్సైట్లో అంతర్గతంగా రిఫరెన్స్ లభించింది.

Disappearing Messages పేరుతో పిలవబడే ఈ ఫీచర్, మనం పంపిన మెసేజ్ లు ఒక నిర్దిష్ట సమయం తర్వాత ఆటోమేటిగ్గా డిలీట్ అయ్యే విధంగా ఏర్పాటు చేస్తుంది. అంటే నేను మీ ఫ్రెండ్ కి Whatsapp ద్వారా ఒక మెసేజ్ పంపించారు అనుకోండి. అవతలి ఉన్న వ్యక్తి దాన్ని చదివినా చదవకపోయినా ఒక నిర్దిష్టమైన సమయం తర్వాత అది ఆటోమేటిక్ గా తొలగించబడుతుంది.

ఈ Disappearing Messages సదుపాయానికి Whatsapp వారం రోజుల గడువు పెట్టింది. అంటే దీన్ని ఎనేబుల్ చేసినప్పుడు, మీరు అవతలి వ్యక్తికి పంపించిన మెసేజ్ వారం రోజుల తర్వాత ఆటోమేటిక్ గా డిలీట్ అవుతుంది. అయితే ఇక్కడ ఒక విషయం గుర్తు పెట్టుకోవాలి. అవతలి వ్యక్తి కూడా ఇదే సదుపాయాన్ని ఎనేబుల్ చేసుకుంటే మాత్రమే మీరు పంపించిన మెసేజ్ ఆటోమేటిగ్గా డిలీట్ అవుతుంది. ఒకవేళ అవతలి వ్యక్తి దీన్ని ఎనేబుల్ చేసుకోకపోతే, మీరు మాత్రమే ఎనేబుల్ చేసుకుని ఉన్నట్లయితే.. మీరు పంపించిన మెసేజ్ అవతలి వ్యక్తి ఫోన్ లో శాశ్వతంగా ఉండిపోతుంది.

Disappearing Messagesలో అనేక లోపాలు ఉన్నాయి. ఒకవేళ అవతలి వ్యక్తి వారం రోజుల పాటు అసలు Whatsapp ఓపెన్ చేయకపోయినా కూాడా ఆ మెసేజ్ దానంతట అదే డిలీట్ అయిపోతుంది. ఇంతకుముందు పంపించిన మెసేజ్‌ని కోట్ చేస్తూ మీరు మరో మెసేజ్ పని పంపినట్లయితే, అలా కోట్ చేయబడిన భాగంలో గడువు తీరిన తర్వాత కూడా ఆ మెసేజ్ అలా కొనసాగుతూ ఉంటుంది. అలాగే మీరు పంపించిన మెసేజ్ ని అవతలి వ్యక్తి ఎవరికైనా ఫార్వర్డ్ చేసినా కూడా, ఏడు రోజుల తర్వాత ఆ మెసేజ్ డిలీట్ కాకుండా అలాగే కొనసాగుతుంది.

మెసేజ్ డిలీట్ కాకముందు అవతలి వ్యక్తి వాట్స్ఆప్ బ్యాకప్ తీసి.. మెసేజ్ డిలీట్ అయిన తర్వాత మళ్ళీ రీస్టోర్ చేస్తే అది తిరిగి మళ్ళీ వెనక్కు వస్తుంది. ఏదేమైనా అతి త్వరలో Android, iOS, KaiOS, Web ఆపరేటింగ్ సిస్టం లో కోసం Whatsapp ఈ సదుపాయాన్ని పూర్తిస్థాయిలో తీసుకువచ్చే ప్రయత్నం చేస్తోంది