whatsapp

Whatsappలో సుదీర్ఘకాలంగా ఉన్న అతి పెద్ద సమస్య ఫార్వార్డెడ్ మెసేజ్‌లు. ఒక విషయం కరెక్టా కాదా తెలుసుకోకుండా చాలామంది తమ దృష్టికి వచ్చిన అన్ని రకాల మెసేజ్లు విపరీతంగా ఫార్వర్డ్ చేస్తుంటారు.

సరిగ్గా ఇదే కారణం చేత కరోనా వ్యాప్తి ఎక్కువ సమయం లో అనేక ఫేక్ న్యూస్ కూడా Whatsappలో విపరీతంగా సర్క్యులేట్ అవ్వడం జరిగింది. ఈ నేపథ్యంలో ఏప్రిల్ మొదట్లో Whatsapp సంస్థ ఒక కొత్త పరిమితి తీసుకువచ్చింది. ఏదైనా మెసేజ్ గతంలో అనేక మార్లు ఫార్వార్డ్ చేయబడి ఉన్నట్లయితే, ఇక మీదట దాన్ని కేవలం ఒక సారికి ఒక కాంటాక్ట్‌కి మాత్రమే ఫార్వార్డ్ చేసే విధంగా పరిమితి విధించింది.

దీంతో ఏకంగా 70 శాతం వరకు ఇలా ఎక్కువగా ఫార్వార్డ్ అవుతున్న మెసేజ్ ల సంఖ్య తగ్గిపోయిందని ఆ సంస్థ తాజాగా కేంద్ర ప్రభుత్వానికి నివేదించడం జరిగింది. ఈ విషయాన్ని కేంద్ర ప్రభుత్వ ఎలక్ట్రానిక్స్ అండ్ కమ్యూనికేషన్ టెక్నాలజీ శాఖ దృష్టికి వాట్సప్ తీసుకు వెళ్ళింది. వైరల్ మెసేజ్‌లను కట్టడి చేయడంలో వీలైనంతవరకూ తమ ప్రయత్నం తాము చేస్తున్నామని Whatsapp అభిప్రాయపడింది.

ఏప్రిల్ నెల ప్రారంభంలో కేంద్ర ప్రభుత్వం TikTok, Helo, Whatsapp, Facebook, Youtube వంటి సంస్థలు నకిలీ సమాచారాన్ని అడ్డుకోవటానికి ఎలాంటి చర్యలు తీసుకుంటున్నాయో తమకు తెలియ చేయాలని ఆదేశించింది. Whatsapp ద్వారా సర్క్యులేట్ అవుతున్న నకిలీ మెసేజ్ లను గుర్తించటం కోసం ఇప్పటికే వాట్సాప్ ప్రపంచవ్యాప్తంగా అనేక ఫ్యాక్ట్ ఛెకింగ్ ఏజెన్సీలతో కలిసి పని చేస్తోంది. మన దేశంలోనే 12 సంస్థలతో అది ఒప్పందాలు కుదుర్చుకుంది.

ఈ నేపథ్యంలో ఇక మీదట ఏదైనా ఒక సమాచారం Whatsapp ద్వారా షేర్ చేయబడినప్పుడు దానిలో ఉండే వాస్తవాలను అక్కడికక్కడే తెలుసుకునే విధంగా ఒక కొత్త ఆప్షన్ తీసుకు రావటానికి కూడా వాట్సప్ ప్రయత్నాలు చేస్తోంది. త్వరలో ఆ ఆప్షన్ వచ్చే అవకాశం ఉంది.

Whatsapp వినియోగదారులకు శుభవార్త. Lock down కారణంగా ప్రపంచవ్యాప్తంగా అందరూ ఇంటి దగ్గరే ఉంటున్న ఈ పరిస్థితిని దృష్టిలో పెట్టుకొని Whatsapp ఒక పరిమితిని సడలించింది.

ఇప్పటివరకు కేవలం నలుగురు వ్యక్తులతో మాత్రమే Group video calls చేసుకునే వెసులుబాటు ఉండేది. అలాంటిది కాస్తా, దాన్ని రెట్టింపు చేస్తూ ఇక మీదట ఎనిమిది మంది వ్యక్తులతో ఒకేసారి గ్రూప్ వీడియో కాల్స్ చేసుకునే అవకాశాన్ని వాట్సాప్ తీసుకొస్తోంది. iOS లేదా Android ఆపరేటింగ్ సిస్టమ్ ఆధారంగా పనిచేసే ఫోన్లలో Whatsapp Beta వాడుతున్న యూజర్లకు ఇది అందుబాటులో ఉంటుంది.

ఇప్పటికే ప్రపంచవ్యాప్తంగా Beta వెర్షన్ వాడుతున్న యూజర్లకు ఈ సదుపాయం మొదలైంది. మీరు బీటా వెర్షన్ వాడుతూ ఇప్పటికి కేవలం నలుగురితో మాత్రమే వీడియో కాల్ చేసుకుంటుంటే, గూగుల్ ప్లే స్టోర్ ద్వారా లేటెస్ట్ వెర్షన్ వచ్చిందేమో పరిశీలించండి. అప్డేట్ చేసుకున్న తర్వాత మాత్రమే మీకు ఎక్కువమందితో వాట్స్అప్ వీడియో కాల్ చేసుకునే ఫెసిలిటీ వస్తుంది.

ఇప్పటివరకు ఉన్న దానికి భిన్నంగా 8 మంది వరకూ ఒక video callలో ఉంటే, అందరి వీడియోలు అందరికీ కనిపించే విధంగా యూజర్ ఇంటర్ ఫేస్ లో ఆ సంస్థ మార్పులు కూడా చేసింది. వాట్సాప్ లో ఎక్కువ మందితో ఒకసారి వీడియో కాల్ చేసుకునే ఫెసిలిటీ ఇప్పటివరకు లేకపోవడంతో అధిక శాతం మంది Google Hangouts వంటి వాటి మీద ఆధారపడుతున్న విషయం తెలిసిందే. అయితే ఇకమీదట అంత కష్టపడాల్సిన పనిలేదు.

మీరు తరచూ ఎవరికైతే Whatapp video call చేస్తుంటారో వారిని అందరినీ కలిపి ఒక గ్రూప్ తయారు చేసుకోవడం ద్వారా, కాల్ చేయాలనుకున్నప్పుడు సులభంగా కాల్ చేసుకోవచ్చు. వాట్సాప్ ఫైనల్ వెర్షన్ వాడుతున్న యూజర్లకు ఈ సదుపాయం రావడానికి మరికొంత సమయం పడుతుంది.

Whatsapp వినియోగదారులకు శుభవార్త. సుదీర్ఘకాలంగా వాట్సప్ వినియోగదారులకు సదుపాయం కోసం ఆసక్తిగా వేచి చూస్తున్నారు.

ముఖ్యంగా ప్రస్తుతం లాక్ డౌన్ నెలకొని ఉన్న నేపథ్యంలో ప్రపంచ వ్యాప్తంగా వీడియో కాల్స్ కి, వీడియో కాన్ఫరెన్స్ కి విపరీతమైన ఆదరణ పెరిగిపోయింది. దీనికోసం అధికశాతం మంది Zoom, Google Hangouts వంటి అప్లికేషన్లను వాడుతున్నారు.

వాస్తవానికి Whastappలో వీడియో కాల్ సదుపాయం ఉన్నప్పటికీ, ఎక్కువ మంది దాన్ని సెలెక్ట్ చేసుకోకపోవడానికి ప్రధాన కారణం, అందులో కేవలం గరిష్టంగా నలుగురు వ్యక్తులు మాత్రమే వీడియో కాల్ ద్వారా సంపాదించుకోవడం సాధ్యపడుతుంది. ఈ నేపథ్యంలో ఎక్కువ మంది కుటుంబ సభ్యులు ఉన్న వారు కూడా Whatsappకి బదులుగా ప్రత్యామ్నాయ మార్గాలను వాడుతున్నారు. అయితే ఇక మీదట ఇంత కష్టపడాల్సిన పనిలేదు.

ఇప్పటి వరకు ఉన్న నలుగురు పార్టిసిపెంట్స్ పరిమితిని ఆ సంస్థ పెంచుతోంది. దీనికి సంబంధించిన ప్రస్తావన ఇప్పటికే iOS ఆపరేటింగ్ సిస్టమ్ కోసం విడుదల చేయబడిన వాట్స్అప్ మెసెంజర్ beta 2.20.50.23 వెర్షన్‌లో అంతర్గతంగా పేర్కొనబడి ఉంది. దీన్ని పూర్తి స్థాయిలో అందరూ యూజర్లకు అందుబాటులోకి తీసుకురావడానికి మరి కొన్ని రోజుల సమయం పడుతుంది.

మిగతా ప్రపంచ దేశాలతో పోలిస్తే ఇండియాలో Whatsapp వినియోగం ఎక్కువ కాబట్టి, Whatsapp వీడియో కాల్ లో మరింత ఎక్కువ మందిని సపోర్ట్ చేయడం మొదలుపెడితే కచ్చితంగా ఇతర అప్లికేషన్ల వైపు వెళ్లే వారి సంఖ్య తగ్గుతుంది. ఒకపక్క Zoom వంటి అప్లికేషన్లలో సెక్యూరిటీ లోపాలు బయట పడుతున్న నేపథ్యంలో అధిక శాతం మంది వినియోగదారులు మెరుగైన ప్రత్యామ్నాయం కోసం ఎదురు చూస్తున్నారు. ఈ నేపథ్యంలో కచ్చితంగా వాట్సాప్ గ్రూపు వీడియో కాలింగ్ లో మరింతమందిని సపోర్ట్ చేయటం చాలా ప్రయోజనకరంగా ఉంటుంది. అయితే గరిష్టంగా ఎంతమందికి సపోర్ట్ ఉంటుంది అన్నది స్పష్టం కావాల్సి ఉంది.

రాబోయే ఒకటి రెండు వారాల్లో ఈ ఫీచర్ అందరి యూజర్లకు లభిస్తుంది.